餃掂手工餃子雲吞專門店

收工後約咗同伴食飯，要喺中環搵間快靚正之選，個人覺得餃掂會入三甲。龍鳳松茸雙煎餃(8隻) $98龍鳳松茸雙煎餃係我經常點嘅餃子，黑松露聞落好香，而且味道幾濃郁，而白松露嘅味道就比較似蘑菇。依種煎餃喺其他餃子舖都不太常見。芫茜豬肉湯餃 (跟狀元九鼎湯) (10隻) $61芫茜豬肉餃就係我同伴嘅最愛，餃子內裏嘅芫茜非常足料，我諗芫茜愛好者食完應該會幾滿足。狀元九鼎湯嘅材料有粉葛、鯪魚、紅蘿蔔、扁豆、蜜棗等，飲落幾有鮮味，而且夠哂潤喉。蜜餞雞翼 (3隻) $24蜜餞雞翼甜度剛好，最怕有啲餐館整得太甜，食緊嗰時就喺到諗，早知叫5隻啦。自家制山楂雪梨水 $20山楂雪梨水都幾滋潤，山楂配上雪梨，有清腸排毒、降脂減肥、生津解渴等功效。上湯松茸時蔬 $32為咗確保自己每餐都有充足嘅纖維，我吔就order咗碟時蔬嚟share。