天ぷらまきの

營業中

休息中

🍤【 天ぷらまきの• Tempura Makino 】🍤⋄ —————⧫♟⧫————— ⋄日本關西人氣過江龍天婦羅專門店Tempura Makino「天ぷらまきの」嚟咗香港開分店，選址沙田新城市廣場，我都係第一次食喳🤗大部份食材，包括：麵粉、雞蛋等，都係來自日本🇯🇵 而且即叫即炸，熱辣辣上桌，水準確係掂👍🏻重點推介「特選天丼」，食材勁豐富：虎蝦3隻、鱚魚、海鰻半條、魷魚、北海道舞茸菇、茄子、南瓜、法國邊豆、日本雞蛋…… 自家製炸漿薄薄一層，顏色清澈，輕盈而不油膩✨ 精準嘅油炸溫度，將食材炸得香酥可口，件件高質💖 虎蝦勁大隻，數量仲要x3，而鋪底嘅米飯份量亦超多，食完真係捧住個肚🤰🏻😆如果有選擇恐懼症，建議嗌「天婦羅盛合丼」🔥將最具人氣嘅天婦羅食材集於一身，有虎蝦、魷魚、雞胸、野菜等，而且只售$68，仲奉送套餐飲品，勁抵👏🏻仲有一樣絕對唔可以錯過，就係「日本雞蛋天婦羅」🐣 名副其實嘅「炸蛋」，重點係勁好食‼️ 炸蛋白邊好酥脆，一咬開，橙紅色嘅流心蛋黃傾瀉而出，太滋味喇🥰🧡另外推介店內人氣單品——「海苔明太子天婦羅」❣️海苔包住原條明太子，炸得酥脆後，散發辛辣鹹香，幾有風味😚⋄ ┄ ┄ ┄ ┄

閒日唔想煮，出去食個晚餐，諗唔到食乜好，睇下邊間唔使排隊，就搵到呢間，門面普通，見佢有set dinner, 價錢又唔算貴，就諗住一試。見佢入面明明有唔少吉位，但都要我地搭枱。整體環境普通，無話特別唔舒服。叫咗兩個set dinner, 118一位。食物ok，無驚喜，似快餐量產，某啲food court會好食過佢。但服務呢part就真係唔係好掂，已經無期望會有招呼，全店店員態度同水準都好一致，唔掂。如果佢宗旨係啲客食完快啲走嘅，咁佢好成功。應該係因為個set dinner比較經濟，所以有一定客人光顧。除此之外，無特別。

—商場其他餐廳都爆場要排隊見呢間天婦羅店可以直入餐牌嘅定食選擇唔多 天丼とそば定食($148)虎蝦/魷魚/北海道舞茸菇/茄子/南瓜/法國邊豆/日本蛋炸漿尚算薄身 包裹住食材不易分離乾爽唔太油 飯冇咩醬汁 要拮穿蛋黃撈下揀咗熱湯稻庭烏冬 高湯湯汁幾好飲加咗天婦羅脆脆同蔥花期待日本之旅 會食到更有驚喜嘅天婦羅———————————————天ぷらまきの 沙田沙田正街18號新城市廣場一期1樓159號舖沙田沙田正街18號新城市廣場一期1樓159號舖

平日夜晚經過見到呢間餐廳，無咩人打算入去試下，跟住服務員話限時60分鐘，心諗你都無咩人，限咩時啊！因為朋友未到我就唔入去住，去個洗手間行陣等一等我朋友，知道朋友已經行緊過黎，我就再去攞位，個服務員又勁寸咁問我人齊未，我就同佢講朋友行緊過黎，佢又再講多次限時60分鐘，我已經開始有d惱，跟住同佢講知道有限時啦！心諗你都無咩人係度食，又無人等位，洗唔洗咁強調限時啊！幾經辛苦佢卑我入去，跟住問我可唔可以坐bar檯，我望一望大把空位，點解要我昨bar檯，我就超惱，食餐飯借，洗唔洗處處刁難人啊！搞到我成肚氣，食咩都無胃口啦！最後我真係卑佢激到成肚氣，忍唔住同佢講唔想做生意未講lo,唔洗卑氣d客受既，頭也不回地走了。。。無論佢d野食有幾好食，有幾正，咁樣受氣發，我就真係食唔落啦！我驚我見到佢d野食都想嘔！！！成日都話香港飲食業好難做，本身限人地食60分鐘已經好唔人道嫁啦！要人地倒d野食落肚咩！你話多人等位就話借，都係度拍烏蠅，d服務態度仲咁差，真係搵鬼黎食。ps平時無寫食評習慣，但今次太激氣，不得不分享下！

之前一直都是在下午五時左右去這間店吃天婦羅，那時段客人甚少，服務正常，重點是天婦羅皮薄而蔬菜新鮮，實在是非常美味。我點的野菜天婦羅定食，除了醬油外，也有咖喱粉、綠茶粉和芝麻粉作為沾料，非常專業的搭配。

沙田嘅新城市中心有好多唔同餐廳😆今次就同阿媽去咗 天ぷらまきの - Tempura Makino 因為佢哋最近推出咗日本天婦羅嘅唔同定食套餐 而且價錢都算係親民 真心唔錯🐷.🐷蒲燒鰻魚丼配雜錦天婦羅定食（附烏冬）鰻魚軟糯 份量亦都唔少 再加埋有碗烏冬 真心好夠食～ 天婦羅香脆多汁 份量多又唔會太乾 重點係先$98 但成個餐勁大份 個tray都大過人 所以真心抵食！.🐷角切魚生丼配雜錦天婦羅定食（附烏冬）平時嘅角切魚生丼 就咁一碗飯可能都成$100啦 但係呢一度成個餐先至$118 新鮮魚生 配埋份量超足嘅天婦羅 清新又美味 仲有都係有一碗烏冬 所以真心超級抵食完全唔使驚肚餓唔夠飽..上面兩個雜錦天婦羅定食都仲有包一份前菜 係秋葵呀～ 超好味 份量多啲可以比我當做一份小食 因為小編好中意食秋葵～ 同埋兩個日式黃豆粉小蕨餅 可以食完飯當做食小甜品🍮.🐷沖繩蔥頭天婦羅平時食天婦羅 好多時都係食一碟瓜瓜菜菜 或者肉 同埋蝦🍤 第一次天婦羅食蔥。。。。 不過又真係幾好食😂 沖繩蔥頭香脆可口 酥脆誘人.🐷龍蝦野菜天婦羅盛合呢個天婦羅就真心巴閉了 平時食開最多都係啲大蝦 🍤 今次竟然食龍蝦天婦羅 隻

最近下晝突然好想食天婦羅，就搵咗呢間係沙田新城市廣場嘅✨日本過江龍天婦羅專門店食𝐥𝐮𝐧𝐜𝐡🍱~~𝐎𝐫𝐝𝐞𝐫咗一個套餐同一啲單點😚♦︎ 特選天婦羅二人套餐 ♦︎ ($𝟑𝟐𝟖)⚭ 冷蕎麥麵 ⚭ 沖繩水雲醋物⚭ 吞拿魚及三文魚刺身⚭ 炸鰈魚天婦羅⚭ 虎蝦天婦羅盛合⚭ 柚子青檸雪芭🌟首先，我要講下佢哋天婦羅嘅賣相。每一款都好炸得金黃酥脆💛，而且外層炸漿好薄，一啖咬落去，就𝐟𝐞𝐞𝐥到好輕盈，唔會好油膩 🔥佢哋控制炸嘢嘅火候都幾準確，食材可以保持住原本嘅鮮味同質感😋🐟炸鰈魚天婦羅魚肉鮮嫩，炸至金黃色，每一件都帶有脆軟嘅口感。🦐至於虎蝦天婦羅，真係超過我哋嘅預期，虎蝦肉質鮮嫩多汁，炸得好香脆🍤，配埋蘿蔔蓉醬油食，超滿足，絕對係天婦羅界嘅經典之選(ृ ु ´͈ ᵕ `͈ )ु🧊🍜天婦羅就最適合配埋冷蕎麥麵食，麵條彈牙有嚼勁，入口涼爽，超啱同天婦羅配埋一齊食ヾ(･ω･*)ﾉ🍣另外兩款刺身都幾肉質鮮美，新鮮又爽甜，特別嘅係吞拿魚刺身入面仲包咗吞拿魚蓉，肥美嘅口感超正🥰♦︎龍蝦野菜天婦羅盛 ($𝟏𝟖𝟖)♦︎螢光魷魚春筍飯團 ($𝟑𝟖)♦︎香桃梳打 ($𝟑𝟖)♦︎沖繩四季柑梳打 ($𝟑𝟖)龍蝦野菜天婦羅盛合有啖啖肉嘅天婦羅龍蝦，🦞

Lunch 叫左兩個set , 前菜係秋葵菇嘅混合物。甜品有兩塊缺餅。一個係蕎麥麵加天婦羅定食$78本來以為得麵，原來天婦羅係有飯底，加上少少醬汁，食落還好 ，但天婦羅唔夠脆，款式略少。另一個係刺身don加天婦羅烏冬定食$118價錢嚟講還好。個天婦羅豐富少少，多左個魷魚。其他有蝦、茄子南瓜&雞胸肉一樣。個刺身丼就好普通，刺身有啲少唔夠送飯。整體既份量嚟講都係夠，主要都係食烏冬，蕎麥麵&豉油撈飯食飽的。兩個人埋單216$。

香港真係好多日本話江龍嘅餐廳😃今次介紹係位於沙田新城市廣場入面嘅其中一間日本大阪過江龍專食天婦羅嘅餐廳🍤😀============================天丼蕎麥麵定食 $148 （可轉烏冬)因為我鐘意食烏冬多過蕎麥麵，所以我轉左熱嘅湯烏冬🍜佢仲可以揀冷or熱添定食入面已經有齊前菜、麵豉湯、烏冬同埋飯🍚添😆呢個定食嘅天婦羅包括有：虎蝦🍤、魷魚🦑、北海道舞茸菇、茄子🍆、南瓜🎃、法國邊豆、日本雞蛋🥚佢所有天婦羅個外層個炸漿唔會好厚，炸到好酥脆，唔會油淋淋😆😆虎蝦仲要都幾大隻😁😁呢個定食我最鐘意其實係天婦羅流心蛋🍳一咬開流晒啲黃落啲飯到，真係送飯一流👍呢個定食仲要有飯有烏冬，仲要有咁多件天婦羅，食完真係好飽🤤🤤============================至福天婦羅便當 $198另外我地仲叫左個便當🍱，呢個便當就淨係得飯就冇麵嘅，但佢多左啲刺身🍣，分別有吞拿魚赤身、三文魚同帶子各兩件天婦羅方面就有虎蝦🍤、鱚魚、魷魚🦑、北海道舞茸菇、雞胸、蘆筍😃另外仲有沙律🥗同埋麵豉湯呢個便當貴啲，但就多左個鱚魚同刺身，但就少左茄子🍆、南瓜🎃、法國邊豆、日本雞蛋🥚，我覺得如果一心想黎試天婦羅

12月下午找同事2個去食午餐。叫左兩個天丼蕎麥麵定食。加多個明太子～埋單大幾4xx蚊左右。可能我們不是什麼大客或常客。。經理態度其差。。其實食物質素對比價錢都不算太高～埋單時店員印了張收據但整爛左。我要求再印一張做泊車。經理走過來說公司規矩不能印多張收據給客～ 我要求要張正常的。。經理不斷說不行。。由入門坐底到埋單食到一肚氣。 不過都不緊要。一定無下次同會提醒朋友真心吾好去試。無謂比錢買難受～～～☹️

呢次去咗沙田食日本🇯🇵過江龍天ぷらまきの即叫即制天丼天婦羅定食，叫咗個天丼定食，估唔到嘅係份量咁多，包兩隻虎蝦🍤、喜魚、雞胸、北海道舞茸菇、南瓜、法國邊豆、日本雞蛋🥚。每款天婦羅都炸得鬆脆，內軟多汁，自己就最鍾意雞胸南瓜扁豆同喜魚😻😻食物質素同份量絕對對得住個價錢🙌🏻🙌🏻，有機會大家嚟沙田就試吓啦🩷🩷🏠環境：8/10🌟味道：9/10💰性價比：8/10🙇🏻服務：8/10Tempura Makino📍沙田沙田正街18號新城市廣場一期1樓159號舖#hkfood#hkfoodie#HKST#tempuramakino

🇯🇵日式 🍤天婦羅專賣店 🚹1-4人 🐻#炸物控——————🐻‍❄️🐻兩個去左沙田搵食😋最後入左呢間食🐻最愛嘅炸物餐廳有60分鐘限時，但食物都好快上枱👍🏽野菜天婦羅盛合 $88有南瓜、茄子、西蘭花苗、舞茸菇、蘆筍、蓮藕、法國邊豆好特別咁配左三色鹽，分別係抹茶(上)、咖哩(中)同紫蘇鹽(下)，不過味道偏淡，除左咖哩點完會有淡淡咖哩味外，其他兩種都只得咸味，抹茶完全無抹茶味🤣紫蘇鹽咸過抹茶少少🤣🐻：天婦羅都好脆👍🏽特別係西蘭花苗。點左咖哩鹽會令天婦羅有少少咖哩味，用處唔大，但三隻味點左都唔伏嘅🤣🐻‍❄️：咖哩味嘅天婦羅，食落幾得意嘅～🤣注意⚠️🐻🐻‍❄️：好咸！🐻：懷疑係送飯食🤔因為真係勁咸，但個紫菜皮脆嘅👍🏽❌食到後期嘅天婦羅因為放太耐，開始出現油漬味，似乎因為所有食物喺好接近嘅時間上晒枱…🐻‍❄️唔想食太多炸野，就叫左個烏冬同日本雞蛋，烏冬係稻庭烏冬，入口軟滑，唔錯👍🏽湯底就偏濃味呢個「炸蛋」都做到外面脆、入面流心😛但因為食過同類型另一間舖頭，呢間成個炸蛋大好多，但就變左要咬好入先咬到流心蛋黃，因為佢嘅炸皮包住蛋白、再之後先到蛋黃，炸皮亦感覺厚過另一間，可能再加上今次無叫飯，所以🐻‍❄️🐻覺得另

沙田呢間舖食咗好幾次每次都淨係會嗌佢嘅天丼蕎麥麵定食首先因為我女好鍾意食佢哋嘅凍烏冬(佢可以揀凍或熱嘅蕎麥麵或者烏冬🍜)另外係呢一個定食其實份量幾大我哋一大一細share食加多一兩件天婦羅就好夠飽佢個定食已經有虎蝦、魷魚、茄子、南瓜、北海道舞茸菇、法國邊豆同日本雞蛋👍🏻👍🏻仲有埋麵豉湯同埋前菜所以其實都幾抵食佢哋嘅天婦羅雖然唔可以話係非常出色但其實都幾好食唔會太油膩, 炸粉亦唔算太厚只係略嫌個雞蛋同舞茸菇淡口咗少少嗰日想試多一款前菜所以就試咗佢個沖繩水雲醋物酸酸甜甜幾好食幾開胃

日本關西人氣天婦羅，香港第一間分店選址新城市廣場，一開嘅時候大排長龍，而家易左拎位。除左天丼，仲有單件天婦羅同其他丼飯。特選天丼 $178配料好豐富！有3隻虎蝦、鰽魚、海鰻半條、鱿魚、北海道舞茸菇、南瓜、法國邊豆、日本雞蛋。炸粉好薄好脆，唔會油膩。海鮮類整體都好新鮮。個半熟蛋好加分，蛋漿撈飯一流。如果可以多啲汁，或者個汁濃味啲就更好。特上鰻魚丼 $148呢個有驚喜，鰻魚肉質好淋但唔會散，鰻魚汁甜度適中。另外仲嗌左紫蘇牛柳天婦羅，牛柳嘅口感同天婦羅炸粉唔係好襯。唔建議。整體食物質素不過不失，價錢偏貴。

Je suis allée dans ce restaurant japonais à Sha Tin avec mon ami mercredi dernier. Nous avons commandé deux formules- le “Makino Tendon et Soba” et le “Makino Spécial Tendon”. Ҫa coûte $360, ce qui est un peu cher mais c’est délicieux. J’aime en particulier le tempura de crevette et mon ami préfère le tempura d’oeuf. Le reste (par exemple, le calmar, la citrouille) est bon aussi (comme nous n’aimons pas le poisson, nous ne mangeons pas le tempura de poisson). En plus, ce restaurant se trouve à l