宇治園 (已結業)

突然發現有人話要閉店，於是星期日就過嚟食。住喺新界都係小去時代廣場食嘢，一到步就買抹茶芭菲，店員有禮，個芭菲切得太靚啦。雪糕茶味適中份量較少，蛋糕同奶油份量多，啫喱都有茶味，唔會甜，係健康嘅。再加個培茶雪糕筒，佢都係唔太甜，夠健康，店員見我企喺度食，話有位可以坐喺度，太好啦🥳。很好的店員👍

店名：宇治園地點：銅鑼灣時代廣場菜式：日式甜品雪糕餐牌：軟雪糕，軟雪糕甜點，沙冰，珍珠，奶蓋，咖啡，豆乳，凍飲，熱飲，同卷蛋。焙茶軟雪糕 $40食過呢間宇治園咁多次都係覺得軟雪糕最抵食，唔會有d多餘既忌廉或者唔好食既材料。軟雪糕有三款口味，首先要個焙茶先。軟雪糕好高身，要鬥快食，融得好快。焙茶味例牌香滑，好味。個窩夫餅都脆同好味道。牛奶軟雪糕 $40小朋友鍾意試試牛奶味，我就覺得味道較淡，可能係食左焙茶既原因。焙茶彩色丸子脆脆杯 $70脆脆杯其實係窩夫餅裝住焙茶軟雪糕，面頭灑上焙茶粉，伴有紅豆蓉同4粒丸子，兩紫一黃一白。窩夫餅夠厚同脆，都好好味。丸子我覺得唔夠煙韌，又無味。反而紅豆蓉配雪糕更好食，所以呢杯係好食過軟雪糕既，不過貴$30！紫薯黑糖珍珠 $50紫薯味較淡，同埋較稀。黑糖珍珠細細粒，煙韌度可以高d，份量都可以。呢杯飲品麻麻地。焙茶雪糕同窩夫餅係好食，飲品都係麻麻地。而家做緊買$100減$20優惠，就好抵！

本身以為呢間係冇位坐見出面好中地方都係Starbucks枱點知行埋去睇原來枱上面寫住係公眾地方於是就買左黎食個樣整得好靚抺茶味算濃特別係有灑上抺茶粉既個啲雪糕又唔會太甜

試左銅鑼灣一間抹茶鋪頭對抹茶控黎講真係選擇多到唔知點揀好🤣最後揀左：🌟抹茶豆乳 $40好濃既抹茶味，泡沫細密軟綿，口感豐滿，非常適合抹茶控😍🌟焙茶牛奶飄浮 $60我最鍾意既係呢一杯焙茶牛奶飄浮!! 頂部係焙茶雪糕，下面係焙茶牛奶，焙茶同牛奶都非常夾，一個價錢兩個享受!!🤩值得encore!!! 下次去開銅鑼灣一定再去幫襯!!😍📍宇治園香港 UJI-EN銅鑼灣勿地臣街1號時代廣場9樓919B號舖

前排我太太話佢好想食抹茶甜品，所以我就決定帶佢嚟呢間宇治園試吓。聽聞呢度嘅抹茶甜品相當出名，好多人都會專程嚟光顧。我哋叫咗抹茶牛奶同卷蛋share。抹茶牛奶真係好夠抹茶味，濃郁嘅抹茶香氣，口感順滑，而且唔會過甜，啱啱好。卷蛋就好鬆軟，唔會太濕潤，一啖食落口感覺好滿足。我個人覺得呢度嘅性價比真係好高，啲甜品質素好過好多cafe嘅出品，而且價錢都唔太貴。經過嘅時候可以嚟試吓，相信你都會愛上呢度嘅抹茶甜品。唯一麻煩係要自己搵位，因為通常都好多人飲咖啡。

餐廳：宇治園地點：時代廣場9樓菜式：日式甜品飲品餐牌：軟雪糕，軟雪糕甜點，沙冰，珍珠，奶蓋，咖啡，豆乳，凍飲，熱飲，卷蛋焙茶牛奶飄浮 $60店員話焙茶牛奶比豆乳滑，所以揀左焙茶牛奶飄浮，有雪糕又有奶飲。面頭焙茶軟雪糕真係無得輸，又滑溜，焙茶味又濃，個焙茶牛奶都係好濃，好飲，夠濃滑。不過入面居然有7粒大冰，所以成杯基本上都係冰，牛奶只係幾啖就飲完，好過份，表面係好似好多奶飲。草莓樂園 $70草莓樂園係粉紅色草莓冰沙面頭加上雪糕，可選雪糕口味。我地當然又係揀左焙茶味。呢杯草莓味道非常淡，基本上唔覺。雪糕份量較重手。焙茶彩色丸子脆脆杯 $70焙茶彩色丸子脆脆杯係窩夫餅上面有焙茶軟雪糕，伴有4粒丸子，有綠紫橙白4種顏色，仲有滑溜紅豆蓉，面頭灑上焙茶粉。丸子我無食，雪糕配紅豆蓉好味道，個窩夫餅都算脆。呢個質素同份量係最正常。總括而言，飲品質素無雪糕食品好。個喊臉係比飲品既。

週日下午茶去咗宇治園食雪糕。宇治園餐牌有軟雪糕，軟雪糕甜點，沙冰，珍珠，奶蓋，咖啡，豆乳，凍飲，熱飲，同卷蛋。焙茶芭菲 $80芭菲一共有三款口味，包括抹茶，焙茶，牛奶。即叫即整。焙茶芭菲有焙茶軟雪糕，上面加左焙茶粉，插上一塊樹葉型曲奇餅，旁邊加左一綠一紫兩粒丸子同少少紅豆蓉，下面有大量忌廉，卷蛋蛋糕細塊同粟米片，最下底有焙茶味啫喱。芭菲杯口感豐富，首先焙茶軟雪糕係堅好食，又滑又香。曲奇餅又香脆又鬆化。粟米片好脆。焙茶味啫喱好滑溜，不過淡淡既焙茶味，就完全比雪糕既濃厚茶味比下去。丸子質素就麻麻地。卷蛋可以不過個人唔太鍾意忌廉。雖然宇治園應該想將卷蛋加入杯芭菲杯，不過如果係雪糕會好過忌廉。焙茶彩色丸子脆脆杯 $70第一次試呢度既脆脆杯，其實係窩夫餅裝住焙茶軟雪糕，面頭灑上焙茶粉，伴有紅豆蓉同4粒唔同顏色既丸子。呢個甜品就無多餘既忌廉啦。窩夫餅夠厚同脆，都好好味。反而呢度d丸子真係麻麻地，唔同顏色味道都一樣。紅豆蓉都甜，一定要配雪糕食。呢個價錢個人覺得貴。all of us shared both desserts.焙茶雪糕係好食，不過其他配料有好有唔好，呢個價錢就性價比勉强可以啦，下次唔好

這間來自大阪心齋橋的宇治園，在日本當地已經有近150年歷史，主打煎茶、焙茶及抹茶，最吸引就是一系列的抹茶雪糕及茶類甜品，當中還有香港限定的雪糕芭菲。抹茶泡沫細密軟綿，口感豐滿，茶味特濃，適合重度抹茶控。

好耐冇黎宇治園，黎開時代廣場又想食甜品就幫襯吓先。自己喺店舖隔離揾商場嘅位坐，而家疫情期間好易揾位。焙茶芭菲 $80上次試過抹茶同焙茶芭菲，今次要encore後者，因爲驚夜晚訓唔着。芭菲一共有三款口味，包括抹茶，焙茶，牛奶。服務員當然係即整。不過今次焙茶芭菲少左脆米。其他同上次一樣，首先雪糕上面插上一塊樹葉型曲奇餅，塊曲奇餅又香脆又鬆化。雪糕上面加左焙茶粉，非常香。旁邊加左一白一紫兩粒丸子同少少紅豆蓉，丸子同上次一樣頗差，好硬而完全唔煙韌，白色同紫色味道差別唔大。下面有好味嘅卷蛋塊同脆脆粟米片，再加上大量香滑忌廉，好似將卷蛋加左入杯芭菲杯。不過個人覺得忌廉太多，換轉係雪糕會好啲。最下底有滑溜焙茶味啫喱。主角焙茶軟雪糕又滑又香，非常好食。呢度嘅芭菲非常豐富，俾人多重口感。焙茶啫喱 $70焙茶啫喱係大大杯焙茶軟雪糕灑上焙茶粉，下面有一粒白色同紫色丸子同粟米片，仲有少少紅豆蓉，再下底就係半杯焙茶啫喱。換句話說，呢杯焙茶啫喱同焙茶芭菲嘅分別就係冇左焙茶芭菲嘅卷蛋，忌廉同曲奇餅，但係焙茶雪糕就多啲，個人覺得同焙茶芭菲不相伯仲，口感都多層次。焙茶芝士蛋糕 $45焙茶芝士蛋糕已預先切好用紙盒包好，賣

無得去旅行，岩岩又禁埋夜晚堂食，就唯有去買件甜品安撫自己 ✌️經過宇治園俾佢d matcha roll 吸引住，咁岩果晚賣哂大福，爭扎要hojicha定matcha 味，最後就要佐matcha ☺️如我所料matcha cream 好rich 同好滑，係日本既味道，個roll又好軟，好食可以暫時滿足到去日本既感覺。

During this pandemic times, none of us can fly to Japan as easily as before. But this place definitely brings the Japanese flavours to Hong Kong. I’m a BIG fan of matcha, but I must say, the hojicha desserts here are delicious too!! Their ice cream and bubble milk tea are amazing, whether it’s matcha flavour or hojicha flavour! Been here for a few times, and each time we always have to order a few different items, so we can try a variety of their products.太耐冇去日本，相信大家都會好掛住。嚟到呢間甜品店，真係有種去咗日本嘅感覺。我本身

很多甜品店也有賣茶味的甜品，但要做到不會偏甜又茶味濃郁的卻不容易。位於時代廣場9/F的宇治園就是少數出色的茶味甜品店，專門售賣抹茶/焙茶甜品，亦有提供雪糕和飲品。Menu選擇多，選擇都要一點時間芭菲的配料很豐富，很有層次感。主角抹茶軟雪糕味道很濃郁，上面灑有脆米，另外還有一塊抹茶味的樹葉形餅乾作裝飾。可惜白玉丸子賣晒，唯有多加一點紅豆醬搭救。除了忌廉，中間還夾有抹茶蛋糕塊，最出色的是底層的抹茶啫喱，茶味濃厚又很滑溜。一杯甜品可以試到不同的抹茶甜品，滿足焙茶芭菲同樣是很出色，未吃已經嗅到焙茶香，層次跟上圖的抹茶芭菲差不多，只是這杯有白玉丸子，配料和抹茶芭菲差不多，只是轉了焙茶味，同樣是很出色另外點了抹茶荳奶，茶味和荳奶味平衡得好好，不會太甜，飲完很飽肚。瑞士卷蛋糕的質地就有點偏乾，茶味適中，夾心忌廉質地一般，但味道不錯整體來說，宇治園的出名全都味道濃郁，甚至會有點茶的苦澀味，嚐甜的甜品控要留意啦

甜品胃作怪，食完卷物又想食甜品。黎左時代廣場呢間宇治園，冇位坐，要自己喺隔離公共座位區揾位。抹茶芭菲 (左) $80焙茶芭菲 (右) $80叫左兩杯芭菲，喺三種口味當中揀左抹茶同焙茶，另一款係牛奶。呢度嘅芭菲非常豐富，俾人多重口感，首先雪糕上面插上一塊樹葉型曲奇餅，塊曲奇餅又香脆又鬆化。雪糕上面加左少少脆米同茶粉，旁邊加左一白一紫兩粒丸子同少少紅豆蓉，下面居然有好味嘅卷蛋塊同脆脆粟米片，再加上大量香滑忌廉，好似將卷蛋加左入杯芭菲杯。最下底有超滑溜嘅蕨餅。不過個人覺得忌廉太多，換轉係雪糕會好啲。而丸子係敗筆，好硬而完全唔煙韌，白色同紫色味道差別唔大，點解丸子質素可以差咁遠？抹茶雪糕又滑又香，個人覺得好食過焙茶雪糕，焙茶蕨餅係冇味。呢兩杯芭菲比尋日i CREMERiA嗰兩杯日本直送水果芭菲實在係差太遠。黑糖珍珠焙茶鮮奶 $50黑糖珍珠焙茶鮮奶既焙茶味香濃，帶淡淡黑糖味，質感滑溜，珍珠細細粒不過夠煙韌。紫薯沙冰 $50紫薯沙冰大大杯，紫薯味香濃滑溜，甜度適中，面頭仲加左一層忌廉同少少紅豆蓉。4款食品飲品總體都唔錯，飲品價錢唔平，芭菲杯有咁多料算抵食。

自時代廣場推出左呢個飲食優惠券後，每次黎到都可以搵到新餐廳俾到驚喜我。今次黎到10樓試呢間宇治園，顧名思意就係食日本茶既甜品，除左抺茶雪糕之外，仲有蛋糕卷同冷泡茶提供。而我最鍾意嘅就係呢一杯焙茶牛奶飄浮（$68），頂部係焙茶雪糕而下面係焙茶牛奶，焙茶同牛奶出奇地夾，亦唔算太甜，半價都十分抵試。

其實想試呢一間好耐㗎啦，咁因為冇得去日本嘅關係， 所以諗住食下日本甜品頂下癮啦。呢間仲要係正宗日本開過黎。十分日本味。🇯🇵🇯🇵🇯🇵雪糕叫左呢個彩色丸子抹茶脆脆杯。抹茶雪糕唔算話好甜， 味道幾好，裡面有抹綠雪糕、紅豆、彩色丸子🍡（雖然彩色，但味道好似無分別🤣🤣）口感好豐富，我覺得呢個係幾好食。蛋糕都叫左抹茶蛋糕, 口感鬆鬆軟軟, 入面既Cream都係抹茶既C, 裡裡外外都係抹茶味超重非常好吃😋