梨花園韓國料理 (已結業)

本身朋友鍾情於韓國料理，適逢佢生日，就想搵個地方食韓國菜，試新餐廳，咁岩睇roadshow見到介紹呢間餐廳，老闆娘2代都係韓國人，仲係第一間香港既韓國料理，就當然要去食一次啦由於時間比較倉卒，就冇book到位，walk in 去左上環既鋪頭。可能咁岩係"佔中"時期，所以都唔駛等位。入到去就當然要睇睇menu先啦。好多菜式都係韓國地道既菜，後來同朋友就揀左泡菜煎餅，什錦石頭窩飯同埋一個海帶湯(生日麻\(╯-╰)/ )食慣韓國料理既，可以試下佢地既生牛肉飯，因為呢個餸都幾出名嫁。系上主菜之前，佢會有6個小配菜送比我地，呢個都係一個驚喜。因為之前系其他餐廳都未試過有咁既setting，而且都好食第一個係煎餅，雖然唔係好辣，但味道都好好食。海帶湯會送埋有白飯一碗去到一齊食。不過最鍾愛既都係石頭鍋飯，辣度可以自己選擇，而且會有人系上菜後，幫我地拌埋。整餐飯食得都好開心，雖然見唔到傳說中既老闆娘，但佢地既服務態度都好好，什至會教下我地韓文添Total消費都係每人$$7x,但呢間韓國餐廳，絕對會再翻單消費，下次就試下佢d燒肉整體泥講,絕對係一間好有韓國文化既餐廳，好食兼扺食。贊啊♡