影片
更多
2013-08-22
1356 瀏覽
都好一段時間無去jamjam食lunch, 剛好同事生日, 就決定再去jamjam度嘆恴粉同咖啡啦~第一次嚟哩度食飯, 已經愛上咗哩度o既咖啡, 意粉都係出乎意料的好...今日我食o既係香濃蕃茄鮮蝦意粉, 意粉質地煙煙unun好有咬口, 蕃茄依家咁香濃, 只係蝦略嫌咸咗少少...同事o既長通粉都係軟硬恰到好處, 好香滑o既忌簾汁配上奇異果係出奇哋夾, 好新鮮o既感覺...咖啡呢...淺淺咁呷一口...忍唔住微起雙眼去享受果陣咖啡味晌口腔內轉嚟轉去...哩度o既咖啡係絕對唔可以咕嚕咕嚕咁吞落肚...好浪費...只不過對於我哋一般打工仔嚟講, $150一個lunch著實係貴咗少少...當然...佢o既品質亦係值回票價...我唔介意間中比多啲錢食一啲有質素o既嘢...但咁o既服務態度...真係希望哩度o既負責人可以睇到哩度o既食評(同服務評價)...其實員工o既服務態度都係好好的, 我真係唔希望下次嚟食嘢o既時候仲要面對好似哩個肥仔員工咁o既態度!!!
剛好同事生日, 就決定再去jamjam度嘆恴粉同咖啡啦~
第一次嚟哩度食飯, 已經愛上咗哩度o既咖啡, 意粉都係出乎意料的好...
今日我食o既係香濃蕃茄鮮蝦意粉, 意粉質地煙煙unun好有咬口, 蕃茄依家咁香濃, 只係蝦略嫌咸咗少少...
同事o既長通粉都係軟硬恰到好處, 好香滑o既忌簾汁配上奇異果係出奇哋夾, 好新鮮o既感覺...
咖啡呢...淺淺咁呷一口...忍唔住微起雙眼去享受果陣咖啡味晌口腔內轉嚟轉去...
哩度o既咖啡係絕對唔可以咕嚕咕嚕咁吞落肚...好浪費...
只不過對於我哋一般打工仔嚟講, $150一個lunch著實係貴咗少少...
當然...佢o既品質亦係值回票價...我唔介意間中比多啲錢食一啲有質素o既嘢...
但咁o既服務態度...真係希望哩度o既負責人可以睇到哩度o既食評(同服務評價)...
其實員工o既服務態度都係好好的, 我真係唔希望下次嚟食嘢o既時候仲要面對好似哩個肥仔員工咁o既態度!!!
題外話/補充資料：
本來大家都抱住一個好愉快o既心情去食哩餐飯,
但就比收銀個肥仔(下唇下邊有隻耳環物體o既肥仔員工)掃哂興!!!
話說去到我哋被安排晌二樓, 諗住點埋嘢先上去坐,
肥仔收銀只比咗一份menu我哋三個人睇,
諗住節省時間問佢攞多份menu各有各睇,
點知個肥仔不情不願咁晌佢後面拎多個比我哋時加句"同個板(白板)上面一樣"...
我哋已經望吓佢...你(肥仔)背後成叠menu, menu唔係比客人睇要嚟做咩?
跟住點餐時, 我同事問佢A pasta(其中一款pasta個名)係咩嚟,
肥仔就話"咪係A pasta囉, 你自己睇清楚"...
我哋三個你眼望我眼...咩serice嚟o架?
我會覺得你唔識中文可以禮貎啲話你唔識中文, 但唔係咁講嘢啩...
我哋講要咩時佢對眼完全無望我哋晌度周圍望,
然後我哋講一樣嘢佢就"嗯"一下咁回應...
我一路望住佢, 心諗...究竟佢係咪落緊單o架呢?
真係完全唔覺得自己晌一間餐廳度點緊菜咁囉...
到點好哂嘢, 唔知係咪因為我o既眼神已經出賣咗我...
我見佢望吓我又望吓我比錢個同事,
跟住比返張credit card我同事時就皮笑肉不笑咁"笑住"遞返張咭比我同事...
成餐飯...我哋一半時間都晌度討論果個肥仔員工o既態度...
好老實講, 嚟哩度食咗無十次都有八次, 哩個肥仔員工係第一次見,
真係晌jamjam哩度從未遇過一個咁o既員工...真係令人印象實在太深刻...
(以上食評乃用戶個人意見 , 並不代表OpenRice之觀點。)
張貼