犀牛犀牛 (葵涌廣場) (已結業)

雖然啲人話上大陸啲人好多，不過葵涌廣場竟然人流不減，😫好似同我細個相比有過之而無不及，基本上而家頂樓嗰層，好似永遠都堆積人潮，任何時間你行過都要慢慢行才能經過。🥺不過都總好過，佢開嘅商場突然間人流稀少，變咗死場咁就仲慘。中間這間犀牛犀牛，朋友說出名，但是食評竟然很多負評或者ok，真奇怪，反而我是要這個冇乜糖冇乜冰嘅綠茶，然之後加芋圓加珍珠，不是太過甜，綠茶帶點茶味，冰嘅份量唔算太多，芋圓份量不太多，因為是特價飲料，但是夠晒煙靭，味道亦都不錯，珍珠夠煙韌，不算太過橡膠，味道相當不錯

好好食！咸甜咸甜的但味道一啲都唔怪，反而好夾。芋泥打得好順滑，食得出芋頭本身就好甜好熟。肉鬆份量都幾多。整體好滿足好飽肚，如果每日早上都做呢個吐司做早餐就好啦。

👨🏻‍🍳犀牛犀牛 (葵涌廣場) (葵芳)📍葵芳葵富路7號葵涌廣場3樓87B號舖 「滿滿台灣味的捲餅/吐司😋」 葵廣掃街😆見到犀牛犀牛😻之前返工間吾中會叫外賣，第一次食就愛上😋 🍽️招牌肉蛋蛋餅個人覺得捲餅比較好食🙈蛋餅薄D，捲餅厚身D口感多D，不過餡料都系好味的😋 👍🏻🍽️芋泥肉鬆蛋吐司超推！！微甜芋泥加超厚肉鬆加蛋😻第一啖，整個口感炸裂！！食完一啖又想一啖🤤吐司系台灣吐司個種軟糯煙靭感🥹 👍🏻🧋黑珍珠厚鮮奶 (正常甜度)夠濃😋珍珠夠甜夠煙靭😋👍🏻👍🏻 店長超nice😝佢地個下午茶優惠其實未推出，不過我地睇到隨口問問，店長話比優惠我地🥹🫶🏻飲品半價🫶🏻🫶🏻 #犀牛犀牛

見到好多人排隊，就諗住走過來一事。同埋見到個杯真係好靚，係我最鍾意嘅藍色白色。天氣真係太熱，冇得試佢招牌嘅珍珠奶茶，就選擇咗呢一杯鳳梨冰茶。雖然已經少甜少冰，但係鳳梨味都係太甜。的確係幾消暑。如果夏天好熱，買啲杯嚟飲吓都係唔錯嘅選擇

黑珍珠奶茶 $33 🧋半糖少冰呢間有得揀黑色/白色嘅珍珠都幾得意😝😝不過第一次飲都係揀返黑珍珠，珍珠咬落去會有甜味滲出，都幾好咬🖤不過可惜茶味有啲苦澀，奶味較淡🐄蓋唔過嗰陣澀味，奶茶口感比較稀薄🥲🥲另外叫咗半糖都比較偏甜，唔係好飲得甜嘅人要注意一下🙈🙈

呢杯珍珠奶茶好難飲。🥵🥵🥵🥵首先，珍珠味道有點淡，唔夠Q彈仲要硬到咬唔開咁，感覺好無味道。🤢🤢🤢而且無奶茶味道，令整個飲品有啲難入口。最令我失望嘅係，呢杯珍珠奶茶總體唔夠香濃，飲完之後唔係好有飽足感。總括而言，呢杯珍珠奶茶只係一般般，同其他嘅珍珠奶茶比起來，味道欠佳。不過，每個人的口味都唔同，如果您鍾意呢種甜到好似飲糖水口味 而且珍珠硬過石頭嘅珍珠奶茶，🥴🥴😮‍💨可以試下呢度嘅風味。

呢日太遲先到葵廣，同場另一間人氣手抓餅店的手抓餅已售罄 (又無緣...)見到呢間都幾多人幫襯，加上好想食手抓餅/蛋餅，所以最後就決定幫襯呢間小食店了佢都幾多選擇，但諗左一輪，都係買個最基本的肉蛋蛋餅。menu 自稱得招牌，心諗唔會差得去邊既......拿上手係熱辣辣的，但聞唔到香味。包裝都幾好，除左有張紙包住抓餅，仲畀左個幾厚身的紙袋，所以拎住食時都唔會燙手。但最大問題就係，食落乜味都無，乜係清淡之選嚟既咩？！以$38嚟講，咁的質素真係超級唔抵食。喺葵廣有大把選擇，個quota留番食其他野好過

以前讀書個時好鐘意去葵廣食野，因為選擇多可以邊行邊食，食到飽(´▽｀)不過自從返工後就已經好少去啦，今日訓到自然醒又諗唔到去邊一於就去葵廣食食食.幾年無黎葵廣啲鋪頭都轉左好多，行行下朋友見到犀牛犀牛呢間台灣野話好想食，佢話之前係台灣出trip時間太趕食唔到，既然想食仲等咩啊，即買！我哋叫左一個捲餅同吐司share.韓式醬燒牛五花捲餅$49即叫即整，拎上手仲係熱辣辣，由於我哋係share食，如果切開一半會更好😂我哋用吐司個膠蓋黎切開😂😂😂捲餅脆蛋味香，牛肉份量多而且Juicy唔會韌配上洋蔥同椰菜增加口感，再加埋韓式醬汁，呢個配搭好食！.日式辣味增豬五花吐司吐司鬆軟，份量十足！豬肉微辣有咬口而且夠入味，捲餅同吐司我偏向鐘意食吐司，兩款都好食，食完勁飽已經食唔到其他野😧我下次會試埋其他款式！！！.白桃烏龍 $32 我叫左微甜，飲到白桃味而且真係有白桃果粒係入面，讚！

叫左凍珍珠奶綠，完全無茶味可言，係飲緊一杯甜奶粉水嘅感覺。正常冰但一來已經無冰。難飲到爆，又甜又稀。叫左少甜，但飲落係double甜有多。珍珠又硬，又無味，得個甜字，非常失望。

平時唔會寫食評但係今次真係要鬧😅叫咗熱嘅伯爵歐蕾加黑珍珠但係凍飲嘅份量竟然比熱飲多三分一咁我不如買杯凍嘅走冰再攞返屋企整熱佢而且杯蓋設計唔太友好好容易拎返屋企嘅時候倒瀉少少出嚟然後我本身已經嗌咗少甜但係飲落去嗰下同全甜冇分別唔講仲以為額外加咗糖😅飲到一半已經唔太頂得順同埋只有勁淡嘅伯爵茶味亦都唔太飲到鮮奶味成杯嘢就好似有唔同味嘅糖水唯一值得讚嘅就係個黑珍珠咬落都幾煙韌同埋都叫做有少少味唔會得個咬字總括嚟講呢杯嘢39蚊真係唔值得極度唔推薦

#confidante_foodblog葵芳覓食韓式醬燒牛五花捲餅($49)味道：🌟🌟🌟🌟🌟回頭：🌟🌟🌟🌟頭幾啖淨係得皮，本來有啲失望，但食到底超多肉，啲汁多到漏出黎✨而且蛋味好香，加埋蔥嘅口感，認真可以一試～❤️不過唯一缺點就係佢偏貴👉👈同埋佢嘅牛五花比起韓式，似日式多啲，就好似多啲汁嘅吉野家牛肉👀

今日肚餓就用左網上外賣平台叫外賣，開始見到圖片望落感覺上好似幾好食咁，所以諗都冇諗就叫左外賣。叫左一個90蚊既套餐，因為見入面有好多野食，例如有沙律，炸物，台式飲品同埋蛋餅。送到過黎後發現賣相已經好普通，而且蛋餅偏薄，食落口感十分普通，即使食曬成個蛋餅都覺得同冇食野差唔多，味道可能因為冇配醬汁所以偏向乾身。而沙律就好普通，最主要既味道來源都係來自附送既芝麻醬汁，跟餐配上既炸薯粒就不過不失。雖然知道香港食台式野價錢當然唔及台灣咁便宜，但呢間價錢上真係偏貴，睇翻餐單原來到場叫蛋餅都要32蚊，如果想減肥既朋友仔可以一試

👩🏻👧🏻 今次我哋繼續介紹葵廣嘅好西🍽 行行下我哋見到呢間@rhinohkg 好多人等緊，又有蛋餅食😋就決定食喇~ ==============================🍽招牌肉蛋 蛋餅💲35可以選擇卷餅或者蛋餅，當然鍾意食蛋餅嘅我哋就揀…蛋餅🌯 每一款嘅小食都係即叫即整，所以拎上手嘅時候係香噴噴☺️熱辣辣♨️ 蛋餅餡料足而且大大嚿，蛋餅香脆鬆👍🏻 豬肉腍，配埋醬汁一啖咬落非常好食，但係豬肉相對較少，難做到每一啖都可以咬到所有配料 🙌歡迎大家介紹不同香港好食好玩好地方

葵涌廣場最出名係咩? 出名多野食多野行!!疫情之下葵涌廣場既鋪頭都黎左次大洗牌以前食開飲過既鋪都換左手了~犀牛犀牛最近都開多左好多分店其中一個就係葵廣其實想試好耐架啦但之前D位都好唔就腳!!🥪薯泥燒肉起司蛋吐司 44$好食既　材料都足　而且包裝唔錯~即叫即整所以熱辣辣又好香　薯泥吐司呢個配搭難得地唔會好膩的確係拍得住台灣既吐司🧋仙草鮮奶 36$仙草+ 鮮奶　奶味略嫌唔夠濃仙草味唔算出　整體黎講唔出眾而且價錢偏貴一個套餐加埋 70$ 一人而言70$ 要食飽　有野飲選擇都唔少　由其係葵廣好食既蛋餅奶茶比比旨是🌜整體而言唔係唔好食但就呢個地點黎講會有更好既選擇

一直都好想試呢間犀牛犀牛台式小食店！而家喺唔同地區都有呢間分店，想食都好方便！今次想食個卷餅當做午餐，喺葵廣有咁多平價美食小店林立嘅地方，呢間嘢捲餅定價都幾高，雖然都算大份，不過可能當午餐食又未必足夠。莎莎炸雞捲餅$49- 捲餅質地唔算好油膩，唔似印度薄餅嗰種油酥。入面仲有層煎蛋，豐富咗口感。炸雞俾莎莎醬整淋咗啲，食唔出香脆嘅感覺。不過我都鍾意佢嘅味道，加埋辣辣地嘅莎莎醬同埋沙律菜爽脆嘅口感，感覺幾清新，唔錯。