影片
更多
2010-08-09
32 瀏覽
勝香園，可說是香港其中一個飲食傳奇。香港碩果僅存的鐵皮屋大排檔之一，連招牌都消失左。本來就已經人多，但自從某電視台的飲食節目介紹過之後，人龍有增無減，星期六（星期日是休息的）人龍驚現排到去牛記茶室門口，無一個鐘都唔駛旨意食得到。以前在中環返工，早餐時間人流唔多，慢慢嘆絕對無問題，買走外賣也方便，就算中午排隊耐極都有個浦。現在人不在中環，時間就是金錢，已經很少再來。今天，老婆心癮起，也順便到上環辦點事，就去碰碰運氣。是日早上下過大雨，中午剛好雨過天晴，可能因為咁，人龍無平時咁長，星期六也只需排半小時已可以，真是時來運到。值得一提是人龍本來是向牛記方向的，現在是向銀杏館方向排了，這樣可對商戶影響減低，但不明白為何不是向石級方向排隊呢？點了一個紅腸腸仔碎牛炒蛋蕃茄通粉，一個牛油檸蜜脆脆，一杯咸檸七，三樣都是食左咁多次之後得出黎既推介。紅腸腸仔碎牛炒蛋蕃茄通粉，分別是三樣餸，紅腸、腸仔、碎牛炒蛋，這裡的牛肉都好味，但我覺得碎牛炒蛋更好，有別於一般的煎蛋煎腸煎午餐肉，碎牛炒蛋可說是唯一一樣要用技術的餸，蛋炒得夠滑，碎牛足料，完全是大排檔精髓所在。紅腸、腸仔則是自己的情意結，兩者都是煎過，不是普通
以前在中環返工，早餐時間人流唔多，慢慢嘆絕對無問題，買走外賣也方便，就算中午排隊耐極都有個浦。現在人不在中環，時間就是金錢，已經很少再來。今天，老婆心癮起，也順便到上環辦點事，就去碰碰運氣。
是日早上下過大雨，中午剛好雨過天晴，可能因為咁，人龍無平時咁長，星期六也只需排半小時已可以，真是時來運到。值得一提是人龍本來是向牛記方向的，現在是向銀杏館方向排了，這樣可對商戶影響減低，但不明白為何不是向石級方向排隊呢？
點了一個紅腸腸仔碎牛炒蛋蕃茄通粉，一個牛油檸蜜脆脆，一杯咸檸七，三樣都是食左咁多次之後得出黎既推介。
紅腸腸仔碎牛炒蛋蕃茄通粉，分別是三樣餸，紅腸、腸仔、碎牛炒蛋，這裡的牛肉都好味，但我覺得碎牛炒蛋更好，有別於一般的煎蛋煎腸煎午餐肉，碎牛炒蛋可說是唯一一樣要用技術的餸，蛋炒得夠滑，碎牛足料，完全是大排檔精髓所在。紅腸、腸仔則是自己的情意結，兩者都是煎過，不是普通的滾熟便算。
值得提醒大家，有時你會見到，點解隔離果位果碗咁多蕃茄既？其實係通粉同公仔麵既分別，如果你叫公仔麵，個湯底會紅色ｄ亦會有蕃茄，但通粉就無蕃茄而且湯底會無咁濃，可說是有好有唔好，但我始終鍾愛通粉，通粉跟蕃茄湯是天生一對，通粉中通，邊吃通粉邊喝湯才是王道絕配。
牛油檸蜜脆脆可算是勝香園的招牌菜，一開四放出來好似一隻甲蟲一樣，上面的牛油檸蜜一點不吝嗇，吃每一口都有牛油檸蜜味，包是「脆」不是「硬」，「硬」和「脆」可能只是一線之差，但這裡你只會感到是「脆」不是「硬」。尋常不過的麵包搖身一變變成如此美食，才是香港人食腦既地方，也是長龍的原因之一。
咸檸七是另一推介，呢度既咸檸是自家製，夠咸夠味不在講，最貼心是咸檸已經幫你壓爛壓碎，輕輕一攪味道已經出晒黎。
人怕出名豬怕肥，自從第一次幫襯之後，食過唔少蕃茄通粉，就連美心都曾經跟過風，但我覺得最好的，還是在這裡。
有人話呢度服務態度一般，其實呢度既阿姐好好人的，而且超好記性，大聲唔代表無禮貌，只是有時實在人太多兼顧不了，如果你有機會唔係繁忙時間黎到，你就會發現勝香園的人情味了。
這就是香港大排檔，這就是鐵屋風情畫。
張貼
