稻庭養助

營業中

休息中

很久沒有到來，每每中午想吃花魚定食都想到來一下，今日與朋友到訪，大家都想吃⋯⋯結果中午繁忙時段，未夠一點花魚已沽清，於是筆者與朋友都改為吃銀雪魚和本日燒魚盛合定食⋯⋯銀雪魚定食$148~當店員端上來，朋友看見即時扁扁嘴，銀雪魚的分量少得驚人，詢問店員下，店員回覆，每件都經過磅過，同等計算。朋友看著說:定食份量太單薄，只得沙律菜，冇漬物，感覺唔良好。之後筆者的那份也端上來，相比之下，魚嘅部位較佳，雖然份量也算少，但相比朋友那塊，算好少少了，至於味道方面, 味道其實不錯，只是收這個價錢，在香港經營下，控制成本是一個很重要的因素⋯⋯牛舌定食$158~另一朋友點的牛舌定食，貴十元八塊，份量雖然不算多，但多了漬物，感覺較像樣。本日燒魚盛合定食$128~最後朋友A，點的燒魚盛合，是最平一個價錢，由於前者兩款定食都貴過她，她反而哈哈大笑話最抵係佢⋯⋯⋯⋯她說: 我的抵啲、平啲、款式選擇多啲⋯⋯大家就是這樣，一個午餐笑作一團。整體來說:這裡的午餐算多選擇，但以這價錢再加一，只有飯、麵豉湯及主菜，沒有漬物及飲品，真心覺得食材貴，在香港經營下，在控制成本真困難。

一路都以為呢間嘢剩係得烏冬食，原來佢同平時嘅日本料理冇咩分別，乜嘢都有嘅叫左一個炸雞定食，但係個人覺得唔係幾好食雖然佢有好多舊，但係其實炸得好乾，而且好油，另外就係佢嘅雞球好似合成雞球咁樣，咬落去會散開，跟住唔知點解有好大嘅黑椒味，我個人唔係咁欣賞，正宗嘅日式炸雞亦唔應該係呢個味道另外飯係用日本米嘅，質感都唔錯可能應該要叫返普普通通嘅烏冬會係最穩陣。。。對我嚟講我覺得試過一次就算，唔會再返嚟。。。

🐮牛舌塩麴漬網燒定食 $138牛舌燒得香口，完全唔唔柴啱啱好，白飯採用日本米，彈牙有咬口👍🏻。🐷黑豚 ShabuShabu冷蕃茄湯烏冬 （熱）$138黑豚肉口感柔軟，有彈性，纖維細緻；椰菜帶蔬菜甜味；幼幼嘅稻庭烏冬掛上蕃茄濃湯，𠽌一聲就滑左入喉嚨，好味。 腐皮壽司內嘅飯係混合左漬物提升味道同口感👍🏻。環境 ⭐️⭐️⭐️⭐️⭐️維港海景，陽光日子，括然開朗服務 ⭐️⭐️⭐️⭐️⭐️遮遮見你杯茶飲剩半杯就會幫你加熱茶 👍🏻

呢間曾經都算係飯堂 lunch或dinner都經常黎食 但因為一男子因素 態度惡劣 實在連茶記既waitor都好態度過佢 所以如非必要 我都唔會再去由於食物質素真係唔錯 我都試過一而再 再而三 再去食但每次食完都因為佢既服務態度而一肚氣 咁，我做乜仲要再去食？香港唔係得佢一間日式/鳥冬餐廳 我有睇過其他負評 其實餐廳真係要好好正視呢個問題 熟客冇左一個就一個 唔會再返轉頭 有幾多個熟客俾你損失？難為一班廚師咁辛苦整野食 樓面既幫佢地送走哂d客 另外有位姨姨服務員態度係好好 都辛苦佢

原本预约了12點正的，但因交通阻礙，於12點15到埸，只是比要求(十分鐘的要求)遲到了5分鐘，便立即被職員按缺席了。餐廳位於17樓，等候電梯也要時間的，過去從未有餐廳如此準時執行，到埸時又不願意更正，埸內也只有3台客人，並非客滿，事後提出用膳收據再經open rice處理，也被餐廳拒絕更正出席的要求。因為缺席事件會影響open rice出席評分，本人非常滿餐廳服務員態度，處娌事件非常近人情。

今次weekday中午去食，全場滿座，建議先去OpenRice訂位，仲有積分儲 呢間餐廳主打日式手打烏冬，留意返呢度嘅烏冬係幼身嘅，食落有少少似上海麵（咁講會唔會俾人打🤣）Lunch set包左麵豉湯同沙律，女仔食一定夠飽🤰🏻 雞白湯烏冬（雞扒&雞肉丸）：本身以為個湯會好濃，但係飲落其實好淡有雞味嘅，但係唔係好似拉麵嗰種濃湯個湯食落有啲黑蒜油味，再個雞扒亦係有燒過但唔好嘅係啲雞扒全部喺晒碗麵個底🥲食嘅時候已經全部浸晒湯，冇咗燒出嚟嗰種脆口🙃 燒鶏扒塩麹漬網燒定食：個雞扒真係有炙燒嘅香味雞肉燒出嚟都仲有肉汁，唔錯唔錯👍🏻 菜式：- 雞白湯烏冬（雞扒&雞肉丸）：$118- 燒鶏扒塩麹漬網燒定食：$88- 迷你稻庭烏冬：$15 味道：🤤🤤🤤/5性價比：🤤🤤🤤/5

食物方面：1. 大瑕天婦羅冷烏冬超好食！ 🌟🌟🌟🌟🌟大瑕天婦羅 唔會太厚粉 唔會炸到深啡色 唔會太油 好大隻瑕 有瑕味 爽口 好食！！冷烏冬係食過最好食嘅！（所以忍唔住之後叫多個單點冷烏冬）個冷烏冬汁超正！2. 和牛串 唔好食 3. 燒羊架 我冇諗過佢會落好多醬汁同辣粉喺上面 唔啱我口味 但係羊架係嫩滑有羊味嘅 唔韌4. 海膽餅好食！🌟🌟🌟🌟5.清酒煮蜆成煲好正！🌟🌟🌟🌟🌟冇沙！好甜！唔韌！個煲入面仲有菜同埋本菇，好甜好食！6.串燒雞皮 好好食🌟🌟🌟🌟🌟 唔會太咸服務態度：一個戴眼鏡的後生女照顧全場，超叻！👍🏻👍🏻👍🏻👍🏻服務態度超好👍🏻👍🏻👍🏻👍🏻全場都係人，佢忙而不亂，仲見到我大肚主動直接將茶換咗水俾我，超級細心🩷🩷👍🏻👍🏻👍🏻👍🏻👍🏻其他另外三個員工都係無幫助嘅，就算出聲叫佢哋或者遞起隻手 佢哋都會扮睇唔到，係只有呢個女仔照顧全場人（又要帶位，又要幫全場人加水加茶，仲要幫我哋落單，仲要態度超好）👍🏻👍🏻👍🏻👍🏻👍🏻

約左家人午飯，一嚟度企reception個職員 （後尾發現係店長）已經好似審犯咁，報左全名唔夠，仲要報手機號碼，剩報後4位數字唔得，要報全個。然後佢發現我地應該係訂左5位而不是4位，就好冇禮貌質問我究竟係訂左幾多位，好似我係嚟呃枱咁，重點係餐廳根本就唔full! 呀店長你咁啲野幾好食都趕客啦

今日lunch心思思好想食啲日本嘢，同事介紹左我去啲間日本人主理🇯🇵「稻庭養助」，依間係日本係好多分店。今次就近近地揀咗尖沙咀分店嘅稻庭養助🤩蔥吞拿魚腩飯+雞白湯烏冬雞白湯烏冬湯底好濃，唔會過咸，啖啖清香～烏冬麵條是手打的，比平時稍微扁同幼身少少🤏🏻口感係滑滑的，非常好食🤤配上雞白腸，超正💯即刻好似去左轉日本咁🤭吞拿魚腩蓉超香甜，打得好細滑，而且好足料，每啖飯都食到吞拿魚腩蓉👍🏻一啲都唔腥，食得出係新鮮嘅

今晚5個人，瘋狂地叫嘢食，因為價錢比想像中平，而且好好味，叫左幾個𨍭，其中有些食完再叫，真係好味燒燒雞軟骨✨火炙魚餅：這個好好味，食完立即再叫明太子煎蛋卷蔥吞拿魚壽司 帆立貝壽司✨雞翼：這個好好味，食完立即再叫，轉頭已經話冇晒免治雞肉串✨蟹肉豆腐牛油果沙律(芥末沙律汁)：這個好好味，食完立即再叫一個，因為可以中和一下其他食物銀鱈魚西京意大和風沙律(八爪魚)大阪燒豚肉shabu-shabu沙律(芝麻汁）南瓜沙律芝士年糕整體來說值得再去食，好正，員工服務滿意，經常加茶和收拾枱面

我又再一次光顧這間店以前住在紅磡嘅時候都常常去佢哋紅磡店，現在搬家之後就改為去尖沙咀分店。估唔到水準同紅磡店一樣’高‘每一次去都唔會令我失望，真係要比個👍🏻佢哋，食材新鮮、手工精緻，最重要係色、香、味都係高水準。無論係刺身、燒烤、烏冬、一品料理同烤魚都做得非常出色。刺身新鮮、烏冬煙韌、燒烤不會過火，烤魚更加有魚嘅鮮味同質感。至於天婦羅又不會似坊間一般咁油膩做到剛剛好。每一次想到食日本野又想坐得舒服😌，一定諗起稻庭養助這一間店，水準同去日吃一樣。 如果想食日本嘢又想坐得舒服，我會推介去這間店。價錢方面屬於中上，所以都並唔能夠日日去食😁 我會建議大家去食午餐，因為lunch set 比較低食😊

吃素後第一次來本來想點燒山芋看圖點餐點錯了魚板…幸好今天不是自己來不然就要打包拿回家了平常會點明太子燒玉子今天點了蔥燒玉子我的想像是原條蔥包在中間太瘋狂了嗎只是碎蔥蔥味更大而且不會怕難咬個人覺得好吃還有南瓜沙律加了蕃茄碎 沙律菜和提子乾幾乎全茸的南瓜很好地散發出清甜和香味間中會吃到顆顆的南瓜粒喜歡然後點了南瓜芝士可樂餅太久沒吃這些東西了完全忘了可樂餅是炸的不是它不好吃是在下對炸物普普通通吃了後其他食物都吃不下了不過裡面接近流心的芝士看到都讓人心情喜悅朋友說想吃雞所以他點了個雞煲在下就把裡面的菜全KO各有所須🤣

每次去都選擇困難症發作，因為實在好多款式，樣樣都想食，而且樣樣都真心好好食！去過N次都仲覺得有新鮮感。記得第一次食豚肉定食，係有驚嘆的感覺，香脆的半肥瘦豬肉，配上圓轆轆香甜既日本米，正！仲有炸雞同咖喱吉豬，皮脆肉嫩，而且份量超大，好抵食。服務很好，侍應會主動幫你斟茶，態度很友善。餐廳設訂座安排，係午餐約同事去Happy Lunch最佳選擇。

📌尖沙咀日本人主理 主打烏冬嘅日式餐廳稻庭養助係從日本過江龍過嚟嘅烏冬餐廳佢哋製作烏冬嘅歷史已經有三百幾年 而且一直都而家請嘅形式傳落黎 喺日本已經有好多間分店 即使過咗嚟香港 都係由佢哋呢一家人住主理的～除咗烏冬 其實佢哋有好多日本菜式都有提供 包括刺身 串燒 炸物 小食 天婦羅 等等 不過個人就覺得一場嚟到就是多啲佢哋嘅家傳烏冬😆🍴鰻魚天婦羅烏冬 ($138)佢哋都係一般餐廳上烏冬套餐 包括有日式漬物 冷烏冬汁 蔥 山葵 等等稻庭養助嘅烏冬唔係做煙靭style 都係比較清淡而且幼身嘅烏冬麵條🍜佢哋嘅冷烏冬汁唔係一般比較深色濃味嘅烏冬豉油汁 而係見到碗底 比較清澈嘅烏冬汁～由於麵條比較幼細 係食佢嘅滑滑口感所以用一個淡口啲嘅烏冬汁去配搭返個烏冬的確會比較好🙌🏻如果用濃味嘅醬汁應該會蓋過晒烏冬嘅麥香味🤔鰻魚天婦羅食落唔油膩 食得出鰻魚嘅魚鮮同鰻魚原先有嘅甜味 再加上佢哋嘅天婦羅汁 非常好食😋🍴黑豚Shabu Shabu 冷蕃茄湯烏冬 ($138)飲落去嘅蕃茄湯底非常清新之餘，大有濃郁嘅蕃茄味🍅😍用呢一種濃郁茄味而又覺得唔會過鹹嘅湯底配搭幼身嘅烏冬係一個非常聰明嘅菜式設計😎黑豚正常發揮

成棟大廈都係餐廳嘅集中地，但只有兩部lift，各自上唔同嘅樓層，所以晚飯時間要預多少少時間。呢度當然係主打稻庭烏冬，可以揀冷烏冬、沾烏冬同埋湯烏冬。另外都有刺身同埋串燒可以選擇。黎到係有啲失望，雞肉只有兩舊仔，好細粒，最多嘅係牛蒡、淮山同腐皮，湯底係濃濃嘅牛蒡味，感覺...健康。烏冬雖然幼，但依然保持韌度，係唔錯嘅👍🏻炸蝦天婦羅係另外加嘅。明太子非常鹹，加埋蛋食都溝淡唔到，有啲失望，唔會再叫。