和歌山 (已結業)

別以為改個日本名, 就是日本來的。這間店, 據說其實又是味千開的, 在中環IFC開無非是想走高檔路線。但是, 座位的編排, 令人在店內食飯極有置身canteen的感覺, 全因舖位不大, 但又想容納多些客人(舖租貴嘛)。枱與枱的距離極近, 但枱的闊度又不太合理, 你跟對面的人好似好遠, 但跟左右的人又極近 ....... 室內設計與老闆心目中「容納多些客以多些賺錢」的想法, 並不吻合。至於食物, 也是令人失笑的。好多日本麵店, 湯麵中有芽菜作配料。而這間店, 就居然用了大豆芽, 成件事變得好港式, 簡直係笑話。大佬呀, 而家我係食日本拉麵, 唔係街邊嗱喳麵, 你加啲大豆芽落, 係咪好有礙觀瞻呢?鰹魚雞湯底, 淡而無味, 跟不能吸味的麵條, 互相輝映。和牛像極了大家樂的西冷牛扒, 豚肉則是豬頸肉。算吧, 返去食味千的豬骨湯麵, 平得多, 冇咁嬲。