餃掂手工餃子雲吞專門店

作為一個鍾意食煎餃嘅人，餃掂嘅分店越開越多，對我嚟講絕對係一件好事。琴晚我6pm已經嚟到，舖頭尚算唔係好多人。龍鳳松茸雙煎餃四件白松露餃子，四件黑松露餃子，合共八件。兩隻口味都唔錯，黑松露嘅味道會較強，但未至於蓋過豬肉餡嘅味道。蜜餞雞翼熱騰騰嘅雞翼味道唔錯，蜜餞甜度亦都適中，值得一試。壽喜燒牛肉煎餃依度嘅煎餃唔會煎得好油膩，而且內裏夠哂肉汁，餡料除咗有牛肉，仲有爽口嘅馬蹄。上湯松茸時蔬成餐飯加埋碟蔬菜就更加好啦。舖頭環境乾淨衛生，食物質素亦都幾好，值得再次幫襯。