細豐澳門餐廳 (已結業)

🍽焗葡汁豬排飯葡汁唔正宗，非常快餐貨色飯十分濕，濕到似燴飯豬排好味，夠淋，有切開一小塊一小塊，方便食，夠貼心🍽咖哩牛肉飯白飯非常粗糙，咖哩偏甜牛肉好味，份量多又夠淋滑不過真係得咖哩汁同牛肉，薯仔都冇嚿🍜例湯：佛手瓜紅蘿蔔湯有家庭味，清甜🥃凍檸茶十分甜，比一般餐廳甜如果飲，一定要叫少甜🥃熱檸水檸檬揀得好好，無核，唔苦後話：原本來葡國餐廳諗住食葡國雞，原來係無嘅佢話全部都係set好晒，是日快餐無，就無得食有點可惜

住咁耐都未食過，而且樓下開既都係連鎖店，就去試下澳門細豐，晚餐 時段都多人的，我們叫了焗豬扒飯 焗班腩意粉 連野飲 湯$45 @，不錯～ 好吃 又經濟實惠，大家真的要去試下～～

一早起身同屋企人落街搵食, 今日想食茶餐, 所以入了細豐, 星期六早上唔算好多人, 唔使等位睇了陣早餐的餐牌, 見到有奶油豬, 好久都沒有吃過了奶油豬好似太heavy, 所以決定叫個雪菜米減輕下罪惡感>< 大大的一碗米粉…..想減肥還是下次吧~我喜歡食米粉加點辣油來吃, 辣油要問侍應要麵跟餐配2個餸, 我點了腸仔及荷包蛋我加了7蚊把厚多轉為奶油豬, 份量比原本的厚多大了一倍, 奶油豬很熱很脆, 練奶份量也足夠屋企人點了雙蛋火腿, 2個荷包蛋煎得不錯食完太飽, 唔敢再飲奶茶, 要了個"健康"一些的熱檸茶3個人一共食了hkd106, 一位35蚊左右, 算合理價錢

建生邨茶餐廳有很多選擇, 不過我星期六/日落街食早餐主要去細豐食常餐細豐開了好多年, 次次去都見個老闆娘,侍應同D街坊傾計, 好多街坊都成日去食早餐每次都叫指定的常餐, 一坐底就可以直接點餐, 很多時候會+7蚊把厚多轉奶油豬, 是貴了一點, 不過加煉奶又好食好多, 奶油豬唔算超級脆, 不過都幾好食~阿妹永遠只叫雪菜米, 仲要加埋辣椒油食~佢話D雪菜好食轉了奶油豬, 個包都幾大份, 食完一定夠晒飽我就例牌食螺絲粉, 牛肉份量OK, 因為外面的餐廳較少有, 通常只有通粉, 螺絲粉好多, 本身它又好飽肚, 次次食完到LUNCH TIME都唔肚餓雞蛋次次都係太陽蛋, 有流心出來, 整得好~今次我只要了跟餐的厚多, 方包夠脆, 有少少牛油香, 如果有埋煉奶就好了~ 不過好多人都會加錢轉奶油豬, 附近的茶餐廳好似都係得普通方包多士, 只有細豐有奶油豬食~3個早餐一共HKD107, 每人HKD35.5左右, 如果去附近的大快活食個飽肚早餐都要呢個價錢, 所以多數會去食細豐, 間中轉下食其他

朝早7點去食早餐 人手眼見得 3個 諗著叫餐果陣 叫左6次 d 待應 都扮睇唔到☹️ 依d可以當佢地忙 ，食食下一半 隔離盤植物 上面部冷氣機突然好似水喉咁漏水 。整到d飲品汁哂 佢地一句對唔住呀 唔好意思都無 得一個待應默默走過黎 關冷氣 （因為冷氣機漏水） 之後仲要由我地 自己搬野食去另一枱。 全程無人幫過手 ！成件事完左 我地搬左枱 之後有其他新客入黎 坐左漏水果個位 d待應即刻惡惡地咁同過啱啱入黎既客講 ： 都話漏水啦 仲坐？😡 人地新客啱啱入？ 點知漏緊水呢又？

早排天氣很凍，一直也很想吃煲仔飯。趁著夏天還未來，與朋友馬上抓緊冬天的尾巴我們點了 蒜香肥牛煲仔飯 和 豉汁排骨煲仔飯，和52元。等了約15分鐘，煲仔飯來了!! 一來便馬上聞了到很香!! 蒜香肥牛煲仔飯， 他的蒜非常多，肥牛亦不韌。而蒜非常重味!! 超正!! 混合牛肉和飯一起吃，簡直是絕配，它襯託了整個煲仔飯。至於豉汁排骨煲仔飯，排骨非常嫩滑，又多肉 真的好吃到不行!! 而老細為人非常親切，會主動問我們的意見，又是一間很有人情味的小店!

今日吃了個懷舊的午餐：蕃茄薯仔牛腩大坑通－非常美味！湯底有香濃蕃茄味(自然那種，不是茄膏假味)。配料勁豐富，薯仔和牛腩炆得軟腍，份量又多。大坑通粉煮得剛剛好，微微硬身奶油厚多士－不過不失，麵包烘得外脆內軟，只嫌奶油給得吝嗇了一點這地方的食物不錯，無怪乎中午時份人頭湧湧呢！

作為一名茶記既長期顧客 我都好明白要應付租金同人工 加價有時候係無可奈可既事情 但係一加再加 有時候太快 我又真係體諒唔到個早餐 我由24蚊 食到宜家31 加價我理解 但點解食物既質素會下降呢 個多士宜家一啲都唔脆 個粉麵分量又少咗 真係撐唔落😶

一行五人食LUNCH, 點了五個快餐, 我地以為價錢寫錯, 擔心會俾少左錢, 於是一心諗住問個明白, 點知竟然俾伙計鬧番我地,語氣仲唔客氣,恐嚇我地, 服務態度真係好差好差,我地以後都唔會再去幫親, 食物再好都係假, 服務態度差都咁都係第一次! 不是一個伙計態度差, 而係好多伙計都係甘!

細豐我不嬲都係食早餐，因為得早餐最抵食，位置坐落喺輕鐵站對面，所以其實都幾就腳。早餐其實選擇幾多，焗到脆一脆既脆豬同厚多係佢特色。真係焗得幾正，脆脆既再加上溶哂既牛油。😏我今日就叫咗個雪菜肉絲公仔麵，配餐肉雞蛋(可腸仔餐肉煎蛋任揀2樣)，仲有杯餐飲，不過就多謝你30蚊啦。 由佢廿幾蚊食到佢變身三字頭🙁，感覺不是味兒。不過不得讚佢個麵煮得好好食，唔會煮到腍哂。麵質主要偏向爽身，啱哂我口味。雪菜肉絲分量都唔少，所以絕對飽肚。餐肉雞蛋都尚可啦。不過店主唔知點解經常黑面，所以大家小心🙊。

呢期天氣熱辣辣～冇乜胃口，諗住食d酸甜開胃野～叫左個甜酸菜牛柳絲炒米～嘩～黎到同我想像有d分別，我本身以為乾炒條條米粉分明果隻，點知係半炸米底+大撻杰汁同甜酸菜牛枊絲～味道：可以 可惜麵底有d燶同太油我男人就叫左沙拉骨～今次都好食，冇平時甘多肥肉，不過平時有菠蘿同生菜絲墊底，會清新D無甘膩～但今次廚師大佬唔記得左落喎～

家住屯門多年, 成日周圍搵食, 今晚去左海麗樓下間細豐澳門茶餐廳, 印象中呢個位之前好多間都做唔住, 可能是死角位風水唔多好, 但開左細豐之後就好多人幫襯, 其實好多地都有大豐或細豐, 聽講都係澳門何生老婆有份開, 香港都好多分店, 但一間餐廳好唔好食真係睇駐場個廚師手勢, 記得以前九龍食過一次大豐, D咖喱唔似咖喱, D雞又唔熟, 好差, 唉, 講番正題...今晚在細豐無叫農夫包, 反而叫左皇牌鴛鴦炒飯及小菜, 估唔到鑊氣好夠, 味道好好, 值得推介...好多隔離枱見到我地叫鴛鴦炒飯, 話好食, 都叫埋一份...

今日到屯門海麗花園的細豐澳門餐廳，吃了份出色的下午茶，吉列豬扒湯烏冬，豬扒不但分上，而且外皮酥脆，肉質腍滑帶汁，吉列皮不容易做，由上粉、粘蛋漿上麵包糠到油溫，每一個工序都要控制得很好，才有這個効果。朋友的火腿雞絲意粉則較為失色，雖然用料足夠，不過汁醬濃稠度不足，汁往下㵼封不住面層，焗不到焦香効果。

外賣自取2個中午快餐。 返到屋企先發現一盒炒意, 一盒白飯, 3個例湯, 但冇比咖哩筋腩! 之後打去同亞姐講冇左盒咖哩, 佢叫我返去攞。 但要行10分鐘去到輕鐵站再搭3個站先去到該店。我要求亞姐有人拎去我就近的輕鐵站, 她說冇人手拎去。 佢話下次補番盒咖哩比我, 咁我問佢下次有冇白飯跟比我佢？ 佢話冇。 我叫佢問下老闆轉頭覆我。 過左10分鐘都未覆我。 我打去問, 佢話忙緊飯市, 等完左飯市先覆我。 我同老婆火都起。 結果我要用例湯用湯飯! 以後都唔會去再幫襯! 其實之前佢地啲野食都唔錯, 不過水準下降了。

一家三口+ 奶奶今晚去左細豐食飯，平時都有食早午餐，晚餐就比較少。地方坐得都舒服，員工都好親切，E 間舖生意都唔錯，記得之前的店舖係食日式野, 生意慘淡..中湯，唔似味精湯，好有豬骨味道"煙央炒飯"炒飯上淋上白汁及茄汁，非常有鑊氣，上面仲好多蝦, 肉絲, 正好好味, 大碟又平炒通菜牛腩農夫包好香濃帶少辣的咖喱汁，牛腩紋得好淋, 內有牛根，好有骨膠原FEEL, 但佢冇飯，要另叫