萬利小食店

營業中

休息中

嚟到這家食店，第一樣必試嘅就係豬腸粉，夾帶住一絲絲豉油同芝麻醬嘅香氣飄出，隻腸粉滑到冇朋友，入口即化嘅順滑度，真係叫做一絕 🤤。緊接著嘅就係魚蛋，個中帶陳皮嘅微微苦澀，居然令魚蛋嘅鮮味更突出，食落有陣陣清新感，真係食得出手藝同心思！熱呼呼嘅燒賣，又軟又彈，咬落嘅口感配上微辣嘅醬汁，正中夏日消暑，真係令人一次又一次拎筷子都停唔到手！行過萬利小食店前，經唔住個香味吸引，試咗碗車仔麵，發現身為香港人嘅舌尖竟然可以如此滿足！個車仔麵湯頭鮮甜，再加上啲腩汁同微微辣椒，真係食落正！腸粉同燒賣真係絕配，一邊滑溜嘅口感，一邊彈牙嘅咀嚼，加埋豉油同辣醬，簡直係口味大爆發。再飲口自家做嘅豆漿，清新爽口，幫襯完個人都心情愉快。依家多左個理由，下次經過大埔又要特登去光顧萬利啦！🍜🥢🥟

呢間車仔麵有好多年歷史，而家仲保留住傳統嘅懷舊小食- 豬腸粉、仲有魚蛋同燒賣。姐姐拎住較剪剪腸粉既聲, 感覺好似細個拖住父母喺街頭等車仔檔既外賣咁，腸粉一食入口就融化喺嘴度，每一口都好順滑，加埋豉油、麻醬同甜醬，味道就更加豐富，好香好濃郁，令我一食就停唔低口。呢度既陳皮魚蛋都係一個不可錯過嘅小食，魚蛋外脆內嫩， 陳皮嘅微酸同微苦可以平衡返魚漿嘅鮮味，仲有陣陣既陳皮香，而燒賣亦係另一款令人愛不釋手嘅小食，有咬口唔會有粉漿感覺 ， 同腸粉一齊食，味道互相襯托又開胃。支持地道小店，保留香港嘅傳統味道同香港街頭小食！

A first sip of hot broth is very satisfying. It is sightless salty. Spicy sauce can freely add on the broth. It is very appetising. The noodles has greatly texture with just the right amount of chewiness. The pig intestines are served in appropriate and bite-sized prices. It is slimy and well braised. The chicken wings and chicken tips was not too tough. Good taste!This bowl of noodles was tasty. The price is acceptable. I feel satisfied in this meal. I would highly recommend to everyone.

曾經是大埔區數一數二的車仔麵，可惜今次幫襯發現佢差咗好多，希望只係我一時唔好彩啦。叫了豬皮、魚蛋、豬大腸同牛腩四個餸，麵底就揀了油麵，加埋一罐可樂，五十元正，價錢算唔錯。四個餸之中最唔掂係個牛腩，其實嚴格黎講佢係D牛腩碎，仲有就係D牛腩無以前咁入味。豬皮、魚蛋同豬大腸都唔錯嘅，不過個湯底又係差，佢個湯底好淡，好似溝水咁，呢碗野真心唔合格。

由於十點過後有疫情防控措施，所以叫咗碗車仔麵外賣食。我叫咗一碗蘿蔔、豬大腸、牛柏葉、魚蛋米粉，再另外加多串燒賣食。佢嘅所有嘢都係表現一般，牛柏葉係爽口嗰隻，鍾唔鍾意就見仁見智，我就麻麻哋佢嘅燒賣，因為我覺得有啲粉。

‘’我細細個就識佢架啦～～‘’係，我同係佢同鄉係食到大的車仔麵，一時就食腸粉囉，不過普通腩汁大辣油麵，呢個係我的組合滷水係正，雞奕尖，化骨入哂大腸正常發揮陳皮魚蛋彈牙，係果隻來貨重點之最，佢個秘制辣醬辣得好過癮

大大話話萬利都食左十幾年,到而家都好中意佢地叫野食個風格同埋佢地D車仔麵所以今日去買開野又順便食番碗先入到去枱面係唔會有紙仔比你圈車仔麵而係排隊自己叫.首先叫左個麵先,跟住姐姐煮完之後你就可以行過一步係隔離叫餸.而最後姐姐會問你食唔食辣,食既會裝一羹辣汁比你.今次叫左辣魚旦 鳳爪 豬腸米粉大辣.辣魚旦係陳皮魚旦非常彈牙同夠哂辣(必點之選) 鳳爪燜到好淋身亦好入味 豬腸洗得好乾淨鹵得好夠味.其實最緊要最緊要係佢地個辣汁.個辣汁係佢地自己整家!夠哂辣之餘重要非常惹味,食落去真係停唔到口,每次都要大辣叫佢地整羹大大既比我

今次入左大埔食車仔麵同腸粉，大部分麵底同餸只係8蚊，最少嗌一麵兩餸都係24蚊起，好抵食🤘🏻我嗌左幼麵、牛腩($10)、雞翼尖同魚肉加腩汁，成碗車仔麵都好足料，牛腩(包埋牛筋)同埋雞翼尖(有5隻！)都煮得好軟又入味，魚肉都幾爽。如果鍾意食辣/食得辣既話，記得叫佢個辣醬！另外仲叫左腸粉同埋辣魚蛋，腸粉好滑又夠熱，而呢度既魚蛋係用陳皮魚蛋，好彈牙同好辣呀🥵不過，記得要叫姐姐比熱既腸粉，有時新蒸既可能唔夠熱😉

大埔萬利車仔麵是我童年回憶，在這裏吃了20年腸粉及車仔麵。現在每次返大埔，也會忍不住吃吃萬利的腸粉及車仔麵。雖然腸粉嘅質素有時會比較硬，但係整體而言腸粉也是軟熟，配上香滑自己調製的麻醬，別有一番味道。我多數會配燒賣，腸仔，也可以配其他車仔麵嘅餸。車仔麵是萬利的另一個特色，湯底10分濃，最好加埋腩汁就一流。河粉或者油面也很好味。我多數會點豬大腸，榨菜，魚肉，牛腩，雞全翼，豬紅，蘿蔔等等。基本上佢所有嘅配菜也10分好吃，如果喜歡吃辣的人，強烈推介加沙嗲辣醬。推介可以加點$6嘅豆漿！

呢間係我由細到大都好鍾意食嘅車仔麵😋😋一個月總會去食幾次！雖然環境一般，但都冇阻我去嘅意欲！因為佢嘅秘製辣醬🤪夠香又夠辣呢個味道只有係萬利食得到！而且佢嘅款式選擇好多，價錢又唔貴，只係$8至$10/1個餸，廿幾蚊就已經可以食到，而家仲可以係邊度搵我最常要嘅係豬紅，豬腸，魚肉～大辣！！😋除咗呢幾樣，我仲要推介鳳爪，牛腩，雞翼尖！！全部都係多汁又入味☺️P.s其實我食嘅主角係秘製辣醬！！鍾意食辣嘅朋友一定要去

每次經過大埔，都忍唔住去萬利小食店食碗車仔麵加碟腸粉。車仔麵湯底加腩汁加辣，人間美味。必食豬腸，蘿白。豬腸洗得乾淨鹵得入味，蘿白清甜無渣。其他送亦都好好味，例如鳳爪，雞翼，豬紅，豬肉丸⋯⋯樣樣都好味！有時真係選擇困難呢～腸粉滑溜，醬汁好味，麻醬好香。我會再加條腸仔同串燒賣😋大滿足！差點不記得，仲有$5豆漿都好好味呢。最重要係門口既哥哥同每位店員都熱情有禮，樂於助人，係一間人情味濃濃的小店。希望萬利小食店越來越好！❤️

呢次因為做野遲左番到大中食碗好耐無食既車仔面，相信住大埔既朋友都無食過都會見過呢間小食店，而呢次我要介紹既唔係佢既面底有有幾滑有幾彈，而係我最鐘意佢既沙嗲醬，無論車仔面或腸粉，我都一定會叫姐姐加半勺沙嗲，因為真係辣得好過癮😆講番個面啦，河粉都係普通野，但我覺得比較碎，蘿蔔無渣，但係食唔出清甜味道，豬腸呢次就唔入味，而且湯都唔夠熱，鳯爪就保持水準。平時食既時候熱辣辣配埋佢既沙嗲醬係真係幾令我回味既，但我食評都以呢次既進食體驗而寫，希望下次可以做番正常水準啦！完。

萬利小食店-相信住喺大埔嘅街坊，大部份都一定知道萬利小食店，除咗農曆新年或者特別日子之外，差不多日日都會開門 可以話係我嘅童年回憶，因為我由細食到大，到而家都會不停推介朋友去食！我見大多數嘅食評都係推薦車仔麵居多，咁我今次就介紹我最鍾意佢哋嘅腸粉同埋醬汁啦！有幾條比朋友夾左所以睇落去少咗萬利腸粉滑捋捋，配埋佢哋嘅醬汁係好好食，麻醬係水質啲，但都有芝麻味！仲要係佢地嘅甜醬有種說不出嘅特別！就算係打包，返到屋企啲醬汁都唔會好似其他啲鋪頭咁結撻撻！係萬利食野仲有濃濃嘅人情味！懷舊嘅風格！價錢又唔貴！

晚飯時間來到萬利食車仔麵，車仔麵是自助的，當搵咗位後，就出去自己揀餸，我揀咗米粉加底，燒賣，蘿蔔，雞翼尖。特別想提的是，他的燒賣非常有彈性，一啲都唔差，配上佢嘅自家製XO醬，味道非常香濃，建議一試。

今日難得係大埔出沒，梗係要去萬利幫襯下，萬利車仔麵歷史悠久陪過好多大埔人既成長，相信住係大埔老一輩既居民無人唔識。自己大大話話都有幾年無食，唔知依家變成點呢？餐廳係舊式嗰啲小食店款，店內只有幾張枱，小食店到晚上就會係門口多開幾張木枱。雖然咁多年無幫襯，但估唔到無嘜點加價，一麵兩餸都只係 $24 蚊，價錢真係平到黎哂地。呢度既秘製辣醬幾好食，鐘意食辣既朋友仔可以試下，今次叫咗牛腩豬腸豬紅河粉 ; 豬腸乾淨無異味，而且幾肥美吓，牛腩同豬紅都好正，雖然價錢咁貼地，但麵既份量一啲都唔孤寒，真係可以用平靚正黎形容，另外門口重有腸粉、魚蛋、燒賣、生菜魚肉、碗仔翅果啲賣。