一番屋台 (已結業)

之前幫襯過，初初開張時，都覺得刺身算新鮮，但之後都有試過啲刺身唔新鮮嘅情況。不過諗住今日俾多次機會佢，再幫襯多一次。點知，今次就令我下定決心唔再幫襯。我光顧時，當時店裡面得一個女店員，幫我落order 時，見佢左手帶住手套，右手無帶，收錢時，我俾現金，個女店員，用佢帶住手套嘅左手，接我嗰一百蚊，之後再用左手，找返錢俾我。找完錢，佢無換手套，隻帶住同一隻手套嘅左手，就咁就攞起啲刺身嚟切。老實講，如果呢間唔係刺身壽司店，啲食物係要煮熟嘅，我可能無咁反感，但發生响刺身壽司店，我就真係不能接受，返到屋企，我都淨係飲咗個麵豉湯同食咗個沙律，兩啖飯我都無胃口再食。同埋，唔只一次，麵豉湯，係唔熱嘅。呢間鋪頭如果唔改善，相信好快都會做唔住。我自己就真係唔會再幫襯

灣仔難得平平哋又好食嘅外賣天氣熱呀嘛梗係要搵啲凍嘢食下😍午餐食個簡簡單單嘅壽司飯👍即刻有精神繼續開工做嘢💪波子汽水真係好平😃😃😃外賣多個地方選擇👍😆

炎炎夏日30幾度， lunch 都唔想出去排隊搵食，分分鐘等10分鐘全身濕晒。最後同同事決定買外賣返公司，本來想要三文魚海膽井$68，但見到油甘魚便當$88 ，好奇點解油甘魚會貴過海膽，決定買來試試。呢個價錢，有咁多魚生片，已經不錯，而且都新鮮，厚切的🤩🤩最令我覺得有驚喜嘅係，係佢嘅壽司飯，壽司醋調味嘅比例極字，飯粒又香又彈牙又飽滿，比起出邊連鎖店甚至乎壽司郎都好食。🤣灣仔區呢個價錢算係性價比高嘅lunch，下次試吓其他款式先

晚上在灣仔上堂, 小休時在附近覓食，發現了一番屋台，加進我最愛之列。心中盤算著外賣幾件壽司能符合營養師的減肥建議，即買即食，快捷方便，去馬吧！為環保少用膠袋，決定現場立食。廚櫃內有幾款現成的選擇。三文魚腩、蝦和帶子都是我的至愛，賣相幾吸引，看得出是好料，就呢款啦，承惠HKD60而已。壽司師傳見我不要鼓油, 便誠懇熱心推介加鹽吊味更佳。他的眼神堅定，親手幫我灑了點鹽在魚生之上。果然！ 加了鹽的鮮美魚生，引發味蕾感受多了層次，更加滋味好吃。三款魚生俱佳，壽司飯香亦飽滿彈牙，真係無得輸呀! 我每吃一口，便讚嘆: 嘩.. 好味, 好味..  好味道....  那份味覺驚喜，真正感受性價比極高的壽司呢！ 其間有位年青人來幫襯，我問有咩是此店的推介？ 他說每周必來。當晚他買海膽帶子飯HKD58。他說此店魚生新鮮，價廉物美，不能錯過呢。後來我有晚加班，專程再去買海膽帶子飯，立食。趕時間沒有拍照與大家分享。下次吧！ 大家一齊幫襯和支持本地小店啦！ 

係灣仔都有唔小壽司店。。。有日睇下食咩外賣就見到呢間餐廳，我好小行過修頓買野食。。。因為我唔近個邊同埋要行多d路先到。。。我個日去想試海膽，咁岩個日係無海膽所以就簡左個魚手卷同加洲卷。。。其實真係抵食啦。。。係灣仔20，30蚊左右有個手卷。。。材料都算唔差，我覺得加洲卷幾好咪。。。因為我寫既時候已經係食完差唔多個幾星期本身無諗住寫。。但疫情都要支持小店。。。希望唔好咁多餐廳執粒。。。

近期限聚令下外賣到會 自製美食在家三五知己一齊不限時飯局十常八九今日適逢Happy Friday 又因為太想念日本美食朋友推薦這間全新進駐灣仔的外賣到會日式料理地點方便 近港鐵站 自取輕而易舉刺身、壽司、熱食、清酒一應俱全朋友家住灣仔 五人把酒談心 不妨一試店舖主打外賣工作人員熱情款待 介紹不同食物最令我驚訝是 店員還會細心詢問是否有食物敏感及茹素朋友他們會特別安排其他食材看到地方十分清潔從前菜的味道 可以看得出店主細心的預備店內有不同飲品可以選擇包括自製的滋潤飲品 多款日本清酒店員的推介很合心清酒可以配搭不同刺身美食食物份量十足 美味新鮮外賣的擺設也十分精美朋友特別預早向店舖安排了活龍蝦刺身新鮮活龍蝦 肉質爽脆 外殼更可特別烹調成鮮味十足的生滾龍蝦粥粥底加入香芋及甜薯 口感豐富還有不能不提的鮮海膽青瓜卷火炙左口魚裙邊壽司 帶子壽司卷我們五人在家聚會 能夠品嚐如此高質素的日本美食的確值得推介