老馮茶居 (海寶花園)

上茶樓嘆 #一盅兩件，可唯 #小秘書 一個童年回憶😙 仲記得小時候，老竇每次帶我同哥哥去到茶樓，都會叫一籠 #蝦餃 加一籠 #燒賣 比我哋做 #茶點 … 久而久之 #食點心 同 #嘆茶 已經變成我哋嘅習慣😉 不過現今嘅社會，的確未必人人可以負擔得到「慢慢嘆」呢種生活節奏💗 生意人就可能睇中呢點，#點心店 應運而生！呢日行完 #慈山寺，順路走到嚟「老馮茶居 」大埔分店朝聖 🤩 原址喺元朗嘅「老馮」裝飾得幾特別，加上試過佢哋 #點心師傅 嘅手勢，簡直可以媲美大酒樓嘅水準🙏🏻 連早餐同晏晝都未食嘅我，一氣呵成點咗好幾個點心，點知隔籬嗰個仲話要加籠 #流沙芋麻包 先至夠完美🤩 先上枱嘅係 #蔥花蝦米腸，#腸粉 好滑身，入口感到粒粒蝦米肉，好惹味🤤 唯獨美中不足嘅係食物溫度唔夠熱，有些少扣分😅 再嚟嘅仲有 #咖喱魷魚、#薑蔥牛柏葉、#鮮竹卷、#蝦餃、#糯米雞 … 樣樣都係即叫即蒸，熱辣辣好好味🤤 不得不提仲有佢哋嘅 #流心芋泥包 🤤 芋蓉咬落去好香好軟滑，非常有驚喜🤤 唯一我覺得麻麻哋嘅係佢哋嘅 #鵪鶉蛋燒賣，用嚟包燒賣嘅豬肉好大浸雪味😓 而且我哋個座位比較接近大水煲嘅位置，周不時都會聞到一陣怪

📍老馮茶居元朗 大埔 荃灣都有分店😆有多款老馮招牌懷舊點心推介古法千層糕因為整法好繁複，好多地方都食唔到呢個食落好鬆化，仲好有鹹蛋黃香味👍🏻金牌炸芋角用芋泥炸成外皮，外表酥脆，內在鹹香👍🏻唔同一般鹹水角，都係好多地方食唔到蝦醬腩仔飯唔知係咪用本地蝦醬呢？屋企有時都會煮下蝦醬炒菜，但係出面就好少食到蝦醬用五花肉切片，再用蝦醬醃肉，超級好送飯！呢個砵仔飯仲要粒粒分明👍🏻出色老馮流沙芋泥包好香芋泥味，仲要熱辣辣食係有流心效果！

今日飲茶😎！今日唔想去一般酒樓，一個人就一於去老馮茶居啦，🤣一般酒樓嘅點心都係由工廠製造，或者係大陸做好送落嚟香港，未必係最新鮮，但老馮嘅點心除咗有特色之外，味道同口感都好好而且份量好足！！！呢間野座位唔算多，通常都要等一陣先入到去，佢啲點心都幾多選擇，價錢都唔算貴，五六個點心埋單都係百零蚊😎好經濟實惠今日就只係食左蝦餃同叉燒包，蝦餃好大隻，皮又簿，好鮮味，同埋一定要配埋佢個辣油，好好食！！！📌老馮茶居🍽️大埔安慈路1號海寶花園地下14號舖

終於試到呢一間成日排隊嘅小店，啲點心好好食唔怪得知長期都要排隊啦，叫咗八個點心全部都唔錯。鯪魚球冇聲未難得難得。鵪鶉蛋燒賣最勁係粒鵪鶉蛋冇噏味，雖然出面唔係好多地方食到鵪鶉蛋燒賣，但係印象中食親都係有浸噏味嘅。牛肉球冇乜肥肉又係好難得。潮州粉果一籠有三件呢個真係好食，出面啲潮州粉果塊皮成日都係一pat pat，呢度就唔會，同埋呢度潮州粉果入面啲餡好新鮮好好食，沙葛同花生都正。炸芋角反而就一般，可能唔夠熱。鮮蝦腐皮卷發腐皮炸得好脆，腐皮卷入面嘅餡料亦都好新鮮。香滑米黃腸其實真係齋腸，好好食，好滑。叉燒包啲餡好靚，有叉燒肉而唔係叉燒醬。

近來有朋友帶我到大埔 嘅老馮茶居、一試那個美食已經愛上佢 鮮蝦米皇卷 咬落去脆仆仆、配上特別醬汁、非常深刻、好味!!Recently, a friend took me to Tai Po. Lao Feng Chaju. I fell in love with the delicious food. Fresh shrimp rice imperial roll. I bite off the crispy servant, with special sauce, very deep and delicious!!

同家人去開大埔，網上見到老馮茶居裝修好特別😆所以知道要等位，都照去食，有心理準備之下等⋯好彩都唔算等太耐⋯🙈店舖裝修行懷舊風，有好多小時候見到嘅屋邨景同兒時小玩意，同行有小朋友，又可以講解下係咩玩意嚟😂✧老馮鮮蝦餃✧ $𝟹𝟹蝦餃皮薄，蝦好爽口，好食😋✧魷香肉餅飯✧土魷味好香，唔錯😊✧沙嗲豬大腸✧第一次見😆豬大腸索晒啲汁，好好味😆✧古法千層糕✧ $𝟸𝟼一層係鹹蛋黃一層係椰絲，好特別👍🏻✧蝦醬蒸腩仔飯✧ $𝟺𝟸蝦醬味好香! 同腩肉好夾，送飯一流😍✧蜆介鯪魚球✧ $𝟸8熱辣辣夠彈牙!👍🏻✧薑汁桂圓紅棗糕✧ $𝟸𝟸好香紅棗味，薑味十足😍我鍾意😆✧流沙芋泥包✧爆醬芋泥包，濃濃嘅芋頭味! 家中老人家好欣賞😍下次再去其他分店試下其他👍🏻

實在很久沒去過大埔了，這一天中午來到，碰巧看見這間在元朗薄有名氣的「老馮茶居」分店，店內滿是茶客，外面也有不少人在等位，心想這裡的點心應該不錯吧！但剛已吃過午餐的我也不以為意，便隨即離開。到了下午接近黃昏時段，我又再次經過這點心店，這時正是下午茶與晚餐之間的時分，店內人潮已散，只得三兩檯客人正在用餐，既然不用等位，我與太太又已經有點肚餓，便入內吃過早吃的晚餐。店舖環境是頗有gimmick的，兩面牆上都佈置成傳統的香港舊式舖頭模樣，令人感覺到有點回到昔日老香港的時候，讓人可以懷舊一番。「古法千層糕」（$26）是最讚的。這道老馮招牌懷舊點心，店家說是限量供應的，不過這天我差不多黃昏才來幫襯，就仍然有得吃。這以冰肉、鹹蛋黃、糖冬瓜等食材層層堆砌而成，面層再下了椰絲，手工繁複的老派甜點，味道複雜有層次，甜中帶鹹，口感鬆軟可喜，我實在很久很久沒吃過了，這天再嚐，份外回味。「蟲草花燉雞湯」（$42）還不錯，湯味都算清甜。已經愈來愈少見到的鴨腳紥下了柚皮和鮑汁變成的「鮑汁柚皮鴨腳紥」（$30）輕易地取代了我一向喜歡的雞紥，成為這天繼「古法千層糕」後我另一道點選的懷舊點心。可惜這鴨腳紥的好吃度未如我的

我個人本身比較古舊，所以有朋友介紹我黎呢個茶樓!星期6日有時間都有去酒樓食下午茶，係茶記地方就比較少一開門就比佢店既裝修吸引住，似記錄80年代既香港風情，如果坐卡位的話，牆身有好多古舊飾品可以睇落單係有塊膠牌比你自己剔食物，都幾環保等左10分鐘左右就繼續送上食物啦~~每碟都係新鮮整，好有温度架!特別推介芋泥包，咖喱魷魚同埋XO醬蘿蔔糕!芋泥包一開係爆漿，要小心燙口同埋我發現荃灣店得2粒包，大埔店有3粒! 值得一讚係佢耐唔耐會轉下menu加入d新產品

今日去到大埔又想飲茶，我就諗起老馮茶居，星期六晏晝到大埔分店，門口好多人等位，等左一陣位可以入去食。呢間老馮茶居質素係水準之上，每樣點心都好好食。蝦餃 $33蝦餃比一般大，蝦餃明顯飽滿又大粒老馮流沙芋泥包$28滿滿芋泥，仲係流心嘅，唔會太甜，鍾意食芋泥嘅我食完覺得好滿足。咖喱魷魚$32魷魚非常入味，爽口彈牙下次再嚟一定會叫佢薑汁桂圓紅棗糕$22養生甜品，必嗌，唔會太甜📍老馮茶居大埔安慈路1號海寶花園14號地舖

難得去到大埔發現都幾多嘢食，有日本嘢西餐邊爐放題等等，有機會都可以入大埔發掘吓美食今次喺大埔食晚飯，入面都好多人要等幾張枱環境方面地方比較狹窄，同埋繁忙時間限定你要一次過落單，感覺食得比較急（因為我哋張枱比較窄）因為胃口麻麻，叫咗少少嘢食個燉湯熱辣辣又足料，感覺好補身冇胃口嗰陣飲幾啖湯就最啱叉燒腸係每次飲茶都會叫嘅食物入邊叉燒都幾足料咖喱魷魚非常入味，而且爽口下次再嚟一定會叫佢最後加多個甜點馬拉糕甜度適中，咁就圓滿夜晚嘅飲茶🥰🥰🥰

.#foodie #hk #hkfoodie #HTB美食推介【大埔懷舊新式茶居｜一次性落單嗌點心☕️】🐨黑椒牛仔骨飯 $48推薦度：⭐️⭐️⭐️⭐️黑椒牛仔骨煮到好腍，唔會好韌，黑椒味都好濃～飯都好食，煮到好乾身粒粒分明😽.🐨老馮金沙米皇腸 $36推薦度：⭐️⭐️⭐️⭐️腸粉蒸得好滑溜，入邊金沙米脆脆地好有咬口，而且蝦都好彈牙🦷👅.🐨片香馬拉糕 $18推薦度：⭐️⭐️⭐️馬拉糕蒸到好鬆軟唔會好濕，蔗糖味都好出～.🐨 XO醬蘿蔔糕 $28推薦度：⭐️⭐️⭐️煎到蘿蔔糕啱啱好外脆內軟，XO醬微辣，配埋蘿蔔糕食可以帶出鮮味👍🏻.🐨古法千層糕 $26推薦度：⭐️⭐️⭐️⭐️見佢好多廣告四圍貼，所以試下，小編第一次食覺得好特別😮奶黃鹹蛋黃夾心，咬落去粉粉地，少少鹹少少甜咁😂😂-----☼-----☼-----☼-----☼-----☼-----老馮茶居📍地址：大埔安慈路1號海寶花園14號地舖(分店)地址：元朗大棠路66號地舖(分店)地址：荃灣眾安街68號荃灣千色匯ll期地下G30-G33號舖🐨推薦度：😋😋😋😋/5 💰人均價格：$100-200🪸環境：👾👾👾👾🗣️服務：👍🏻👍🏻📸食物打卡度：💡🛠️分類：#HTB大埔 #HTB港式 #HT

今日休息在家中無聊遊車河，路過大埔，見到呢間茶居裝修懷舊，便入去試吓！因為只有一個人，所以只點咗幾樣招牌點心試試！1）手拉古法腸入口軟滑！正 ！不愧係招牌點心！冇得彈！2）蜆介鯪魚球鬆化彈牙！3）蟹籽燒賣皇一試就係兒時去中式茶居的味道！裝修有特色，食物有質素，可惜一個人不能點太多，留番下次再來吧！這間茶居值得再來！

【大埔區】【老馮茶居】過到嚟大埔，呢區一向都人傑地靈，食肆多得嚟質素都可以。因此適逢過開嚟呢邊睇醫生，就去埋食嘢。呢排我食嘅嘢都係冇乜得揀，攪到我揀起嘢食上嚟都好似有功能障礙咁，不過我好在自動篩走大集團，好好多喇。而茶餐廳我嗰排又唔係話好想食之下，見到呢間食點心嘅好似有位，就貢咗入去。調咗個卡位嚟坐先發現隔離枱條友有陣怪味，費事煩唯有坐過啲。出嚟飲茶就梗係揀飲咩茶先，我就好簡單，老奉實係飲壽眉架喇，唔使煩。叫咗幾樣點心，首先係 $18 嘅「金牌炸芋角」，好少地方食到喇而家，佢都整得唔錯。之後 $28 嘅「老馮流沙芋泥包」寫到好似招牌菜咁又點？啲流沙都唔流出嚟嘅，把鬼咩。食落又唔係話好好食，又唔流沙，實冇下次。之後 $30 嘅「鮑汁柚皮鴨腳扎」，有柚皮嘅我都係第一次食，效果唔差。見到 $33 嘅「老馮小籠包」上面啲錫紙兜就嬲，好彩冇穿皮。然而，唔知點解係不設茶錢同加一架喎，就咁四個點心收我 $109，吖又嬲佢唔落喎咁。。。（地址：大埔安慈路 1 號海寶花園 14 號地舖）#1amfoodie #foodie #hkfoodie #thatfoodiething #hkfood #food

聽朋友推介成日話好食，又要排隊！忍唔住去試吓啦終於！點知一試難忘～仲愛上左！可惜得幾間分店，將軍澳人入去食好遠不過一次半次入去食都值得嘅同埋佢飲中茶得黎又有西茶飲 都幾得意喔首先講吓環境，裝修懷舊風 幾靚 不過坐位太窄太細，同埋啲牆好dirty 一睇就知無人清潔過，枱枱凳凳都唔太乾淨講食物係好食嘅！所有野都熱辣辣出黎，最欣賞係佢個XO蘿蔔糕！脆卜卜 真正外脆內軟好正 好想再食喔 第二讚嘅係蝦醬腩肉飯 啲蝦醬味剛剛好 唔會太咸 食落去咸香味好正 真係送飯一流 第三讚吓佢啲茶 我哋叫左香片 平時出面飲嘅香片有時會苦澀，但佢啲香片一啲都唔苦唔澀，仲好清香 搞到我飲左勁多茶 哈

💪🏻 老馮金沙米皇腸粉($36)腸粉係蝦腸中間夾左炸脆米，腸粉皮夠滑身，蝦亦都大大隻，十分彈牙！而中間嘅脆米仍然保持脆身，同腸粉皮一軟一脆嘅口感好過癮😋💪🏻 老馮鮮蝦餃、鵪鶉蛋燒賣皇、古法牛肉球($33、$30、$25)蝦餃亦都係大大隻蝦，蝦肉彈牙，餃皮煙靭🤤 鵪鶉蛋燒賣亦都好大粒，肉質實淨味道不錯，燒賣皮亦夠乾身！但鵪鶉蛋可能蒸得太耐，較老及鞋口。牛肉球彈牙，有咬口，調味適中，冇好重芫荽味！💪🏻 片香馬拉糕($18)馬拉糕非常鬆軟，而且有好香嘅蔗糖味道，好好食🤤馬拉糕都蒸得夠乾身，糕身唔會濕漉漉。💪🏻 XO醬蘿白糕、老馮咸水角($28、$18)蘿白糕炸得好脆身，本身蘿白糕都好足料。但XO醬只係放左係蘿白糕上邊，而且份量不多，同埋XO醬都炸得好乾，未必撈得到蘿白糕。咸水角炸得香脆，餡料非常充足，有大量肉碎！💪🏻 八珍糯米雞($28)糯米煙靭，餡料都非常充足，有大大粒咸蛋、臘腸、雞肉等。味道：8/10性價比：7.5/10 食住瘦指數：💪🏻💪🏻/5