基隆茶餐廳

營業中

休息中

同朋友去咗深水埗做模型交收，諗住搵間餐廳食嘢。已經2:30，所以經過呢間餐廳就入咗去食。要了米粉因為怕肥。朋友就食咗日式餃子，侍應好好專登俾咗啲辣椒醬。佢話一定要辣椒醬先好味嘅，但係我朋友又唔食辣。但係最後都點咗一啲試試，都幾好味。我就要咗茶餐廳通常都會有嘅熱杏霜。其實佢哋餐廳餐牌上面有好多好多嘢食下午茶種類都好多。不過可惜佢嘅座位比較少，同埋佢哋嘅四人長枱呢其實係兩張正方形的枱拍埋一齊。 不過算啦，呢啲係佢嘅獨有風格。我哋食飯之前呢洗吓啲刀叉就ok了。不過最緊要都係呢，佢的價錢適中，食嘢OK。都可以介紹俾大家。

上網見到好多食評介紹，心諗天氣凍不如食佢呢間個羊腩煲。。。 我當天下午3點打電話預訂夜晚6點鐘外賣拎，俾足夠時間佢準備。 訂咗個細煲，佢話預兩至三個人食 $238 + $2 外賣盒。 去到拎外賣嗰時已經覺得伏伏地。外賣盒有2個，一個係譚仔兩餸米線咁大嘅膠碗，另一個係迷你叉燒飯嘅長方形盒。 當時心諗，膠盒裝湯，長方形盒裝餸及羊肉。 拎到返屋企嗰時，打開個袋，原來個長方形盒係放生菜，個兩餸麵膠碗係羊腩煲嘅全部。結果我用咗平時淥公仔麵嘅細煲都裝得曬。 成個煲都係得6嚿羊肉，仲要唔係件件羊腩。 問心我自己都唔係好有要求，諗住求其同老婆食一餐。結果我哋要係雪櫃加餸煲，先夠兩個人食。 羊腩煲味道：濃味，幾野味，不過又真係唔係特別，純粹係叫有個腐乳醬，同有冬菇馬蹄。失望，唔會再食！

20230624 午餐。抵食。$46/ 焗鷄皇飯 +2/ 凍檸檬茶扮焗飯, 飯微暖$44/ 蔥油炸乾豬排飯 +2/ 凍齋啡翻炸又炸豬排太乾。6件散件有2件骨超多油, 冇蔥味, 飯微暖飲品ok... 冷氣ok...坐位狹窄。指定坐位安排。抵食。份量一般。同塲見到 蒸鯇魚飯賣相吸引。如果再去會試試

一直都知道基隆茶餐廳為區內基層市民做了很多事情，估唔到食物除了價錢抵之外，食飯仲好高質素。星期六早上，食客唔多。早餐選擇都幾多。雞扒煎得香脆，香口又好味。菠蘿包烘很脆脆的。沙爹牛肉好淋，沒有筋，味道入味又掛汁。奶茶茶香奶滑，高質。食完好飽好滿足，午餐都不用食。

今年終於嘗試到一人盆菜！不要少看盆仔細細！內裏款式很多：眼看有鮑魚、髮菜炆蠔豉、海參、冬菇、 蝦、雞、鴨、芋頭炆腩肉、魚蛋、菜、豬皮、蘿白等！好滿足的一人盆菜👍後記：盆菜跟盒細南乳汁（忘記影）！ 味道可因自己喜歡再加減！

food is ok, price is ok, taste is ok.u cant expect too much from them. they help a lot poor people, free giving away food to poor hk people everyday. they earn money and pay back the society.respect🫡 if u tell me im a fighter to this resto. yes i am.#food #likes #delicious #sweet #bhfyp #vegan #dinner #breakfast #cake #homemade #healthyfood #lunch #foodstagram #healthylifestyle #yum #foodphotography #dessert #foodblogger #foodlover #omicron #foodig #hkfoodpoet #閃電五連鞭

我一向很喜歡試試不同的冰室，今天來到基隆茶餐廳。 這間茶餐廳有兩間店， 一間在九龍界限街太子地鐵站d出口 ，另一間在九龍北河街深水埗地鐵站A1出口 。這間是一間古色古香嘅舊式茶餐廳，前身係由一間當舖改建而成 ，裏面有用深啡色砌成嘅磚牆，頗有特色。在那裏享用了一個蕃茄牛肉湯麵餐，個湯底好似落了許多隻蕃茄下去淆製出來的湯，番茄味濃郁。跟着送上一份火腿奄列加牛油方包，分量很滿足。最後飲埋杯色香味俱全濃郁的咖啡，大滿足。

"🇭🇰基隆茶餐厅•ᴥ• 公司三文治 果仁紅莓乳酪 檸檬茶==============================公司三文治🥪牛油烘底火腿 蛋皮 蕃茄 生菜麵包上放有火腿 芝士 生菜 加上沙律醬 另一層麵包上放有蛋 蕃茄 火腿兩層用4支竹籤固定==============================性比价超高强力推荐==============================基隆茶餐厅深水埗北河街141号地舖

今日路經深水埗， 突然諗起 良心小店 基隆茶餐廳， 見係附近就去睇下。 正直午飯時間， 多人要等， 我就行開下睇野先。 再返去2點幾， 有位。 就試下佢了。下午茶， 叫左個 叉燒蝦仁炒蛋飯， 連凍飲$42.因為下午茶， 我預左係細份唔少。 收到貨， 樣係細D 的。 食埋飲埋杯野飲， 又剛好飽叉燒蝦仁炒蛋飯叉燒淋易咬， 蝦仁係爽口， 炒蛋有微微燶， O滿意的。 凍檸茶， 正常一杯。個人覺得可以再次幫襯。

🍜豬扒芝士撈丁豬扒比起一般茶記大塊好多長過部iphone 13 pro呀！咬落肉質軟稔煎得香口，好正💕而芝士汁質地比較稠身微微咸香個人覺得芝士味唔夠濃郁喔🧀🧋手沖凍樽仔奶茶入口順滑，茶味香濃啱晒我口味❣️

之前已經好想食晚市小菜，終於有機會啦！叫咗個 蜜豆野菌炒龍躉球+蜜餞欖角金沙骨2款都好好食，雖然盒 #龍躉球 呢, 豆就多過魚，但D 菇炒到入晒味，好好食~#金沙骨 明顯走過油，甜甜地又多肉，其實都唔差例湯係花生雞腳湯，不過個湯就真係好例湯底，但勝在舊雞腳煲到膠質好重，好好食~整體都好有大排檔感覺，個白飯🍚比較挺身，男朋友就麻麻地。仲聞到好香好有鑊氣，真係好正！--#基隆茶餐廳 #茶餐廳 #港式 #深水埗 #深水埗美食 #外賣 #生活 #良心餐廳 #良心小店 #hkfoodie #hkfoodblogger #hkfoodblog #相機食先 #香港 #食好西 #美食 #手機食先 #hkfoodiegram

夏日炎炎去深水埗尋寶，行行下竟然見到著名的基隆茶餐廳！見到門面都新淨，亦都比一般茶餐廳乾淨企理，於是就入左去試下常餐分別叫左沙嗲牛肉同蕃茄牛肉，連埋奄列、多士同飲品 ($44)。牛肉數量都幾多，值得一提蕃茄湯超多料，雜菜多到好似飲緊羅宋湯咁👍🏻 奄列多士就發揮正常，可以一試。

返工前諗住去食個早餐，8:52分已經坐低左嗌野，隔離遲過我入來都有得食，跟住我仲特登問個侍應有冇幫我落單可唔可以快少少，個侍應實牙實齒話有。等左二十分鐘另一個侍應行過來問(你哋係咪食沙嗲牛？)我話(係，你哋有冇落單?)佢竟然答我(依家幫你落單，係咪好趕啊？)我話(少少)佢即刻同我講(咁你下次再幫襯啦。)跟住個侍應就行開左，成個過程一句唔好意思都冇，自己伙計漏寫左單仲咁巴閉，仲好意思講下次幫襯，再冇下次。

昨晚市幫襯，点左翠玉瓜抄龍躉球，嚕肉+例湯。整體水準不俗。雖室內座位锢 擠迫，但都算整潔光亮。最喜愛非其食物，反而它的麻石牆，看到它的手工及歷史。至於它負責人Cat姐被讚的善舉，是值得再試

好耐之前見到基隆話告急，隔咗一段時間先去幫襯，隔咗一段時間先出Po😂 (懶人界代表🫡) 因為個日起咗身冇幾耐，唔係好肚餓，所以我就嗌咗小食，🐡就食飯💛霸王雞 ($47)原諒我哋孤陋寡聞，上網Search先知霸王雞=蔥油雞🐔 ，個汁幾香，佢嘅豉油味甜甜地😋 雞肉幾滑，佢個份量都好多😱 跟餐湯，不過我哋加咗$2轉凍檸茶🍋💛芝士漢堡飽 ($24)比萬年冇食嘅老麥誤導，以為個係圓形嘅漢堡包😂 點知係熱狗樣🌭️ 佢個包有烘底，食落脆脆地😙 入面都足料👍🏻 💛炸中翼4隻 ($22)某一兩個位置較多炸粉，所以難咬啲🙀 同埋隻雞翼入面食落冇乜味🤔 唔知係午餐時段未Ready好定點，但係我覺得都係主食好食啲🤣💛紅豆冰 ($24)味道同普通嘅一樣，只係支飲管少幼，完全飲唔到紅豆🫘 所以全程都淨係分開飲😵‍💫