峴港越式料理 (已結業)

再次光顧觀塘工業區裡的正宗越南餐廳，地方雖小，但員工親切態度，值得嘉許👍🏻...加上沒有味精的食物，當然係可以食多幾次喇😋😋...是日冬節，和朋友食個好少少的晏就飯。第一次飲越南咖啡，南洋咖啡是落煉奶稍甜，但都好滑好濃郁👍🏻太好食，再encore...馬拉盞炒通菜😆🐷扒煮得啱啱好，肉汁夠，撈㩚個汁有分辣和唔辣，啱晒唔食辣的人👍🏻仲可以refill及個汁是每天新鮮製造

呢晚喺觀塘覓食，唔想太貴又可坐耐d，上open rice見到呢間越南野，位於觀塘工廠區樓上舖，一入餐廳感覺都好乾淨及舒服，好有去左越南feel。一坐低先來一杯茶，好好飲，細問才知道是餐廳自家制—香茅茶。。（忘記影相）

又去了觀塘工廠大廈的「員工食堂」開飯。一直唔明，工廠大廈內所有餐廳，不論地下、一樓、低層高層，雖然全部一律貼上告示，寫明只可以招呼工廠大廈內的員工，甚至要求出示員工證才可以光顧；但這些告示全部如同虛設，餐廳員工根本不會要求客人出示員工證，99%以上光顧的客人也並非工廠大廈內的員工。如果政府有關部門嚴格執行這些「員工食堂」的發牌要求，肯定很多食堂（其實已經變相係普通餐廳）會因為生意不足而結業。今日光顧的是「峴港越式料理」。根據 OpenRice 資料，幾個月前餐廳門口還有招牌，但今日就消失了。到底是換了老闆，抑或避免政府查牌？總之，招牌消失了，餐廳名字只出現在室內。可能是星期日的關係，竟然是第一枱客人。餐廳裝修完全沒有越南風味，同其他工廠大廈內的餐廳差不多，但總算乾淨企理。雖然餐廳開業一年左右，但墊枱餐紙的宣傳卻提及2014年及2015年所獲得的獎項。再睇真啲，原來是深圳媒體頒贈 ⋯⋯ 唔明白箇中原因？只覺得好奇怪。餐牌內有多款選擇，其中一個重點推介就是每日限量 12 碗的火車頭（$128）。其實即是雜錦牛肉河粉，差不多其他所有越南餐廳也有供應，不過今日胃口唔好，所以沒有點這一個皇牌推介

起初朋友話食過夜晚覺得唔錯所以我哋就嚟呢個食lunch 結果真係服務差到一個點佢明明喺牆上寫明午餐用膳時間60分鐘，咁其實講真食唔夠60分鐘都唔會坐咁耐但係大家仲未食完碗麵嘅時候已經俾佢收咗三次，之後拎甜品嚟嘅時候已經叫你買單 仲連餐具都收晒，大佬呀而家叫你用手食咩！之後仲要勁差態度先至比啲牙籤你用 然後啲侍應係咁係你隔離不停轉轉轉 係咁拎呢樣擺個樣 但重點係佢哋鋪頭唔係冇位 係有好多格位而且冇客入嚟架 最過分係個廁所，同你講類似壞咗叫你入男廁但係你所左門之後佢哋有員工竟然可以用鎖匙開門 當你喺度鬧緊佢點解鎖左都開門嘅時候 佢答你佢有鎖匙 然後道歉都冇一句

今日去了觀塘開會，之後揾過地方食過午餐。揾左間位於工廠大廈內的【峴港越式料理】餐廳裝修簡單，沒有什麼亮點。反而墊枱餐紙的宣傳更加吸引，介紹餐廳主廚及所獲得的獎項。不過這位靚女主廚就不太認識。餐牌內有不少越菜選擇，其中見到這個每日限量 12 碗的火車頭$128，用上安格斯肥牛、本地牛爽腩……等食材。不過筆者最後都揀碗經濟實惠的生牛河算。【生牛肉湯粉$68】好大碗！表面鋪滿牛肉；湯底呈中度啡色， 湯底有牛味。以這個價錢來說，牛肉質素都不錯。河粉質感滑溜，沒有吸湯後發脹變爛，不錯。這個湯粉味道中規中矩，但勝在份量多又抵食，作為工廠內的食堂都不錯。

必食撈檬！ 好多餐廳都會用碗去盛裝，但依到會用竹碟去平放食物，幾特別。🐷豬扒撈檬美味又豐富檬粉一早已調味，味道很好，酸味適中，每一條撈檬都分明，不會一舊舊！豬扒入味、好味！生菜新鮮脆口！🥭芒果魚柳米紙卷不過不失，略嫌太多🥕蘿蔔絲🥖越式法包餡料豐富、不乾又脆口望落中間的汁不多，有鵝肝醬，但意外地不覺得乾同韌，反而覺得好味細碟配菜就麻麻。。。2個人食，份量足夠！貌相亦不錯！絕對可以encore！堆介！

好唔得囉員工1. 電話book枱問借雪櫃放蛋糕有冇另收費話應該無，咁照book照留姓同電話。到當日放低蛋糕先講要收$50，大佬你話聽電話新同事唔知，咁我有留電話㗎嘛下嘛！？2. 你oprnrice都無寫過收$50喇！3. 人齊到步喇，$50收費係落單前要求先收。正餐食完你地先收枱冇問題，收完無喇喇個員工凸一句個蛋糕係咪宜家拎出嚟？乜驚喜都冇曬，一啲都唔醒水，乜都破鬼壞曬。就係諗住環境唔錯先揀尼間，點知入邊啲質素真係唔會有下次。

成業街食店很多，不過想食清新的食物感覺不多。兩個人閒逛成業街搵食，不想茶餐廳，不想打邊爐，不想heavy的叫餸食飯，不想中餐小菜，不想食集團式餐廳.......在總多“不想”之下，選擇便不多了（外子心想：要求多多真係麻煩）正在妥協打算食中菜算數，行入樓梯上鋪頭，竟然發現中菜和邊爐之外，有間白色清新小店，寫著越南菜個胃同自己講，搵到想食的東西了！納悶感無哂！白色店乾淨清新又舒服，標榜無味精又獲獎令人覺得有信心。 看餐牌，叫碗粉是心目中所想的，另外看到餐牌很多小食也看似很美味，可以點餐了！是次點了：生熟牛肉河： 生牛熟牛口感完全不同，滿足食牛的朋友，很新鮮，又多牛！ 好大碗！ 但一個女仔都食得哂（唔係大胃，係因為肚餓和很好味）火車頭河：足料大碗，正蒜蓉炒菜：香，新鮮！ 紙包軟殼蟹：大大件，夠脆！mango益力多沙冰：好味！送甜品椰林糕：暖暖的，軟軟的，口感好！ 送甜品實在很好呀！多謝！

這間越菜隱藏於工廠大廈內一樓起初以為要坐電梯但原來由地下樓梯行一層即到進店時間近8點但只得兩三檯客人一開始真的以為不如吃姑且沒有期待地當醫下肚食一餐算點了星級版AMY火車頭出奇地又幾好味喎湯頭清甜不太濃味牛肉食得出是高級品質的靚牛,夠嫩滑份量幾大碗,二人一齊食都好足夠越南特色法國麵包三明治咬落去包皮好酥脆入面又好軟身牛肉,扎肉餡料放得滿滿,相當實在炒雜菜就不過不失,保持水準最後店員會送上兩粒小小的千層糕但強烈建議大家可以付點錢點選一份來吃送的那件是涷的,吃不出什麼味道來但熱的千層糕, 暖暖的,軟軟的 真正食得出咖啡,斑蘭及椰汁味這份甜品最令人驚喜

又係Happy Friday出街食好嘢。同事發現公司附近有間越南嘢。開左冇耐，裝修仲好新。我地人多，所以一早訂左枱。如果唔係，有排等，因一到1點，就好多人。招牌菜式係火車頭湯河。點解叫火車頭我地就唔知。有生牛肉，扎肉等。其實係越式公司河。可以以優惠價追加小食。其實碗河已經係大大份，除了大胃口同事追加了一份蝦餅，其他人已沒有這實力。豬扒撈檬亦係大家的熱門選擇。同樣大大份。薄荷青檸梳打，味道清新。飲完好舒暢。客人實在好多。老闆娘好有禮拜問可否早D俾番張枱，佢醒個折頭俾我地

其實我對東南亞菜系都好中意，越南菜更係繼泰國菜後又一喜愛菜系。尋晚就同男友去左間位於工廈樓上嘅越南菜。本身對工廈環境都無咩期望，不過去到見到真係有驚喜！個環境好光亮整潔，而且枱櫈都帶有點點嘅法式風味。我地見椰青海鮮湯好似好吸引，所以叫左試下。果然一上枱就聞到好香椰子味，而且個湯飲落好清甜，不過由於有黑胡椒，略帶微辣。入面有魷魚、青口、椰肉同一隻大虎蝦，質素唔錯。小食拼盤有扎肉、雞翼、牛肉、豬頸肉、魚餅、春卷等。每樣都好新鮮，牛肉唔會韌，好鬆軟; 魚餅好大一塊，好厚身，表面煎到金黃色;  豬頸肉肥瘦適中，好爽口;  春卷表皮好酥脆，入面餡料口感豐富; 雞翼不過不失。越南法包都係第一次食，以為會好乾好韌，點知一咬落去個麵包表皮好酥脆，入面好軟身。而且餡料好豐富，有牛肉、扎肉同好似係鵝肝醬嘅醬，食落口感好豐富兼帶少少濕潤感。呢杯越南咖啡也是令人意外之物，估唔到蛋黃加係咖啡上面一齊飲，口感會咁creamy同滑溜！不過要留意嘅係唔好煲咁耐，咖啡會愈煲愈濃而蛋會凝固。男友話呢杯越南咖啡味道香濃好好飲。

2nd visit to this restaurant. It is tucked away in an industrial building but you forget that as soon as you sit down, the effort has been made to make it look good.The staff are very helpful and eager to serve so no complaints on the service level.The menu is big enough to be interesting and the dishes I chose both times tasted great.No beer is disappointing but I gather that a liquor licence is expensive.All in all, I Would Go Back.

大人話要食越南菜，官塘区選擇吾多。。峴港👉仲吾係你。按地址，好容易便找到成業工業大广，從停車場搭𨋢上一樓， 大廈裏面有點殘舊污糟， 找到3號單位，但重門深鎖， 似後門多d， 隔離有條樓梯，直落返地面，見有張海報箭咀指向前面。。哦，原來沿成業街有个小门口，爬樓梯1層，便是。( 原來我哋真係找對咗門口，可惜店主張佢封咗，食客只能夠從大街爬樓梯上)。首次試咗: 炸蝦餅，蒸粉包， 菠蘿雞肉米紙卷， 生牛肉湯粉。 前菜小吃都未來 ，第一道菜上的是生牛肉🐮湯粉，🍜河粉分量頗多， 加6大片牛肉， 湯底清甜，😋好味啊!菠蘿🍍雞肉米紙卷， 含有大量蘿蔔絲， 爽口清新， 連個魚露汁都加咗菠蘿汁， 清甜好味👍。蝦餅， 厚切， 熱食外面脆卜卜， 攤凍咗外面脆皮就有點硬， 味道正常， 🦐膠有𡁻頭。蒸粉包， 裏面有好多肉碎， 每一個粉包仲有半片扎肉墊底🤗。兩個人食到非常飽飽 (每個大概$50~60蚊)， 連加一， $253， 🥳CP值(若果唔使加一，就更好🤩了)。星期六中午客人唔多， 任你揀位坐。 幸好客唔多，因為得一個服務員做樓面， 2個做廚房，加一個收銀。

媽媽一向好喜歡食越南菜，今日喺觀塘搵到間蜆港越南料理好似好正宗咁！去到差唔多八點鐘都已經要等位，好彩一陣就有位，之後人流不斷，九點幾都仲有人嚟食，真係應該唔錯！我哋叫咗庶蝦，真係好正宗，蝦肉包住個庶，蝦肉非常新鮮，而且庶仲好甜！之後嗌咗黃咖哩，黃咖哩個味好香，而且唔似出面食嘅咖哩會食到好飽好濟，呢個咖哩真係值得推介！好好食！點埋個香脆蒜蓉包真係好正呀！另外叫咗牛丸牛肉河粉，開頭睇個價錢以為會略貴，點知嚟到非常之大碗，我哋三個人share食都份量足夠！而且牛丸夠爽口，牛肉有夠香，要係個湯底非常好味！另外我哋仲叫咗軟殼蟹紙米卷，軟殼蟹香脆，凍凍地夏天食就最啱！最後就叫咗甜品，有咖啡及班蘭美，咬落去煙煙韌韌，好食呀！

觀塘真係越黎越多地方食野， 👍🏻加埋而家觀塘好多工廠大廈內都已有各國美食， 不同款式， 真係應有盡有😍， 差唔多講得出都有得食呀。今日朋友搵食搵到成業街， 位於成運工廠大廈一樓嘅峴港越式料理， 估唔到真係有🤩驚喜呀。。。因為下午茶食得太飽， 所以我地叫左唔係好多野食， 但款款都好好食⭐️⭐️⭐️⭐️⭐️， 已同朋友講下次要再黎， 但之前唔好食咁多野， 要再試真d 先得呀。因為兩條友掛住傾計， 食物黎到又香噴噴， 唔記得左影餐牌， 所以都唔記得左d 餸名。。。🤣🤣我地應該叫左個米卷， 炒飯🍚， 同一個札肉夾包🥖