Via 28 Ristorante (已結業)

小弟好耐無上黎寫食評了, 今次其實專登想讚下前幾日朋友邀請我去到蘇豪區呢間意大利餐廳, 先講講環境同氣氛先, 佢地既由外到內的裝修都配以黑色為主調, 有一種高雅又有點神秘感, 內裡既燈光挺浪漫, 有機會我都會帶女友黎撐枱腳先。至於食物方面, 我地都吃了大約10道菜, 但我唔敢誇張到話10道菜全部都非常好, 不過真係無一道菜會令我失望。特別係Salmon tartar with avocado 同埋 Prosciutto e Rucola Pizza, 仲有一味係羊架, 不過唔記得左影相。呢三道菜大家記住要試下。