麻吉灶咖

營業中

休息中

今日我造訪了位於K11的麻吉灶咖,一嚐他們家的拿手好菜🤭首先是令人垂涎三尺的麻婆豆腐牛肉拌面。豆腐滑嫩,帶著濃郁的麻辣調味,與肉絲完美融合,口感層次豐富。麵條彈牙有嚼勁,醬汁入味,讓人忍不住一口接一口。這道菜不僅滿足了對麻辣的渴望,連帶的肉香與麵條韌性也讓人意猶未盡😆接著是令人驚艷的蚵仔煎。外表金黃酥脆,內裡軟嫩彈牙,料理手法堪稱精湛。蚵仔個頭飽滿,新鮮多汁,搭配蒜末和酸甜醬汁更是增添了層次感。這道菜可謂是正宗台灣小吃的代表作,既保留了古老的烹飪工藝,又融合了現代美食的特色,實在是一道既傳統又創新的好滋味😎最後,必須提到的是這家餐廳的用心服務。服務人員態度和善,對菜品介紹詳盡,即使餐廳人氣旺盛也能維持優質的用餐體驗。用餐環境雖不奢華,但卻充滿了溫馨與舒適感,讓人忍不住多停留一會兒😘總的來說,麻吉灶咖的這頓午餐堪稱完美,從菜餚本身到用餐體驗都讓我留下了深刻印象。期待下次再來品嘗其他絕妙佳餚😋

見呢間台灣野都開左一段時間，睇落又幾靚，就同朋友試試佢！1. 麻婆豆腐軟殼蟹拌麵 $112好新鮮嘅配搭！麻婆豆腐勁滑，麻婆豆腐個汁撈麵勁好味！不過啲豆腐因為好滑，所以好容易散晒。軟殼蟹炸得好鬆，不過就有少少油膩感，但整體係好好味嘅。2. 麻辣牛肉鍋 $188呢個鍋睇落好細，一人份量咁，但裏面有好多唔同既料，貢丸、花枝丸、娃娃菜、金菇、炸枝竹、肥牛、台灣香腸、炸豆腐、鵪鶉蛋…兩個人食啱啱好！3. 蜜桃沙冰芝士奶蓋 $46蜜桃味幾突出，唔會太甜，奶蓋有芝士既鹹香👍🏻4. 大甲芋頭鮮奶 $52呢個有啲驚喜！芋泥超綿！唔會太甜，配埋鮮奶啱啱好👍🏻(以上價錢未計加一服務費)每樣嘢食嘅份量唔算多，適合幾個人食，如果一大班人就要同一款食物叫幾份先夠啦！利申：並冇任何試食活動/優惠！全部正價！(按餐廳MENU上價格付款)

蕃茄烤魚得個咸字，仲要咁咸都腥，飲品叫少冰都係成杯冰，飲開心果鮮奶多冰到唔知飲緊咩，啖啖都有碎冰，仲要啲野未食完就趕住收，差啲無得食，我食左一陣就想趕人走咁，食到好有壓力卜左枱都要等差唔多30分鐘

喺香港食過好多唔同嘅台灣菜，好多口味都唔太啱，早幾日放假去尖沙咀k11一出就見到呢間，裝修同餐牌都幾吸引決定入去試下食，結果意外地好食，叫左個鹽酥雞芝士蛋餅同半筋半肉牛肉麵，蛋餅好有蛋味裡面嘅鹽酥雞調味都好一流好有台灣嘅風味，而牛肉麵嘅牛肋同牛筋都好淋好入味同我喺台灣食嘅都差唔多，麵嘅湯底都有三款選擇，今次試左紅燒，我下黎我諗會試下藤椒因為好少見到香港嘅牛肉麵有呢個選擇，食緊嘅時候隔離檯有叫到一個麻婆豆腐嘅拌面，賣相都相當吸引應該係值得一試，加上呢間鋪頭嘅同事都好有禮貌由帶位到用餐嘅時候都好照顧客人嘅係要，同埋佢地都注重食物嘅要求會問客人對食物嘅意見睇得出佢地想再做好啲，而價錢黎講須然我覺得有小小偏貴但係食物係對得起個價錢，十分建議經過去試下

間鋪頭d野都比較唔錯，非常岩我口味，最紧要係佢得做嘢好繁忙但是上菜上嘢飲都好快手，見佢得經理件衫背後都濕曬都幾搞笑😂，其他同事都好繁忙，總結評價下都係比較有禮貌，係我買完單之後由我哋起身到門口都有佢得既同事同我哋say拜拜，都算一個好開心既事件，期待下次香港遊在來食過！真心推介！大家衝衝衝！

生日朋友請食飯，好想食台式鴨血，咁岩又有野要係K11 Art Mall 整，所以試下這間餐廳。服務可以，環境可以，可能因為有訂枱所以有卡位坐，仲可以有兩條布扮門，但紫色我唔鐘意。想了很久點二人餐還是散叫，最後想試不同食物，所以散點。我們點了鴨血，蚵仔煎，牛肋面，蚵仔肉燥飯，爆汁魷魚，蘿蔔糕，檸檬愛玉冬瓜茶，手打檸檬愛玉茶。每件都令人失望。鴨血似係水烚加無麻辣味的湯而成，失望。牛肋麵，麵質一般，好粉味，牛肋肉算林，但味道一般，湯好普通，失望。蚵仔煎，嘩真係粉多，味道普通，蚵仔數量一般，個汁似茄汁但又少少咸，唔係我口味，失望。蚵仔肉燥飯，好古怪的配搭，個人唔太喜歡，肉燥味道一般，惟飯是好食，失望。蘿蔔糕，粉太多蘿蔔太少，蘿蔔味唔夠，似食舊粉，不喜歡。爆汁魷魚，沒有汁仲乾乾咁，中間夾青瓜新頴，但不太夾，炸了魷魚無了魷魚鮮味，失望。檸檬愛玉冬瓜茶，檸檬味唔夠，太甜，以為係糖水，好失望。手打檸檬愛玉茶，有檸檬味，沒有糖，不太酸但好淡味，好大杯，唔吸引。整體一般，唔係我想食的台灣菜，好在K11 member 做緊折扣，減100，但都仲五百幾埋單，有點貴。

脆皮蘿街糕配辣味蒜香蛋-煎得好香，六面都煎好！三文魚明太子蛋餅-三文魚醬同蛋非常配合麻吉臭臭鍋-非常好食，入面有牛肉、丸子、菜、鵪鶉蛋等等（小辣）碗糬豆乳芒果雪糕-甜品都好有誠意、豆腐同煙靭嘅糯米好夾，仲有芒果，係我食過最好食嘅甜品！鳳梨綠茶 一般香橙綠茶 一般環境衛生、裝修好抌本、仲有人帶寵物入來食嘢，呢一餐食得好開心。如果有下一次我都會嚟呢度食，因為佢哋除咗二人餐之外，單點都好出色。下次我想試吓坐埋邊嘅卡位

呢次係我第二次黎食，第一次黎果陣印象其實都幾好，食物價錢味道都合理，侍應都講野溫溫柔柔，服務都正正常常，所以今次決定帶好少出去呢類型餐廳的兩老黎試下，一開始order野食就開始有d唔對路，是咁的，係一位頭髮捲毛、帶上半黑框下半金燦燦框、耳朵帶黑色圓形耳釘、一隻手帶金色手環、著黑色運動鞋、今日制服内裏著灰色打底的的男侍應，佢一過到黎，兩老就好興奮不停點餐，而佢就開始佢的“表演”....話説呢期佢地期間限定開心果系列的食物，佢好盡責地將開心果餐牌上的都推薦一次，内容會按時序由最早落單的食物到最後落單的食物重上而下去排列：- 雙色香腸(有墨魚)：食後感 - 正常台灣香腸，只要識煎野，又有原材料，你我都可以煮到- 爆汁魷魚：一條原隻炸魷魚，裏面塞左好多青瓜，可能我手殘，一夾就爆曬d沒有任何調味的青瓜出黎- 蚵仔煎：5錯，係醬汁多左少少，不過都好過沒味- 秋葵：微辣的肉碎舖係可能有調味的秋葵的上面，係食落算係呢餐我最滿意的的餐點，不過要68蚊，我只可以話呢個係K11 or TST的價格(?)- 開心果醬芋泥肉鬆芝士蛋餅 - 男侍應的努力推薦：“呢個好食架，其他餐牌上的係我地平時都有架lor,呢個

睇演唱會之前食咗呢間台式嘢，估唔到都幾有驚喜！特製墨汁鹽酥雞刈包墨汁包住咗雞嚟炸，所以比起一般鹽酥雞，佢多咗一份墨汁味，但唔會濃到蓋過咗鹽味，味道多咗一份享受。而且佢炸得好酥脆，一咬開就有油水，雞唔鞋，炸完都好滑好多汁。加上有芝士，好香口，好惹味！台式滷水大腸麵線一見到就諗起阿宗麵線，心心念念台北，竟然可以食到正宗台灣大腸嘅風味，大腸油脂分佈好靚，所逼出嚟嘅油份令到湯底好香，少少奶臊同油脂味，油炸鬼索咗啲湯，一口咬落去就係大腸香味，麵線口感同阿宗一樣，滑lulu。

開心果愛好者🙋🏻‍♀️見到新推出做緊 春日狂歡開心果祭（強調非廣告）有開心果墨魚餅、開心果醬蛋餅、開心果鮮奶、開心果雪糕麻薯。其實開心果產品得4款，不過主打台食，有其他款蛋餅、牛肉麵、芋圓甜品、刈包、台式麵線等等🙆🏻‍♀️本身想去牧羊少年咖啡館食返個holiday brunch，點知見到隔離鋪招牌好吸引😍👓開心果醬芋泥肉鬆芝士蛋餅 $88價錢唔平嘅蛋餅究竟值唔值得呢？我覺得值得一試，好fusion但好食，屬於精緻。面頭係開心果醬+ 開心果碎，老實講唔太明顯開心果果仁味 反而就甘聞已經好香濃炙燒咪，食落有驚喜 似炙燒芝士壽司，餡料豐富 有生菜絲、芋泥肉鬆、芝士，餅皮薄唔粉漿，口感豐富👍🏻👓開心果鮮奶 $46+$3可升級開心果奶蓋有開心果醬+ 開心果碎，唔算太甜，不過主要係飲到鮮奶味😂其實係好難做到濃郁嘅果仁味，但如果係開心果愛好者應該會失望👓鹵肉酸菜刈包 $52刈包係台灣小吃之一，將發酵的麵餅蒸熟再夾入炕肉、酸菜、芫荽花生粉等。餅皮鬆軟，鹵五花肉唔算太油膩，不過略嫌醬汁整體上唔夠惹味，比起台灣當地刈包仲爭少少，但其實唔差的，香港亦比較少機會食！

K-11 商場行過見到呢間台灣菜~心思思就同朋友去食啦😄餐廳有個2人set，其實計落同單點差不多，不過勝在多左個前菜+甜品+飲品啦😂前菜揀左台灣腸+墨魚台灣腸，腸仔夾埋蒜片食好味道。之後再點左芋泥肉鬆蛋餅，芋泥比個醬味蓋過了，入面仲夾左生菜，可以減去油膩感。然後點左個麻吉臭臭鍋(中辣)，個湯底好正！我同朋友都覺得應該要配粉絲/麵去索曬D汁。跟餐無包麵啊🙈如果要加麵就只有刀削麵可以加(+$38)，另外我地都貪臭臭鍋入面每樣配料都有D (肥牛大腸鴨血丸類菜)，可以過下口癮。仲有個甜品係芒果麻糬+豆乳雪糕~食落都Ok飲品點左蜜桃沙芝士奶蓋&草莓沙芝士奶蓋，好飲，奶蓋咸咸地好正。一個set滿足幾個願望，食到勁飽！

朋友話想試好耐，捉埋我一齊試下，台灣野實冇衰，咪試下囉嗌左個最穩陣嘅滷肉飯，食得台灣野，有大甲芋頭嘅野飲，又點可以錯過呢滷肉同個飯嘅分量啱啱好，穩陣嘅選擇，個味道ok最出色係個豬大腸，個餐要等咁耐，都應該係咁，個面好香脆，食落又唔會有臭味，食落又唔會成口肥膏，超級推薦，等咁耐都係值嫁d前菜雖然係跟餐，但係個蓮藕好好食，可惜太少熱嘅大甲芋頭甜度適中，好好飲下次去開尖沙咀一定要再睇食佢個豬大腸，真係食一次就會上癮🤤

首先訂咗枱去到都仲要等十幾分鐘，個店員仲講埋歪理：話咩訂咗枱都唔等如來到就有枱架，只係有枱嘅話優先入座咁解⋯聽到眼都突埋，唔好話你其實冇留枱俾訂咗枱嘅客而係咁俾walk-in客入座！咁點解我要嘥時間提前訂座？嗌左新品開心果雪糕麻糬，點知落左單遲遲未上枱，上到枱竟然拎左第二樣嘢嚟—有似擦紙膠嘅芒果豆乳雪糕麻糬⋯而嚟錯嘅甜品賣相同餐牌張圖都差九丈遠！店內通風不足，食完飯成身尤其頭髮成陣油煙味！好差去過三次，一次比一次差，冇下次了永不光顧！

本身諗住食下午茶經過沿途嘅餐廳都排隊諗住食少少嘢就去咗呢一間，冇人排隊絕對有原因我同屋企人兩個坐低先，第三個人未嚟，行入去見到佢哋嘅侍應着杏色T恤，所以同路人差唔多根本認唔到，其中一位男侍應叫我等一等安排一張枱俾我，好快就有一張大枱應該可以坐到六至八個人去到張枱仲未清潔好都唔緊要，俾咗一本Menu，隔咗陣帶位各位男士幫我哋落咗兩個餐先，然後就冇人理我哋啦🤣第三位家人到咗我哋想叫一個甜品，一舉手見到個中年女侍應行過，佢望住我然後走過，來回咗兩次，我問可唔可以幫我落單，呢位中年侍應轉身大叫其他同事幫佢落單。之後有位四眼嘅男仔過嚟，行咗一半佢轉身返去攞部卡機去我後邊張枱埋單，都唔緊要。我再舉手，後邊有個女仔過嚟幫我加單，同佢講想加個甜品，佢好有時問我係唔係即刻上我話係唔使等，之後就冇之後。我哋食完嘢個甜品都未到，搵返頭先嗰位女仔幫我跟一跟，我哋叫佢，佢仲好開心同隔籬個同事傾偈，之後好輕盈咁樣跳過嚟，好天真咁樣望住我。我問佢個甜品大概幾時嚟佢去吧枱望一望，再同我講唔好意思我唔記得咗落單。我真係瞬間爆發呢間乜嘢垃圾餐廳？大腸米線米線個湯比較鹹唔建議刈包入邊嗰嚿鹽酥雞同埋Menu嘅size大概一半

係K11art mall見到間新開幾個月嘅台灣菜餐廳門面幾吸引，即管入去試試。服務員安排卡位梳化坐得好舒適，先黎杯手打鳳梨檸檬茶醒醒神，唔會太甜有鳳梨香味幾好飲。蛋餅佢都有唔少選擇，軟殼蟹肉鬆蛋餅有大大隻炸軟殼蟹，加埋肉鬆同醬汁，令人非常滿足麻辣鴨血夠麻，可以再辣少少，但都唔錯。半筋半肉麵湯底好濃，牛肉好彈牙夠腍，牛筋麵都好入味，個人喜好再腍啲更好。後加左小食墨汁鹽酥雞配三文魚籽同蛋醬，幾新奇有趣嘅配搭，比想像中好