惠比壽日式料理外賣專門店 (已結業)

食飯時間行過目測有接近十個人等緊外賣，諗住轉頭再過黎...點知當時十點未到收銀妹妹話即做壽司今日賣曬啦，如果炸物同海鮮丼就仲有...但我一心過黎食壽司嫁嘛...有冇咁好賣呀？！一場黎到丼就丼啦，買左兩個海鮮丼同埋雪櫃揀左份卷返去餵妻...卷其實口感唔錯，係凍左少少，始終都係即做先好食既，丼就👍🏻👍🏻啦，料足秤同新鮮，帶子好甜同有口感，海膽都好味，好想試埋啲壽司...下次都係早少少去買...

放工係附近搵野食，經過見到就入左黎，P.S:個人比較喜歡小店🤗點了4款壽司（油甘魚腩，海膽軍艦，蟹膏軍艦，及TORO軍艦）遺憾我想食的白玉豚剛好賣晒😂。油甘魚新鮮👍🏻👍🏻海膽軍艦❤️❤️大大片海膽配埋青瓜片！絕配ToRo軍艦🐟🐟京蔥加埋芝麻，至愛😍😍再配了一枝有汽清酒最近天氣比較熱，配冷飲有汽清酒最適合不過👍🏻吃完不夠喉，再encore了刺身。😝😝個人總結：年青人經營的小店 一個人連清酒食左二百幾蚊抵食👍🏻 而且吃得出師傅用心（如芥末吃得到有纖維的，不是死巴巴開粉那種）（手握壽司大小剛好，而且不會握得太死）Have a NiCe Day💪🏻吃飽飽大滿足❗️

屋企附近開左間新既日式料理外賣鋪，趁今日冇街去就去試一試，既然佢標榜即做咁就試下企係度堂食，費事拎到返去凍曬，我地一行3人叫左約3百蚊，有壽司軍艦刺身同海膽同炸物，後尾先發覺多到食唔曬，原來火炙係兩件計，真係好抵食，味道幾好，每款都水準以上，我就尤其鍾意火炙類，細佬就話海膽好食，我地都另外叫左盤88蚊，枱面有USB叉電又有wifi提供都幾貼心，唯一不足係可能係食飯時間，人頭湧湧等候時間會耐啲啦，下次再食都係早少少黎或者打定電話黎落單，而且見佢貼海報請緊人，將來應該會改善掛🤔

自己本身住將軍澳都好多外賣壽司店，前幾日陪媽咪過去土瓜灣做d野，經過呢間舖，見店舖都整齊乾淨 又甘岩肚餓。。於是入左去睇下有咩食 價錢唔貴 仲有85折😅 原來間舖新開無耐 有優惠做緊～ 除左嗌左自己比較愛吃既三文魚 仲嗌左黑松露鵝肝壽司 $30幾蚊有兩件 再85折 好抵食 入口即溶 😋飯適中 剛好 ！-後期叫左款小食 明太子手羽我鍾意食雞翼 呢個裡邊塞滿哂d材料 咬落去仲係好熱 啖啖肉無骨 超級有咬口！對比起爭鮮、吉之島d壽司～我比較鍾意呢間有機會去開土瓜灣 會再幫襯

收工經過見到原本既壽司舖已經執咗，換咗呢間新既壽司舖，裝修靚咗好多，光猛乾淨，問過店員，原來老闆師傅都換曬，見到而家做緊85折優惠，就即管同女朋友試下喇！有唔同款式既清酒賣，價錢唔貴，等緊壽司既時候都見到有人入黎買刺身櫃放滿哂三文魚刺身，貌似幾新鮮喎，下次可以一試！我地叫左個沙律同壽司，全部食物都係即叫即整，我自己最鍾意係香芒花之戀同甜蝦，女朋友就最鍾意鰻魚同海膽。價錢唔貴，幾抵食，呢到原價$200，85折後$170，估計好快會再食第二次！

今日放假係屋企附近穩嘢吃，見到間新開噶壽司🍣，入去買左個三文魚飯份量足，賣相都好好👍🏽👍🏽體得出唔隨便有壽司薑飯有跟芥辣，好似堂食個D餐廳咁，幾好，會再幫襯

這間新張壽司外賣專門店，試業期間85折，被吸引入內看看。店鋪比一般外賣店寬敞，近牆有一排立食用的枱，還貼心地有充電插座。壽司價錢不貴，散點了30件壽司，2個軟殼蟹手卷，一份吉列廣島蠔和一份枝豆佐酒小食。星期六晚上7點半左右，漸漸多人了，我們買了便出去逛了20分鐘回來，見店更多人在等外賣。廚房內由2個師傅變了連收銀姐姐都入去包壽司，外面派傳單的年青人當收銀員。看來這店是幾個年青人創業經營，但實戰經驗太少！處理訂單安排絕對需要檢討，最後等了40分鐘才完成。赤貝,劍魚腩,八爪魚,蟹棒,三文魚腩,帶子壽司，買相不錯，但帶子切得太薄，吃不出味道來，最重要是壽司飯太重醋味，蓋過上面刺身了鮮味。炸軟殼蟹手卷,吉列廣島蠔 : 炸物新鮮熱辣，但手卷因放得太久，外面包裹紫菜軟哂。吉列蠔內裡juicy  ，可惜炸漿太硬有點刺口。牡丹蝦,虎蝦壽司,海膽軍艦(韓國海膽) : 牡丹蝦每件24元，抵食！虎蝦壽司不過不失，韓國迷你海膽軍艦，海膽比想像中甜美，但紫菜都係軟哂! 失望 !仲有一份枝豆，忘記拍照，即叫即做，但通常佐酒枝豆應該係凍食，這個是熱辣辣，有點不習慣。

今日咁啱行過見到呢間新開張壽司鋪，門面裝修行簡簡單單嘅日本風，見個menu 同價錢好吸引就行左入去試下！揀左三文魚卷同火炙香蒜帶子壽司，平時火炙壽司就食得多，原來加埋香蒜係好夾好好味！ 而且飯團大細啱啱好,加埋新鮮即叫即整，超物有所值！單年壽司由$4起，仲有好多款小食同熟食，款式超多！ 新張期間同like 佢地Facebook page 仲有折,埋單好抵！鋪頭細細但都有8-10個立食位！見佢雪櫃有埋泡芙野飲，仲有三文魚骨可以平平地買返去煲湯! 住係附近或者落車行過好方便，比其他連鎖壽司店抵食好多！

今日見收早攰攰地就衝返屋企，落車見到間壽司鋪裝修完就試下啦，之前都有久唔久幫襯下，啲嘢就認真麻麻，但見成個裝修唔同曬就俾多次機會佢，傾開先知原來頂左手新開既，見啲人都唔同曬，咁是但order左幾件試試，價錢都幾平，見佢個款都係即叫即整，但好彩早去唔洗點得，我全程啤住個師傅，鬼死咁認真整，唔知佢有冇發現我偷窺緊佢🤣🤣到擺入口果下啦...真係唔錯，附近食過幾間最好食呢間，尤其推薦個花之戀，三文魚夠厚芒果又夠甜，反正住附近下次再試下其他😎