金鶴拉麵 (荷李活道)

營業中

休息中

最近金鶴有新開咗分店，開喺旺角區，不過比較方便都係就返朋友仔喺中環度食。見到新Menu好吸引，就試吓佢個牛骨湯和牛拉麵。牛骨湯和牛拉麵真係超吸引，佢又勁大條牛骨，跟住上面嘅黃牛本身係生嘅，我哋都要求燒一宵，真係幾好食，出面熱辣辣啱啱好熟，裏面就紅卜卜，大概半熟左右。牛骨個湯底有少少似韓國嗰種雪濃湯，味道相當香濃。雞白湯拉麵個湯底都幾清香，又係好重嘅雞味，但係同一般清雞湯好唔同，呢個濃郁好多同埋更加香滑。裏面有豚肉同埋慢煮雞，仲有糖心蛋同埋其他配料，非常豐富呢！好期待佢哋之後再出其他限定拉麵，每一期都要試一試！