果酪道中

營業中

休息中

做完運動口渴想飲嘢，又唔想飲肥仔手搖令自己嘅努力白費，今次俾我發現咗依間主打果酪嘅小店—天然好味嘅飲品加上簡約小清新嘅店面，感覺好舒服。士多啤梨果酪係人氣推介之一，用新鮮士多啤梨同希臘乳酪打成，外面睇一層層咁好靚，比想像中流質但易入口，天然嘅果香甜味同微酸帶奶香嘅乳酪，係零負擔嘅滿足感呢～木瓜唔係人人鍾意食，但打成木瓜奶就一定更易接受。我就好鍾意台灣夜市賣嘅現打木瓜牛奶，所以就試試依杯濃滑木瓜奶奶回味下。木瓜同牛奶嘅比例剛好，口感濃稠得嚟入口滑順。除咗果酪同鮮果奶之外，小店亦有大路嘅純茶、果茶選擇。芝士奶蓋鹹鹹甜甜夠濃厚，一定要打開蓋大啖飲先最滿足～