邁爵斯 (中環) (已結業)

今日同同事去中環食lunch, 同事之前有食過， 叫我地唔好叫咁多， 因為份量好足夠。 我地叫左2個意粉，墨西哥卷餅， 4杯凍飲， 埋單位位$65蚊。 真係超飽又好味。意粉應該夠3人份量， 唯一不足係配料較少， 我地叫左蜆肉意粉， 肉醬意粉。 蜆肉份量唔夠多， 可能因為意粉太多了， 但味道係好食的。 墨西哥卷餅好精緻， 味道好食， 卷餅脆口。

嚟咗中環做嘢唔係好耐周圍搵有咩平嘢可以lunch食上網search就搵到呢間～因為仲未好熟呢頭啲路都搵咗一陣先搵到🤣叫咗一份蒜香白酒蜆肉意粉+香辣炸雞😛打電話去叫定，一去到就有得拎，拎到返公司仲熱辣辣😍呢個已經係食咗幾啖🤣真係好大份…我最後食咗一半多啲真係食唔落😂一打開好勁芝士粉+蒜味因為我唔食芝士 好彩佢只係面個浸有撥開咗就食得😗成碟都好夠蒜味，好正而蜆肉都真係好多！呢個炸雞係食咗3舊先記得影🤣太好味了！啲雞好脆好香口咬開好juicy而且啲雞唔係個啲好多肥膏，個人好鍾意😍不過佢一啲都唔辣建議就咁叫炸雞就得🤣整體嚟講真係好抵食～2樣野夾埋都係$69平時叫一樣野都差唔多錢…推薦畀中環嘅打工仔！

作為打工仔我哋都想食到平嘢尤其係中環區根本冇可能食到啲平嘢，平時成日同朋友四周圍去試新野今次你到呢一間餐廳真係令我刮目相看，聽聞佢喺深水埗有分店所以慕名過嚟試吓同朋友一齊兩個人 我哋嗌咗一個意粉：香辣海鮮意粉，和一個特色柚子雞翼，一杯玫瑰荔枝梳打，一杯玫瑰鮮奶咖啡，個香辣海鮮意粉都幾嘢味令到人哋都有啲食過返尋味加上都個柚子雞翼炸得香口 所以都幾令人沉迷，配一個玫瑰荔枝梳打都幾匹配。總括來說下次會再幫襯因為實在太平了人均消費$50就可以食飽 正呀

餐廳係長樓梯旁邊。由中環地鐵站行去餐廳都幾遠，仲要行長命斜🤣🤣。 未食野就先做運動。 叫完先俾錢，食物後到。 意粉只有4款🍝，小食、飲品就比較多。最平39蚊，但我叫咗款最貴意粉，都係52蚊。 我地叫左3款菜！ (5⭐⭐係最高，星星分數係比較同一間餐廳的不同食物） 香辣海鮮意粉⭐⭐⭐哈哈！唔係講笑，成座山咁高。兩人都食唔曬。佢都幾辣下，應該仲加左茄膏。海鮮都多，有蠔、蜆、魷魚。大部分都係醬汁既味道，但52蚊你仲想點喎🤣 滋味洋蔥圈28蚊⭐⭐4件洋蔥圈 ，再加沙拉醬。同意粉比就有d貴。 荔枝玫瑰梳打特飲荔枝味好突出，飲落去都幾解渴，唔係死甜。 後來見到，6位 office 上班族都係幾叫咗3款意粉，兩樣小食🤣。原來，我地兩個已經好大食🤣。

年初三打算外賣自取，下單付款後顯示11:33am可以領取。11:35am去到餐廳門口未開門,打給店舖回覆㕑師未返工，要十二時多才可領取食品。由於趕去拜年便要求取消訂單，店舖要求我自行處理。睇返OpenRice 寫明訂單被確認便不能取消。再打去店舖，很不情願地說晏啲幫我處理。想追問晏啲即幾時，已被cut線。再打去亦已不再接我電話。其實㕑師未返，便不應確認我的訂單。現在付了錢，通知取消訂單，卻不知何時可收回退款。

中上環搵平民野食可以考慮一下「邁爵斯」意粉！在深水埗開了第一間分店，以平價大份意粉著稱，估唔到在中環開了一間。聞名不如一見，份量真心驚人🤯聽聞堂食更驚人🤣原本打算一人一盒，但有同事食過知道大有來頭，所以打消念頭，如果唔係就做咗大晒鬼啦！🍝 香蒜白酒蜆肉意粉 $39🍝 肉醬意粉（牛肉）$433人分兩盒意粉，每人都只係27.3333🤗而且都食得飽，你話抵唔抵食先？味道方面都唔差：-意粉夠多醬汁，不會太乾-香蒜白酒蜆肉那款充滿蒜味而且牛油味好香😍-肉醬意粉就正正常常，有鮮茄亦有好多牛肉碎，一般而言都算中上水平

之前係深水埗食過，味道都唔錯，中環呢間食過兩次，難得寫食評，前日再走去食，加上食午餐，所以順便當食理晚餐，叫咗碟香辣海鮮意粉，香辣炸雞同一杯熱鮮奶咖啡。如果有食過嘅朋友，就知道呢度其實都幾大份，尤其嗰碟意粉，正常應該兩個人先至可以食得曬，炸雞份量ok，咖啡都係ok。味道方面，個人認為意粉偏鹹，掩蓋咗番茄嘅味，令到個意粉失去咗個特色；炸雞幾嫩，唔會太乾，值得推介。另外，之前薯角配上黑松露醬，令到個薯角昇華咗。同理佢哋啲特飲，大家都可以試下。環境雖然狹窄，唔太多枱，但可能我食嗰日冇乜人，坐住喺度慢慢食，聽住餐廳嘅背景音樂都幾寫意~！！XD價錢方便，以成個中環嚟講，一定係最抵嗰間，大件夾抵食，若果中環人做寫字樓，一個人食唔曬可以打包攞走，第二日攞返公司擺入微波爐叮返嚟當午餐食，又可以慳番一餐，唔使專登落去中環等外賣咁辛苦。

這間小店我都幫襯我幾次真心覺得應該會繼續幫襯落去，價錢相對真係好優惠今次又帶咗一個炸芝士球，球士球有拉絲感覺食落去好啱芝士控 ，下次我都會買呢個另外仲叫咗個all day breakfast 全日早餐入邊嘅款式好多好吸引 有炸蝦 有腸仔有煙肉有漢堡 仲有一條龍利柳魚蘑菇，沙律菜。感覺好吸引好fresh令人有煥然一新嘅感覺味道都好吸引好食嘅所以下次會再過嚟幫襯請呢個地理位置好吸引幾多號方便我都會路經再過嚟下次會試吓其他嘢另外個仲有啲特別嘅嘢食好吸引

今個月未到月尾荷包已乾友人提議來這裡食 噱頭是大件夾抵食😂 見餐廳門面肆肆正正 好 一於試試 •本想每人點人意粉 瞥見隔離枱意粉的份量就知到我們點食都唔會食得完改變策略 點了一個pasta一個wrap •香辣海鮮意粉 $52 一上枱就呆了 成座山咁高！不誇張 看看下面的相就知道 好大份！想不到都挺辣兩個吃不得辣的我們點了香辣味😂 味道濃郁 這價錢就不要再說什麼味道層次醬汁的味道 生存的味道 不要求生活的質素😂•香烤鴨胸墨西哥捲餅 $36 捲餅烤得香口 頗厚身鴨胸不過不分背著這店的噱頭 - 大份 嫌太多醬汁了•炸西班牙飯球 $38 反而這個不錯 炸得香口香脆 平時餐廳少見這碟菜值得一試！餐廳環境頗舒服 餐廳簡單明瞭食物果真是大件夾抵食味道就一般般了 反而下次再來的話想試試它的cocktails •As usual, menu for ref

去完大館 隨意行到一個小小門口 入去坐左係bar 枱 望住門口嘩 望到咁的價錢。ok la 平平地。係sogo區 唸住細細碟 再叫杯飲品chill下一黎到除左嘩。 都唸唔到第二個反應連隔離枱都嘩。大家無想過中玾。咁的價錢 咁的份量本身唸住叫飲品都唔好了 怕飲唔落就咁睇。係睇唔出幾大我夾開食。食左三碟已飽死左。食完三碟都仲有咁多 係女呀。係呀。餘下的係入返滿一個盒啊 super 😝 份量就好大，等我評價下佢嘅味道先佢落咗好多新鮮嘅蒜蓉，所以入口係好香好好味而佢嗰個意粉嗰軟硬度適中配合嗰個辣汁係好惹味至於配料方便，佢有啲錢肉仔，八爪魚粒粒，青椒，洋蔥……當然係一分錢一分貨……所以配料比較簡單同埋唔算好多但係個性價比都係非常非常高環境簡簡單單裝修都OK付款方便，佢係落單就要付款……可以現金、八達通、支付寶、甚至乎PayMe，唯獨係唔可以比信用卡

香辣海鮮意粉都有D辣度，個人評價都有小辣既level (以米線一姐為準則）意粉山夠哂分量，價錢又平民，食唔哂仲可以打包聽日做lunch 三個意粉裡面最普通就係蜆肉意粉既，酒味唔特出，蜆肉既數量原本唔係小，但因為意粉太多變得到唔balance 雖然係即叫即炸,但係有小許over cook,就算放咗咁多醬，食落去好乾好硬依條好多間餐廳，邁爵斯地點就喺壁畫牆既斜對面，從藍色牌行樓梯上去就到，門口比較細，小心miss 左個位

星期四同朋友一齊出去食飯諗住晚上喺蘇豪區飲酒，係途經呢一間餐廳我都無諗住喺呢個地方都可以食到咁平 所以呢個食評一定要寫出來我叫咗一個全日早餐 好多嘢食先至係$108我見到都嘆為觀止而我朋友就帶咗一個日本水飼育肉嘅豬鞍扒個豬嘅質地好柔嫩好正啱落去水份好充足 我都未食過咁好食嘅豬鞍😲😲😲之後我哋冇人都upgrade咗 叫咗兩支啤酒 我嗌左一支朱古力味嘅啤酒 係黑啤嚟嘅感覺上都幾清新好重朱古力味 以我朋友就帶咗一支香蕉味嘅啤酒真係勁好飲 香蕉味好濃郁而且感覺好清新總括嚟講下次我會再過嚟幫襯因為價錢真係好優惠而且又食得好開心環境都好舒適好休閒

又到左月尾即糧尾時期，收工吾知食咩就係附近中環覓食，估吾到網上話深水埗超大碟西餐來中環開分店就走來試。優點: 我叫左肉醬意粉， 而dinner並無加價，維持係43蚊，同埋同深水埗一樣超大碟，絕無將貨就價，女士來請考慮2個人share。2. 意粉好 al dente, 肉醬好夠好入味有parmesan and herbs，比出面快餐店好吃3 . 可以用payme比錢缺點: 空間狹小，唯一的侍應哥哥做野就住就住好辛苦，但誰叫土地問題咩。。其實佢仲有其他超過100蚊的burger and whatnot to make up for the cheaper items like what I had, and also the place filled up very quickly, roughly 90% full so the busyness during lunch hour is unimaginable). overall 一定會返來，43蚊有咁高質素的意

係中環食飯, 閒閒地都$100/人,無意中俾我發現而間平靚正好西~兩個人埋單都係$100咋!!🤑真心推介!!!👍🏻👍🏻👍🏻👍🏻你地唔好以為價錢平就唔好食wor..我同男友人叫左香辣海鮮意粉,仲有玫瑰三文魚捲餅~意粉超超超超足料, 捲餅又香脆,真係大件夾抵食!!值得一提既係, 佢碟意粉真係超超超大碟!!我同男友人兩個人都KO唔到個意粉山!!🍝如果你今個月洗大左💸真心推介你去而間平民飯堂食~一定唔會令你失望!!!!👍🏻👍🏻👍🏻

今日同同事去蘇豪區食Lunch. 3人行正常3個午餐share食啦。 但望到隔離枱碟意大利粉係多得驚人， 我估3個人先食得哂。 我地就叫2個餐， 唔夠食先再叫啦 ， 唔浪費食物係美德。 餐牌選擇的食物唔多，分別有意粉， 墨西哥捲餅，漢堡，沙律同小食。是日午餐香辣海鮮意粉和牛芝士漢堡配薯條香辣海鮮意粉， 意粉硬身， 啱哂我口味， 爽口， 香辣度味濃， 非常搶口， 海鮮材料多， 蠔仔肥美， 精彩。和牛芝士漢堡配薯條， 和牛煎到5成熟， 肉汁勁多， 牛味香濃，配菜同醬汁味道清新， 好味。最最最重要係意粉份量極多， 都只係$55. 點可能唔返轉頭呢。