Brick by Brick

營業中

休息中

朋友介紹，喺酒吧林立的蘇豪區小巷中有一間隱世的小酒吧原來裏面有好多地道馬來西亞美食。餐牌裏面有秘製馬來西亞咖喱喇沙湯麵，成日以為食喇沙都係得一兩款，佢menu 就已經有唔同款式的喇沙湯麵,今天就叫了一碗珍寶大蜆配海蝦 及 鱻魚三寶。先講湯底，味道濃郁得來又唔會太鹹，佢是用傳統的油面加米粉，大蜆真係好大隻，海蝦都彈牙新鮮。鍾意佢個芽菜夠新鮮脆卜卜，份量十足。跟住再嚟一個肉骨茶，藥材味夠晒濃，同樣鍾意佢唔會太鹹，肉排全部煮得好淋，仲有佢個秘製辣醬，一啖飯 加 一啖肉骨茶 good. 最後同朋友叫了兩杯特色飲品，鍾意佢依度地方細細地，隱蔽喺小巷之中，傾偈一流。