昌發泰國粉麵屋

營業中

休息中

昌發有兩間店，相連的。由於第一間店已經滿哂所以去第二間。四周牆壁都痴滿自家美食相片，我坐既位置對面上方仲有幅和尚相片(因為驚唔禮貌所以冇影低)，增添不少泰國風味每樣菜都有編號，點菜就寫喺佢准備既點菜紙度(連續三個想食都話無得賣 ，可能賣哂) 起筷三個人叫咗兩個咖哩耶汁雞絲伊麵同一個青咖哩牛。等咗20分鐘先上一個咖哩耶汁雞絲伊麵 之後等多15分鐘再上青咖哩牛，我另一個咖哩耶汁雞絲伊麵好耐都未上實在太肚餓叫咗個$12白飯R我朋友啲青咖哩撈飯食。青咖哩偏甜唔夠辣所以我地落幾多下辣椒粉。R人嘢食食到飽都未上我個咖哩耶汁雞絲伊麵 ，問店員真係漏咗單，諗住話我已經食飽唔要個麵了。佢又話落咗單。。 打包又驚啲麵吸哂啲湯最後唯有死死氣三個人食埋個麵之後頂住個大肚腩慢吞吞走人 ，埋單一百幾差唔多二百。