茶匠 (太安樓) (已結業)

只試過3款，分享經驗，30幾蚊唔算平，唔想其他人中伏黑糖珍珠岩鹽鮮奶 - 唔太甜，味道不太濃，我口味偏淡，所以覺得好好飲奶蓋白桃烏龍 - 桃味太淡，得奶味，實在淡得滯，唔會再叫果茶 - 好好好酸，頂唔順，未飲晒dump 咗，估主要成份係橙，西柚，菠蘿汁，冇茶味，好失望

炭燒烏龍奶茶- 奶和茶的比例算取得平衡，不過味道上感受唔到炭燒味，而味道不夠濃郁，有種溝了水的感覺，當買杯野解渴嘅心態去飲會心理平衡啲。價錢$22算中規中矩。- 店員態度是冇乜態度，感覺似返工等放工。等候時間算快。

兩年前曾光顧藍田匯景分店，人地店名叫茶匠，但不知為何當時偏點了杯鮮奶咖啡😂，已經忘記了味道，應該就是沒到令人難以忘懷的好喝/難喝。今天在太安樓偶遇茶匠，決定試試它的撚手老本行。點了杯凍炭焙烏龍奶茶走冰走甜，加$6轉鮮奶，另加了寒天和仙草。首先必須大讚，走冰真的只走了冰，量還是大大杯真材實料！帶有淡淡烏龍茶香，喜歡其茶與鮮奶的比例（利申是奶控🤭），喝了幾口再攪勻寒天和仙草，然後，整杯變甜了🥲應該是寒天或仙草本身已自帶甜味，這點是我沒料到的…… 本身不是螞蟻人，攪勻後對我來說已是正常奶茶的甜，如果點的是100%甜度，不敢想像會有多甜😅（不過若你是嗜甜人應該會大愛）。Anyway，仙草和寒天口感還是不錯的，幼滑順喉。另外，這裡只有奶精/鮮奶，沒有脫脂/植物/燕麥奶等，如果可以讓客人選擇更佳，但這個價錢，這個份量，是值得推薦👍🏻有機會再試試匠人的芋頭系列🤪

【左】芝士奶蓋茉香綠茶加珍珠🧋 💰38 好假嘅茉莉同綠茶味，撈埋芝士奶蓋嚟飲有陣涼茶味😵【中】芝士奶蓋芒果雪沙🥭 💰35正常，但飲得出係芒果醬整，唔係新鮮水果，而且無果肉😤 ⬆️兩杯都俾錯蓋，完全飲唔到奶蓋嘅味⬆️【右】柑桔小球加蜂蜜檸檬🍋 💰30 我估佢小球係指晶球，但佢無加落去😠零蜂蜜味，入面粒咸柑桔搞到杯嘢好酸又咸，唔係我預期中嘅味道🥲想睇更多相可以search翻ig @foodjobdacon❤️‍🔥

今日冬至諗住試下新野啦 叫左4杯 送到黎倒瀉左杯當外賣問題唔關你事 叫熱飲變凍飲 叫凍飲變熱飲 一開始以為落左order啦 上黎外賣app睇又無喎 落岩order 嫁喎 佢杯野上面嘅label 都打左熱 黎到入口係凍嫁喎 炭焙烏龍奶茶 無炭焙味 無茶味 栗子拿鐵order 左熱嘅又黎左杯常溫 黎到見到個樣都知伏 望落飲似奶水 飲落仲似飲左一啖次後完全頂唔順飲唔到第二啖 白桃烏龍奶茶叫凍嘅黎左杯暖嘅 黑糖珍珠鮮奶叫熱嘅又係黎凍嘅 四杯都錯哂都幾難得

今天只有一位店員，2:00左右我在這排隊足足有半個小時有多睇吓先及前面排隊的量為客人落單，但是他看見我在後面排隊也不幫我落單，而是去整剛下單的飲品，直到20分鐘後他把前面兩位客人點的嘢飲弄好了，還未開始幫我落單，後來因為說他太忙需要我們等一下我就問了大約要等的時間，他說要半個小時至1小時。在2:40之前他說了三次叫我等一下，但是一直不幫我落單，作為一個學生我下晝需要3:00上課，但為了買嘢飲我由兩點等到2:40。

西灣河太安樓不嬲出名多嘢食，加上天氣咁熱梗係要整杯珍珠奶茶飲啦，鋪頭仲多，要揀一間心水都唔容易，鍾意試新嘢嘅我梗係間間我未飲過㗎喇，「茶匠」舖頭唔帶大，正兒八經嘅珍珠奶茶店。因為我都未試過，所以問下店務員，佢哋嘅珍珠奶茶好唔好飲，佢話啲珍珠食過貢茶，咁就呢一杯試下啦，咁真係唔差嘅啲珍珠，係好食嘅，不過茶就淡咗啲，最後叫個店務員加返啲糖佢都好樂意，服務幾好，值得一讚。下次試下其他飲品先環境質素🏚：❤️❤️❤️❤️❤️衛生程度🧽：❤️❤️❤️❤️❤️美味程度😋：❤️❤️❤️❤️❤️抵食指數🤩：❤️❤️❤️❤️❤️回頭指數🤩：❤️❤️❤️❤️❤️

大概是大家很喜歡茶飲的關係，好像愈開愈多，很多我沒聽過的店。好像最近在太安樓就發現這間 - 茶匠！那天去還見到有人在排隊便有興趣試試看。可選擇的種類頗多，除了純茶、奶茶，還有雪沙之類的。再特別一點的會有匠人盆栽奶茶和 400次咖啡 / 抹茶。不過第一次飲就選保守一點的飲品 - 黑糖珍珠岩鹽鮮奶 ($32)鮮奶不算很厚身，但幸好黑糖味和甜度剛好，不然鮮奶味大概會蓋過。珍珠口感煙韌這點不錯，岩鹽奶蓋的部份都算濃郁。另外還買了一杯 - 匠人果茶 ($32)可能因為西柚較酸澀的關係？茶味會薄弱一點。

小強小強小強！唔系第一次幫襯，但今次飲到最後，竟然發現黑色屍體…雖然都知飲食店鋪裏有好正常，但台式飲品店第一次發現有小強真系有陰影同好失望，唔敢有下次…呢排都會唔敢飲奶茶!!!

太安樓小食出色一向都清楚明白 但奈何對於住新界嘅朋友黎講簡直係小旅行但今日有車坐就決定去遠啲 一於去西灣河茶匠位置係太安樓二街會近啲 係正正門口西灣河限定鳳梨百香果梳打$30 價錢同一般手搖飲品店價錢相若 但用料十足一篤枝飲管落底 成個底係實㗎 睇相都見到杯底係深色好多 而面頭仲灑左啲黃色小花 唔錯黑芝麻千層蛋糕$42本身想叫Oreo 曲奇千層但無哂 唯有揀黑芝麻外賣盒嘅設計都好貼心 係三角形嘅size 免得拎嘅時候盪黎盪去 一打開好香芝麻味 見到好明顯嘅分層 唔會有好多嘅cream 係中間 不過標榜80層又唔係好覺😂 但食左啖 用芝麻打嘅cream好滑 仲食到芝麻籽💛 西灣河店先會有飲品加蛋糕平$5 其他店無㗎

茶匠呢日去左太安樓搵食，食完飯，即刻買杯台式飲品飲下先凍芝士奶蓋白桃茶~$34叫左小冰，芝士奶蓋香滑不膩，白桃味清香，不太甜，反而芝士味不太出，整體感覺都好飲茶匠 🏠：西灣河筲箕灣道57-87號太安樓地下24A號舖☎️：97268091

見呢間茶店多人幫襯，就試試啦😁，買左2杯熱飲：🥤宇治抹茶拿鐵 $36香濃嘅抹茶，加埋拿鐵，好好嘅配搭，唔太甜，好好味😋🥤鮮芋拿鐵+芋圓鮮芋+芋圓份量較少，但口感算不鐵，加埋拿鐵飲，暖笠笠，都係好正。2杯較喜歡鮮芋拿鐵+芋圓。

疫情太耐冇出街，突然發現茶匠登陸左係太安樓‼️‼️前幾日仲諗緊好掛住上環飲過既白桃烏龍好想飲，而家即刻實現倒😍平時飲開微甜，見倒餐牌寫住微甜會影響口味，所以膽粗粗好聼餐牌話，叫左【70%怕甜首選】，果然真係唔太甜😚😍仲有好多口味好想試，下次再去太安樓既時候一定環再買嚟試下🥰岩岩發現左係openrice落單先取會有7折/8折優惠，諗住環飲既朋友就openrice落左單先再慢慢行過去拎，岩哂👍🏻👍🏻

🧋茶匠🍵話說前排太安樓有個呃人KOL開咗間茶飲店點知極速執笠仲俾人踢爆個KOL差人周身債當然人品低劣嘅店自然會被市場淘汰呢個係定律嚟㗎嘛人品好茶品好先有得留低茶匠就係其中之一好飲又有良心嘅店佢哋開分店開到嚟西灣河實在太好啦咁我又可以成日買黎飲🍑芝士奶蓋白桃烏龍🧋本身我好鐘意飲白桃烏龍茶淡淡桃香加上烏龍夠濃茶味而奶蓋飲落奶香味同芝味都平均得幾好唔係嗰啲稀稀嘅奶泡扮奶蓋芝士奶蓋白桃烏龍世界第一☝🏻

第一次黎太安樓，見到有黃店當然要試下！佢嘅服務態度方面：正正常常，算唔差。環境方面：見到有應援進行中，同埋見到佢地可以自取新年靚靚揮春同埋日曆，係真係免費送架！呢一點真係十分好！價格方面：有平有貴，最平20，最貴40up。我就試左一杯佢地嘅特飲，阿華田雪沙。飲品方面：其他我唔知啦，但係阿華田雪沙真係好好飲！而且得太安樓茶匠先有架！阿華田有復古香港嘅意味，呢杯放置喺太安樓裡面，令到呢杯飲品好襯太安樓，好有港式味道。而且佢地仲會幫我喺杯面畫出一個心❤️心❤️出黎，店員真係好有心思黃店就梗係要撐佢！