八千代麵坊 (已結業)

其實留意咗呢間面店都有一段時間, 不過身為一個九龍仔, 要過海食晚飯又談何容易丫.咁啱尋日同窿爸見下晝冇乜搞作, 就過海逛逛. 夜晚順理成章都喺遙遠的彼岸食番餐啦! 目標鎖定為此面店!8點幾嚟到, 行過八記豬腩時發覺有人龍, 果真係旺, 但干我何事, 該晚有更好的東西等小弟去品嘗!入到去, 人不多, 被安排坐喺巴枱, 睇睇廚司有效律的工作也是有趣!前菜每人一小碟豆加筍, 清新開胃, 好肚餓呀!小弟點了:辣味胡麻冷面, 味道相當唔錯, 配料有蛋絲, 青瓜絲, 木耳絲 (不百份百肯定), 豚肉絲同2大舊蕃茄. 面彈耳, 所有用料都好新鮮, 尤其是係蕃茄, 真係好鮮甜, 正! 不過可惜左此款面冇跟溏心蛋, 早知另加啦!不過辣味卻嫌不夠, 小弟後來再自加辣椒粉, 效果好理想!窿爸叫了辣味味噌拉面, 佢都是讚的, 特別係個溏心蛋, 佢話係全碗最正嗰part!咖喱豚肉餃子, 開初以為餃子上加上咖喱汁, 上枱時發現咖喱已與餃子涵撈埋一齊先拎去煎, 有創意, 有心意, 值得俾隻手指公佢! 好食!服務亦算殷勤, 有效律, 一隊年青店員亦有禮貌, 唔錯!見佢哋個洗手間係要攞鎖鑰嗰隻, 順便睇睇夠乾淨唔夠,