KURI Cafe

營業中

休息中

第一次黎呢度吃野…..服務態度幾好😊～～意粉🍝披薩🍕味道都可以～～坐得都好舒服～～😌咖啡刺蝟個樣好cute～～甜品蛋糕仲畫左笑臉好可愛🫰下次可以再黎～

呢間九龍灣嘅Cafe已經食過好多次，坐得好舒服，嘢食都保持到高質素價錢又唔貴，而家網上訂座仲有九折優惠優惠添！真係要大力推廣希望小店撐得住唔好執笠🥹🥗田園沙律 (8/10)沙律都好有心思，有藍莓士多啤梨青瓜，配咗酸酸哋嘅醋汁，非常開胃，$68一啲都唔求其！🍝忌廉雞肉野菌意粉 $68 (8.5/10)冇諗過份量咁多，好似多過以前！食落去真係食到忌廉嘅香味，仲有三色椒雜菌同埋雞肉粒，仲有得加芝士粉，真心係好食，拍得住百幾蚊蚊嘅質素！☕️泡沫咖啡 $5 (7.5/10)咖啡味道就比較淡少少，不過奶泡都打得幾唔錯，仲有可愛嘅刺蝟仔！🍰藍莓芝士蛋糕 $28 (7.5/10)冇諗過藍莓蛋糕係藍莓醬蛋糕🤣擺盤都幾靚，不過芝士味都係有少少唔算好香濃，不過平平哋食吓都唔錯嘅！推薦指數: 8.5/10大家去九龍灣真係可以試吓呢間Cafe，記得網上訂座有九折優惠，可惜高質又抵食，真係一定要去試，服務態度都唔錯，支持小店，希望佢一直做落去唔好執笠🥹

Intro: 呢一日夜晚就去左九龍灣嘅得寶商場搵食，見到一間用刺蝟做主題嘅西餐廳，座位都多；餐廳就比較open area，但環境都唔錯；呢次就揀左意粉同意大利飯～ ___________________🍽 蟹肉意大利飯伴火炙吞拿魚💰 128 ⭐️7/10✍🏻 意大利飯就偏硬，可能煮嘅火候太大，以致啲汁收晒，但飯心完全未熟透；✍🏻 火炙吞拿魚有六塊，都幾厚肉，不過口感同味道就麻麻，帶點鹹味；✍🏻 芝士同意大利飯嘅配搭麻麻哋，仲好似唔係好夾火炙吞拿魚。🍽 青醬大蝦意粉💰 78 ⭐️7.5/10✍🏻 意粉嘅口感偏硬，如果煮耐少少收汁效果更佳；✍🏻 青醬味十分足夠，好夾蝦嘅味道；✍🏻 蝦就有三至四大粒，唔會食到咁多雪味，仲幾彈牙，不過就冇咁新鮮；🍹 泡沫鮮奶💰 加配 + 12 ⭐️6/10✍🏻 本身睇完人哋嘅食評有刺蝟嘅圖案唧上去，但最後冇真係有啲失望，打卡冇咁靚；✍🏻 其實就係先喺上面放一層打咗泡嘅鮮奶，不過奶味就偏淡，味道正正常常。___________________🏠 kuri cafe📍 九龍灣牛頭角道3號得寶商場地下T104A號舖⭐️ 7/10___________________

之前都推介過呢間九龍灣嘅Cafe，位置雖然唔算好就腳，但勝在非常高嘅性價比，過咗牌冇去見到佢換咗Menu，全日餐$68去到$140不等，送埋沙律或湯，嘢飲，真係抵到不得了，仲要可以任坐。個人感覺好似換咗廚師同之前煮嘅味道唔太一樣🤔🥗沙律 (7.5/10)冇諗過咁大份，蕃茄仔，藍莓，士多啤梨，梨，好新鮮爽口，開咗個酸酸地嘅醋汁，好開胃。🍴特色卡邦尼意粉 $78 (7.5/10)意粉比較幼身，份量都好足，比較偏鹹香，冇咩忌廉味，但有少少蛋味，煙肉好鹹香有少少雜菌，好在店舖有得加芝士粉加完之後就香濃好多，OK嘅。☕️鮮奶咖啡 +$12 (7/10)咖啡味好香濃，入口偏苦，冇咩奶香，下次可以試吓多奶，但都ok嘅！推薦指數: 8/10真心$100唔使又唔收加一，可以食到有質素嘅意粉沙律同埋嘢飲，真係冇得頂，可能係九龍灣最抵食又坐得耐嘅Cafe。

.經過呢間cafe幾次都冇入過去，今次過開黎就去食個tea，周末未算好多人，即刻有位幾好😄▫️慢煮雞絲千島醬熱狗 ($48)配Coconut latte (+$12）熱狗包好鬆軟，雞絲份量都幾多，因為慢煮食落幾嫩唔鞋口，有千島醬、蕃茄、生菜，好豐富，味道亦正常發揮。Coconut latte幾好飲，聞到幾香椰子味，咖啡奶味會重啲，有小刺蝟既朱古力粉裝飾幾得意。▫️迷你墨西哥烤雞餅 ($48)配Twinings Jasmin tea即叫即整熱焫焫，同正宗既墨西哥烤餅唔同，呢到既餡料只有雞肉同芝士，點茄汁同酸忌廉醬，如果有洋蔥辣蕃茄粒就更加好食。不過佢既烤餅都幾好食，食到芝士可以拉絲，好香口，餅底都好脆。茉莉花茶係twinings既茶包，唔錯的👍🏼

食物質素好，價錢合理，我同朋友食甜品慶祝佢生日，我吾知間店有得寫字，所以無request,間店員見到我地自己諗住插蠟燭，就問我哋係咪慶祝生日，然後主動幫我們即場寫字，超有心👍🏻👍🏻值得一讚👍🏻👍🏻服務態度一流❤️❤️❤️❤️希望老闆嘉許那位員工～很喜歡這間店👍🏻👍🏻

位於九龍灣得寶的刺蝟主題cafe是間價錢親民自助形式的小店下午茶$48-$58除了免費飲品外加$10就可轉咖啡或其他飲品蟹肉牛油果開放式多士$48這個份量下午茶來說實在豐富四至五片牛油果加上大量蟹肉配合蕃茄和沙律菜非常健康多士烤得香脆又不會太燶加$14有Iced mocha煙三文魚碎蛋牛角包$48牛角包層層酥脆大大塊三文魚和碎蛋即叫即製凡是熱飲都有刺蝟公仔拉花呢不喝咖啡也可以選擇泡沫鮮奶或特濃朱古力可惜現在已沒有了刺蝟店長坐陣聽說以前還可報名學習照顧刺蝟的技巧難怪可以在商場多年仍屹立不倒

呢間餐廳平時好多街坊食，位置比較偏僻啲，唔係好多人發現到，佢個Menu全日係一樣價錢，夜晚食會好高性價比！佢係自助落單形式，坐幾耐冇限時，真係可以慢慢傾偈😆🍴 蒜香蟹肉意粉 $78 (8/10)份量適中，有蘑菇蕃茄蟹肉紅椒，意粉彈牙，蟹肉都算多，好香濃蒜味，再加咗少少茄汁調味，香濃得嚟幾清新！真心好食😋☕️ cappuccino +$10 (7.5/10)隻刺蝟真係好得意🤩真係打到卡，鮮奶奶泡好滑，有奶香，咖啡味都幾香，未算好濃，帶少少微苦，都唔錯！推薦指數: 8/10寶藏收埋好耐嘅餐廳，真心高性價比又好食，希望下次去唔使排隊，私心分享😆

朋友好推介這一間刺蝟仔Cafe。Cafe在寶商場入面，裝修好簡單日系，感覺舒服。大大隻刺蝟仔公仔在門口。餐牌簡單，由中午12點至晚上9點。蒜香蟹肉意粉 $78賣相不錯，意粉煙靭，蟹肉頗多，蒜香味很濃郁。去Cafe可以唔飲咖啡，加$12 特色咖啡榛子咖啡☕️ ：奶泡上有一隻可愛的小刺蝟，榛子味道濃郁，稍為有少少甜，蓋過了咖啡的味道。泡沫咖啡☕️ ：奶泡打得很綿，咖啡味相對比較特出。中午12點多， Cafe不是太多人，客人可以好休閒地慢慢食，食完需要自助式收拾餐具🍴，Cafe食物質素唔錯，小店更加值得支持。

This beautiful and lovely coffee ❤️ looks great. It's smooth and tastes good!香港唯一一間以刺蝟為主題的餐廳上年更獲得衛生署頒發星級有營食肆精美的咖啡上有公司的主題：刺蝟10min before... I was having this salad...藜麥牛油果沙律 配 自家製果醋 HK$68.0010min later... OMG!!! 實在太好味啦！Next, these are the lunch sets...蒜香蟹肉意粉 配 熱英式早餐茶 HK$78.00紅酒汁配牛肋條扁意粉 HK$100.00牛油果蟹肉沙律厚多士 HK$58.00忌廉汁慢煮雞肉燴意粉 HK$68.00此店主要是以自助形式運作，食飽後，記得把餐具自行放回放銀旁的回收區！咁你就叻啦

Good quality food with reasonable price. The strawberry milk is a surprise which is unexpectedly delicious.

好耐無過黎食野，轉左新menu叫左忌廉野菌意大利粉，佢哋員工姐姐話優惠免費加黑松露，勁鐘意仲有香辣大蝦蜆肉意粉，好惹味，我本人推薦呢個🥰🥰🥰雞翼優惠$28有4隻，抵食仲有呢排出左湯，又係優惠$28就有，今日有羅宋湯同埋野菌忌廉湯，今次試左野菌湯，飲得出係自家製唔係金寶湯🤣，好味今次太飽，未試佢哋最新嘅自家製甜品，有心太軟同焦糖燉蛋，吸引，下次再試🤘🏼加左少少價不過味道依然高水準，我哋會繼續支持😎

2022-11-19獨自去偷食😝自己一支公去咗KURI Cafe食晏😋餐廳係商場地下🥳有隻刺蝟公仔係門口🦔星期六中午時段，無乜人客🕵️‍♀️自助一條龍點餐，揀位，拎餐，食完放去回收區☺️我點了，蒜香蟹肉意粉，78蚊碟，賣相好有心機擺得好靚，足料嘅蟹肉意粉，配料有洋蔥，黃椒粒，香菇，蟹肉，蒜蓉，蕃茄粒，意粉面鋪上大量蒜蓉，有超香蒜蓉味，加上蟹肉份量好多，每啖意粉都食到有蟹肉，味道幾好🍝😋凍特濃朱古力，跟餐加12蚊杯，好濃嘅朱古力香味，加上口感好順滑，抵加🍫👍🏻整體環境坐得幾舒服😌服務全程自助，自己一手包辦👍🏻味道幾好，份量正常，會再幫襯KURI Cafe 試吓其他食物🍝🦔😌#KURICafe#蒜香蟹肉意粉#凍特濃朱古力

Kuri Cafe我每星期都會去食一次，最愛蟹肉意粉加三文魚加熱咖啡。今個星期連續兩日去食下午茶，因為雞肉墨西哥烤餅實在太好食，今日仲有可愛外甥女陪食。意式奶凍不過不失，單點要38元以街坊角度覺得略貴咗少少，如果跟餐加28元，或且出個甜品餐跟飲品會更有競爭力。下午茶跟餐花茶包可無限添加熱水，唔好浪費咗個茶包啊！希望住附近的街坊多多支持呢間Cafe，見最近都有幾間非連鎖式食店關門，真係有D擔心呢間小店。

住係呢區一段時間，經過好多次，但因為每次經過見餐廳唔係好多人，所以唔敢去試。但網上見評價都ok，所以試吓啦先講下蒜蓉蟹肉意粉先，我好少係出面餐廳見到呢個，所以吸引我叫左。的確幾好食👌🏻不過可能我重口味少少，我落左好多芝士粉都覺淡口😅另一個係一口豚青蘋果焗飯，呢個都係好特別，而且好好食，味道一流👍🏻飲品呢，正常發揮。可能叫熱咖啡飲會有驚喜啲下次可以再試吓其他野。如果份量可以多少少，100分滿分的話，我應該會俾80分。🤭