Holly Brown (已結業)

題外話/補充資料： 上星期我同三個同事食完dinner, 唸住去依間嘢食雪糕， 行到街角突然有水落黎， 我成頭成面濕哂！勁燥底！ 跟住我哋拿拿林入去鋪頭， 行經收銀嘅時候， 居然個收銀男仔伸手俾咗幾張紙巾我， 問我需吾需要紙巾，即時已經覺得加分 跟住我哋企咗一輪，搵極都搵吾到位 好幾張有枱無凳:huffy:，正唸住走 收銀果個男仔走咗過來問我哋幾多位 跟住就吾知係邊度左搬右搬， 左砌右砌咁硑咗張四人枱俾我哋， 我問啲同事係咪識佢架？ 出奇地咁落力！:o仲要勁好笑容！ 因為佢戴住頂帽同圓眼鏡， 所以我哋就叫佢哈利波特:P 跟住我哋每人嗌咗一個雪糕， 但有三個都要轉味道，勁煩躁:( 好釆阿波特仔勁禮物，俾我哋試味先 仲介紹咗幾個吾錯嘅配搭俾我哋！ 我睇得出應該阿波特仔係做咗好耐， 收銀炒雪糕一腳踢勁快手， 其余嘅Staff 好慢，呆呆地咁 =.= 跟住當我哋傾得興高釆烈之際， 對面個豬同事，推跌枱面杯水 到我成条裙都係！！:huffy: 全枱都未回神時， 從後已經有隻手遞咗疊紙巾過來！！ 一望原來又係阿波特仔！！全枱呆咗 我淨係識係咁講吾該！！ 吾知佢點做到，但真係快到有啲離奇！:o 已經第二次係佢手上接紙巾！！ 吾通佢對我？？:P 真係非常欣賞阿波特仔嘅服務態度！ 學劉華話齋，今時今日咁先得架嘛！