影片
更多
2023-09-30
115 瀏覽
餐廳位置處於靚地段，裝修格調亦好優雅。Set lunch連加一$4xx-7xx不等，另外餐牌上面每一道菜只有一個選擇唔需要額外加錢(appetizer有兩個)，價錢非常進取。講咗投訴先。由坐低去到埋單感覺每個服務員感覺都好業餘，不過大部份都叫做禮貌尚可。唯獨一位尤其囂張，對於我哋嘅提問全部都報以「咁你都要問」嘅態度，例如我哋坐低咗想confirm訂枱優惠，佢回覆：「你係經xxx㗎嘛？咁咪有囉。」單都未落已經有啲想走，唔講以為自己入咗澳牛，不過因為係朋友想食，所以勉強坐埋落去。不過即使我對佢嘅服務咁有意見，佢食物嘅味道係有為佢扳回一城嘅。Focaccia 雖然賣相冇乜特別，但微溫軟熟同幾香。Chicken breast salad同樣賣相平實，但係雞胸非常tender，菜亦都好新鮮。Fettuccine配pancetta蕃茄辣汁我自己好鍾意。Overall對呢間餐廳嘅評價係佢係有fine dining嘅神，但係冇fine dining嘅韻，我都幾肯定我唔會再返嚟。
Set lunch連加一$4xx-7xx不等，另外餐牌上面每一道菜只有一個選擇唔需要額外加錢(appetizer有兩個)，價錢非常進取。
講咗投訴先。由坐低去到埋單感覺每個服務員感覺都好業餘，不過大部份都叫做禮貌尚可。唯獨一位尤其囂張，對於我哋嘅提問全部都報以「咁你都要問」嘅態度，例如我哋坐低咗想confirm訂枱優惠，佢回覆：「你係經xxx㗎嘛？咁咪有囉。」單都未落已經有啲想走，唔講以為自己入咗澳牛，不過因為係朋友想食，所以勉強坐埋落去。
不過即使我對佢嘅服務咁有意見，佢食物嘅味道係有為佢扳回一城嘅。
Focaccia 雖然賣相冇乜特別，但微溫軟熟同幾香。
Chicken breast salad同樣賣相平實，但係雞胸非常tender，菜亦都好新鮮。
Fettuccine配pancetta蕃茄辣汁我自己好鍾意。
Overall對呢間餐廳嘅評價係佢係有fine dining嘅神，但係冇fine dining嘅韻，我都幾肯定我唔會再返嚟。
張貼
