Sogno Cafe+ (已結業)

一出街食飯如光顧連鎖式餐廳，通常已經知道食物的味道，不會有太大驚喜。所以，有機會都喜歡尋找不同小店，希望從中找到驚喜。今日同先生到中環午餐後順道行吓中環，街道比平日寧靜，但天氣太熱想搵個地方飲杯嘢，想起這間餐廳就在附近二話不說即刻去試試。餐廳就在半山行人電梯附近，跟住地圖都容易搵到。入到餐廳選了個窗邊位置可望街景，環境佈置好舒服好悠閒。下午茶時間梗係要點我最喜歡的Scone，印象中香港好味的Scone真係唔多，好多都係太實或者太濕。呢度嘅係鬆脆同埋加咗無花果及杏仁片，不太甜，夠鬆脆，好食。食Scone喜歡配clotted cream加果醬，但好多地方都只係跟果醬或忌廉，味道已經差好多。呢道係用cream cheese配玫瑰花果醬，味道出奇夾，咸咸地嘅cream cheese加埋甜又香嘅玫瑰花果醬，仲有裡面嘅無花果，真係好好味。咖啡唔錯，但沒有喜愛嘅coffee cream，所以冇咁rich。返而我先生杯green tea lemon又幾好味，綠茶帶點點檸檬清香，咁熱天氣飲番杯又幾舒服。希望有機會再試埋午餐或晚餐。