Prime Pho (已搬遷) 新店位置

我一向都鍾意食越南嘅pho, 奈何喺中環返工真係冇乜越南餐廳可以選擇。難得見到有一間越南pho 餐廳咁就梗係即刻去試。其實我已經食咗兩次今次先來寫comment，呢間野絕對值得推介。我第一次食嗰陣時係試咗佢哋個招牌pho, 好多餸好多料，但男士就可能覺得D粉唔夠多。女士食就非常之夠飽。首先佢個湯底做得非常之好味道夠晒濃郁，feel到用骨餚咗好耐，其次係佢嘅生牛肉非常之有肉味亦都夠嫩口，細問之下原來佢哋係用美國頂級牛肉，唔怪之得唔鞋口又好食。所有粉麵都會配青檸同辣椒夠正路，因為我都食過一啲真係唔會跟青檸同辣椒俾我ga.可以話呢間鋪頭嘅老闆絕對係用心做粉麵，食咗兩次水準都保持得到。所以真心推介。