九里香私房菜 (已結業)

一行九人，本身點咗四川麻辣魚，原價$198，伙記話條魚係班，要$390，咁我地話無問題，照要。跟住伙記話唔好意思，師傅斬開咗條魚(本身個魚應該要原條上。上到台，條魚係碎上(每舊約一串，連骨)，有十零舊，食唔出係咩魚。個湯係白色，有好多芽菜，洋蔥。個味係唔咸唔酸唔辣。我地問個伙記呢個係咩嚟，佢話呢個就係我地點嗰個魚，但個賣相同menu張相根本完全唔同。之後個伙記話條魚收平啲，收$330。伙記另外推介事頭婆特登煮嘅齋，係冬菇，烤麩煮齋雞，烤麩未出夠水，好酸。另外仲叫咗個奇味雞煲，味道正常，唔知奇咗啲乜。貨不對版加唔好味，寧願埋單去第二度繼續食。伙記服務剛開始時好好，但一話啲嘢唔好食就黑面。一個齋，一個雞煲，一條魚，三枝青島，兩樽烏龍茶，埋單$880。四個字，唔會再去。