日木三分 (已結業)

好耐冇食上海菜，今晚一家人嚟開北角搵食，路過呢間小店就入去試吓。呢度環境一般，地方唔大，只有幾張枱，睇個餐牌都唔少傳統上海小菜。冷盤烤麩做得很不錯，很有老媽的味道；不過再嚟個獅子頭就有點強差人意，啲肉質好削。值得推介的係松子黃魚，酸甜味配得啱啱好，外脆內軟，整體價錢亦非常合理。

原來日木三分仲有上海套餐食，呢間舖頭位於港運城後面，另一間係健威坊專食車仔麵，2間都分左前舖同入面位，入面無網絡覆蓋到，要靠wifi上網手機落單。講翻食上海菜既舖頭，小編午飯時間去到都有啲人等位架啦，但入面都仲有位。豬扒菜飯 3/5豬扒份量都幾大塊架，唔會過火既熟度，但菜飯好乾又無乜味，要加辣椒油吊下味咁😂，跟既奶茶麻麻地，奶唔香茶偏苦澀。咕嚕魚柳飯 3/5炸過既魚柳都幾香，唔會比醬汁整到淋曬，份量幾多，食唔曬添🤭🤭。地點:位於丹拿道，附近有繼園街，好出名既文化記憶，幾十年歷史既住宅群🫡🫡可惜將會清拆重建。環境:有烏蠅仔飛黎飛去，令人煩躁不安，入後面餐廳位要經過好污糟既巷仔。價錢:60幾蚊一個午餐真係好抵食架，但覆桌機會好微。服務:等左20幾分鐘先有得食，隔離枱個個有人等左30分鐘😓😓，自助式裝飯裝湯，手機落單。

冬天只得幾度，是吃酸菜魚的好時候-有麻香、有新鮮的魚（不是普通的火鍋用的急凍魚）和有大量芽菜加上酸菜爽脆、木耳等材料，吃兩碗都沒有罪惡感。如果有豆漿更好，可以解喝。上海排骨菜飯都好入味，會再encore.

今日又過海了，去到北角人流好多既一個區分，餐廳都好多選擇，今次目標搵間小店試下，門面就的確好一般，行到入去坐低睇下食咩，膽膽麵加份口水雞，小食有半價，口水雞老實講真係麻麻地，因為食到雪味，個口水醬汁覺得冇咩味，得d 油，膽膽麵就唔錯的，佢有個小食送比你，係1粒半車厘茄，唔駛錢就冇所謂啦，熱奶茶就唔夠熱，比較失敗，食左40分鐘左右，佢地都唔少外賣平台單，如果唔係堂食，叫平台可能就要預多d 時間了，總結就黎，$60 有一份雞，一碗膽膽麵和熱飲，小小的前菜就唔計啦，都算係底食的

之前幫襯日木三分車仔麵店的酸菜肉，店員通知此菜式已轉往上海式分店的。於是今晚試吓。原來這店是不同的，它們的酸菜魚係無附薯粉。有點失預算 和失望😞建議劃一服務，謝謝🙏🏻

外賣三餸麵，懷疑有條小蜈蚣在內。🤮 三餸當中也沒有菜只有羅白。雖然蜈蚣和清潔度好像沒直接關係，但還是相當噁心🤮本來覺得味道唔差但真是短期內不會再幫襯🤢🤢🤢

之前叫過幾次外賣送到屋企雖然唔會熱辣辣不過已經覺得味道唔錯尤其是排骨粗炒同回鍋肉炒年糕仲有好好味嘅排骨擔擔麵上星期行過舖頭不如入去食下午茶37蚊一碗擔擔麵加$10 有件炸排骨仲有杯飲品我覺得真係對得住呢個價錢面質係我鍾意嘅炸豬扒鬆軟加juicy 掂堂食真係感受到滿分今日自己一個悶悶地走去食個晏都係炸排骨擔擔麵出品完全保持水準 好味香港地可以保持水準嘅舖頭已經買少見少啊下次叫埋朋友一定要食埋回鍋肉炒年糕

每次係北角想食上海野既時候，都會選擇黎呢一間餐廳小店，因為係北角都好似冇咩上海餐館，而呢一間又係正我居住附近，所以我都間唔時會黎幫襯。午市既時候經常滿座，晚市就通常比較冷清，而我通常都係享受同兩老靜靜地係餐廳品嚐晚餐。😋開動喇~~松子魚🐟 $138賣相相當吸引，其實每次都覺得有松子魚食既餐廳，個廚師都好犀利，試想想廚師要反起條魚，然之後幫你起走哂啲骨，過程中又唔可以整爛條魚，刀功又要將肉切粒狀，廚藝真係要有返咁上下。同埋醬汁既酸度都係一門學問，酸汁既程度要襯托條魚又唔可以遮蓋魚既味道，呢間既松子魚食落去酸覆溜溜又食到魚既味道，相當開胃之餘，口感非常之好！專登為左個汁叫多碗白飯爆炒腩肉四季豆🐖 $78因為同父母食，人數少，又想食肉、又想食菜，呢味小炒滿足哂我兩個要求，菜同肉既比例平均，炒起黎鍋氣味夠，加上用辣作少少調味，完全食得出爆炒味道既香，爸爸完全唔食得辣都覺得好食！上海粗炒🍝 $48簡簡單單既粗炒，都係為左食餸唔想叫飯，但有少少偏油。對於晚市既價錢，價格合理，而且環境又坐得舒服，食物黎講係豐富好味，但不過以健康角度出發，食物略為油膩，口味偏重，但出得去食都無可厚非既。推薦程度 🌕🌕

小弟第一次寫食評午飯時間去食野，一個人都冇，可能時間尚早叫左口水雞菜飯 豬扒菜飯 同兩款小食,雞絲粉皮,蔥爆牛肉小弟對食都算冇要求,不過餐廳食物對比一般荼記濃味首先,口水雞菜飯,雞份量正常有1/4隻左右,但5-6件雞凍成一塊,可以成塊夾上黎,應該係雪櫃就咁攞出黎。。 最正係竟然唔麻唔辣啱啲食唔到辣嘅朋友口水雞菜飯一碗上,食到一半已油到食吾落去,本身一碗飯以一個男人黎講都吾算叫飽，但真係油到(見口水雞白飯係分上)建議大家去食果陣真係要落單果陣叫分開上友人 豬扒菜飯正正常常等左45分鐘終於上到碟雞絲粉皮同葱爆蔥牛分量以半價黎講都算多但真的好咸

之前同同事去食，去3次漏單兩次，好耐冇去，今日再去食，點知我朋友都食曬了，我嗰碗肥牛湯年糕未黎，死催爛催之下，個職員過黎話我知，原來冇肥牛，癡線，等左半個鐘先話冇呢樣嘢！原來冇食材唔駛話俾個客知，要客催單先轉其他嘢，好不負責任，我哋打工平日中午得一個鐘食飯，等左半個鐘先話冇嗰樣嘢，你話嬲唔嬲！點知轉左水餃湯年糕，水餃皮都未熟。以後都唔會再去，我朋友都話差左好多呢間野。而且，疫情期間入面房全部人坐齊曬喺入面，檯與檯都冇1.5米距離。

呢間上海菜館已經食過好多次，好抵食，習慣咗佢嘅價錢，一去到啲連鎖上海菜館就覺得好貴呢間舖頭我最推薦嘅一定係話梅骨($78)，每隔一個月就會又想食雖然佢排骨嘅部份肉質比較硬，但係個話梅汁真係好好味，仲會有啲話梅核喺入面，我會"損"埋啲核😂另外叫咗個口水雞($58)，呢個口水雞嘅大部分嘅版本比較唔知，唔係好辣，但係勁重蒜味，見到佢被厚厚嘅蒜蓉覆蓋，當自己食蒜泥雞肉其實幾好味😂最後叫咗個上海粗炒($48)，有椰菜同埋柳松菇，麵質都幾彈牙，但略嫌個汁如果再濃味少少就好啦

鑱咀萬萬歲!🙌🏻ChamZeoiLongLongLife🙌🏻🐭 “日木三分”萬歲萬歲萬萬歲！...🐭唔覺唔覺都開咗四五年，但總係唔太留意到佢，非常低調嘅小店。裝潢簡潔明亮，十分平民化。總感覺人氣不太旺，但原來和稈冚珍珠！係熊貓仔見到外賣有折，決定一試，結果一試就愛上！...🐭豬扒擔擔面 $58賣相👅👅👅👅👅味道👅👅👅👅👅口感👅👅👅👅👅份量👅👅👅👅👅性價比👅👅👅👅👅湯底可以揀辣(大/中/小）或者唔辣。香濃嘅麻醬配上紅醬油，風味絕佳！花生碎丶肉碎丶蔥花令口感更為豐富！調味料比例絕佳，惹味非凡！湯嘅濃稠度很高，能夠掛在軟棉嘅麵條上。豬扒亦非常香酥嫩滑.....🐭回鍋肉炒年糕$60賣相👅👅👅👅👅味道👅👅👅👅👅口感👅👅👅👅👅份量👅👅👅👅👅性價比👅👅👅👅👅醬汁香濃惹味，妙得很夠鑊氣！回鍋肉爽滑，年糕柔軟煙韌，食到停唔到口～不過…叫過幾次嚟食，唔係每次都兜得咁均勻。例如相入面呢次就比較唔均勻，有啲年糕仍然黐住，不過味道依然絕頂！...🐭 3分醬炒飯$48賣相👅👅👅👅味道👅👅👅👅口感👅👅👅👅👅份量👅👅👅👅👅性價比👅👅👅👅👅炒飯非常鬆軟，飯粒分明，充滿蛋香！裏面有大量配料：鹹肉、菜粒、蝦仁、蔥花等等，調

日木三分是一家，沒有最失望，只有更失望的餐廳是次光顧為外送速遞服務，或許餐廳生意真的非常好啊，本來三十分鐘的送餐時間，足足用了一個小時才能送到享用是次點了三道菜，豬扒菜飯，回鍋肉粗炒及醉雞。考慮到外送會影響一點餸菜品質 評分已打八折豬扒菜飯送到的時候飯是暖的，豬扒又淋又乏味不知是店家放置太久，還是送餐人員沒有準時取餐原因。又乾又沒味道，太難吃了吧回鍋肉粗炒飯是涼的，粗炒竟然熱得冒煙。滿心歡喜的想終於有道正常，顏色又得漂亮應該不會差。天阿 這麼漂亮的粗炒 竟然一點味道都沒有大概是放了老抽，沒有放生抽和鹽吧？廚師今天是不高興嗎？醉雞沒有特別，很濃的酒味點了兩個主菜，兩個都負分，最後飯、麵都要翻炒才能吃，已經沒有外送的意義了。這次是第一，及最後一次享用 日木三分。ps.外送員態度都非常差，真的不知是外送出問題或是廚師

在北角區行完待後，選擇了這間上海菜，店舖面積不大，但女店員十分有禮貌，看了餐牌後決定叫一個三人套餐，價錢$298，套餐包括三個頭盤和三個主菜，主菜和頭盤的份量也十分多，主菜叫了回鍋肉，糖醋愉快，蔥爆牛肉，而頭盤就叫了雲吞雞，肴肉和蒜泥白肉，最後還加了$20吃了豆沙鍋餅，整體來說性價比十分高

黎過呢度食咗兩次下午茶，睇招牌原本以為係食日本菜，但入到去先知係食上海菜！擔擔麵 $30豬扒 +$10——————總數 $40擔擔麵：- 湯底濃濃花生醬味、比較杰身- 配料如蝦米、碎蔥令整體口味更豐富、重口- 麵條入味，條條都充滿花生汁嘅香味- 適合重口味人士- 感覺稀釋少少個湯底會好啲- 依家有啲似重口花生醬撈麵- 但好好食，好入味，我好中意同推介！豬扒：- 唔係脆皮- 內裡係鬆軟- 鹹度剛好可以就咗齋食- 點湯就多一重花生醬味，都好好食次次去親都唔多人，可能因為我係下午2點幾3點去。其他食物唔知，但擔擔麵推介中意食重口味嘅人一試！