Waffle Corner (葵涌廣場) (已結業)

芋圓甜品🍮周圍都有得食 但係呢間絕對推介！因為佢嘅配料係可以任加 超抵食！加晒全部配料 滿滿一大兜甜品 真係勁大份 夠幾個人食！選擇困難症嘅都唔使煩 一次過嗌晒全部配料 口感真係超豐富！不過真係建議同人開心分享 如果唔係食到一半就會好飽😂

呢間小店係2樓好多時候都會經過但唔會特別再意😗小店有好多小食可以選擇包括薯條🍟炸物🍤甜品🍮手撕雞🐣等等,今次就試咗窩夫🙌🏻🔸芝士煙肉窩夫🧇 $33配料有煙肉🥓蘑菇同芝士🧀窩夫係冧身個款👐🏻 好似自助餐嗰啲窩夫🤧好乾😶而配料同窩夫一齊食完全食唔到窩夫嘅味😩 加上窩夫同配料完全唔夾🥲分開食比較好食😤🔸可能係今次叫錯嘢食,小店其他食物好似都正正常常🥺有機會嘅話試吓其他嘢🥲

葵廣竟然有難食既野！？🤢😵‍💫仲要foodpanda有4粒星！厄錢厄到暈😵‍💫 諗住tea time食章魚燒（丸）點知食落口系實心，成粒魚蛋甘😢吾係平時食開既章魚🐙小丸子！連牛丸味既魚蛋都好食過佢。 大家唔好浪費錢啊！ 除非你想試有幾伏。伏完再伏， 西米露竟然系酸既😣 希望食完唔會肚痛🥺上openrice睇返，有唔少人真心寫食評講返真心話。大家有時間就上去睇睇。 唯一可以講下芋圓好多下，但成兜野冇味（都好過酸既西米露🥺😢）手撕雞腸粉：超鞋既雞肉同乾珍珍既腸粉，又系難食！😩千祈唔去食！ Waffle Corner (葵涌廣場) 葵芳葵富路7號葵涌廣場2樓2020號

👅 手撕雞腸粉（Wasabi）唔好睇佢個面好平平無奇，其實佢個底啲汁一啲都唔會同你慳🤤啲腸粉又熱又滑，面頭嘅手撕雞又係好嫩，加埋成個底都勁多勁濃嘅麻醬甜醬豉油，當然唔少得係佢恰到好處嘅wasabi 汁，撈埋一齊食成件事好滿足😍

章魚燒（佢仲要寫秘製章魚燒...唔知話試咗返唔到轉頭定咩嘢）勁似買急凍章魚丸去做出黎，上面再加章魚燒嘅汁同埋木魚，注意，係章魚丸（類近墨魚丸）唔係章魚燒，我寧願佢買Donki急凍章魚燒去做都好過章魚丸...不過價錢唔算貴既...黑松露炒蛋窩夫黑松露炒蛋正常啦，唔係出色，個窩夫...食唔落...淋到爆..冇味..（但有機會係擺耐左，因為等個個章魚燒好耐，加上係買番去食。）麻辣手撕雞腸粉零麻辣味，腸粉同雞一般...

以前有食過佢隔離果間無辣不歡既手撕雞，我自己就好鍾意，今次見到Waffle Corner原來都有手撕雞食，一於試下😜不過試完之後都係覺得無辣不歡好食好多。 1⃣️wasabi手撕雞腸粉（$26）手撕雞麻辣味就食過，wasabi味真係第一次見，好奇所以就嗌左黎試下🤨手撕雞既份量唔算多，食落覺得完全食唔到wasabi 既味，好失望😔覺得個手撕雞同腸粉同普通落胡麻醬既差唔多，而且份量偏細。

去葵廣最開心就係唔洗焗住食一種菜式，可以邊行邊掃街，每樣野都食少少，啱晒為食但又唔想洗咁多錢去餐廳食既我地嘻嘻。掃街最開心就係可以食埋甜品，要知道出去餐廳食唔係到到有甜品架，對於我呢啲甜品當正餐既人真係最幸福既一餐。二樓同三樓都有好多好野食，而二樓呢度就有痴住兩間都甜品既舖仔，一間係Waffle一間係梳乎里。掙扎左好耐食咩好，最好真係揀唔到決定食晒兩樣！今日真係好開心！Waffle揀左藍苺士多啤梨，配朱古力雪糕。窩夫有兩大塊，一邊吱左好多Cream，放左啲新鮮藍苺同士多啤梨係上面，另一邊放左拳頭咁大既雪糕球。窩夫烘得好脆，配生果忌簾同雪糕其實係冇得輸既配搭，都唔洗多講，下次可以既話要試試個招牌棉花糖Waffle，應該更加特別。

Waffle Corner, 葵涌廣場🥞呢日係特登黎葵涌廣場試係唔同店鋪小食。由於我個人實在太鐘意食燒賣、餃子同車仔麵(個人最愛銅鑼灣榮記車仔麵)，所以決定係葵涌廣場搵左兩間好多人推介既孖寶車仔麵同爽肉餃子專門店。最後食左一輪咸食想食個甜品就買左個綿花糖waffle。坦白講，食物未必係驚天地咁好食，但呢個價錢都真係物超所值，大家黎到葵涌廣場不妨試試。. 🥞招牌綿花糖WAFFLE $28.🌟Rating: 6.5/10📍葵芳葵富路7號葵涌廣場(2樓2020號舖)

嚟到葵廣點可以唔食呢間waffle corner, 佢哋貼到成間舖頭都係滿滿嘅食物照片，超吸引呀！成個design都好靚好有心機，今次就食咗超長嘅薯條，薯條真係揸得超好食呀，揸到外脆內軟，重點真係香港係好難好難可以識到啲咁長嘅薯條，起碼喺其他地方好似都冇乜點食過，加埋佢哋嘅醬汁真係冇得輸。而朋友就order左雞翼尖嚟食，好平呀$10就有細細兜，過下口癮都幾爽㗎，都好推介大家黎呢間食呀，其實除咗薯條同雞翼尖都仲有好多唔同款式嘅嘢食，有機會都想試吓。

葵廣多好西，手撕雞乜乜乜都有好多間做，競爭相當激烈，今日試下waffle corner手撕雞腸粉($27)，打開蓋先知同想像中唔同😂我以為連腸粉都會手撕到一片片一塊塊咁😂真係諗多左！味道係ok嘅，又夠熱辣辣，份量不少。老實講就係普通港式小食麻醬甜醬腸粉，再加啲有味手撕雞，好難會難食😅只係無乜驚喜無乜特別🌝中規中矩啦。想食豐富版嘅腸粉，一試無防嘅。但唔試亦無損失。下次有機會試下海蜇手撕雞似乎特色啲😋。

💛真正重要的, 用眼睛看不見, 在心中💛 一去到葵廣有勁多良心小店掃街, 同聲同氣既感覺真係好正! 本身睇店名以為淨係得甜品, 原來連咸食都有, 例如手撕雞腸粉、長薯條、撈麵、雞翼等, 而店內甜品仲有雪糕、芋圓糖水等, 下次可以一次過去掃埋! 🍴本身想點"藍莓士多啤梨窩夫", 但黑腳嘅我地成日想食嘅都賣晒😩, 就揀左🍓"士多啤梨鮮忌廉窩夫"🍓, 小店喺即叫即整, 等左10-15分鐘左右就有, 大家可以落完單去附近掃埋其他野/ 行下街再返去拎~🧇窩夫餅底好鬆軟, 外層好香脆, 但就爭咁d蛋味, 面層鋪滿鮮甜士多啤梨同鮮忌廉, 淋上一層朱古力醬, 仲配埋好大球雪糕, 可自由選雪呢拿/ 朱古力/ 士多啤梨/ 曲奇/ 綠茶/ 芒果, 抹茶控嘅我地揀左綠茶味雪糕, 雪糕喺佢地自家製, 雖然冇抹茶回甘既苦澀味, 但質地都好實, 唔會太甜, 配合埋其他配料同窩夫食, 整體好夾! 👍🏻而且份量一D都唔細, 食到好飽XD 呢個價錢而言, 質素中等, 算係幾抵食!!☺️

1. wasabi 手撕雞配海蜇/腸粉（$27)黎到waffle corner唔嗌waffle! 黎而俾佢個wasabi手撕雞配海蜇吸引左，海蜇係爽脆既，手撕雞都滑，但最初好多唔感受到wasabi汁既味，好似原味咁，後來再請店員加多d!! 又真係幾wasabi, 記住中意濃味既可以落多d汁

葵廣出名多好嘢食睇到眼花凌亂，但講到一定要食嘅一定係手撕雞腸粉😋 仲要去到全個連儂牆💛 -🔍 麻醬手撕雞腸粉 $26 醬汁上麻醬混合甜醬加腸粉幾好食，不過手撕雞方面，個人唔鍾意食雞皮但佢好多雞皮🤢 不過份量都算多😛-📍 葵芳葵富路7號葵涌廣場2樓2020號舖

咁啱想食章魚燒，附近另一檔等極都唔見人，見到呢間都有賣，算啦，就試呢間。見到18蚊4粒，23蚊6粒，因為我極度鐘意食章魚燒，所以就一次過叫6粒，俾完錢後非常後悔。因為我見到佢係雪櫃，拎左一大袋章魚丸😭原來係賣到章魚燒既價錢既章魚丸，然後就等佢加熱。終於出貨，點知仲要唔夠熱，我十分後悔，用咁既價錢只係食個d唔夠熱既章魚丸，仲要浪費我d 熱量Quota。然後，我睇番個牌先知佢真係賣章魚丸，仲話好食過章魚燒。。。。。。差好遠囉。章魚燒外脆內軟，仲有粒章魚鬚嚼下，層次豐富好多。用章魚燒既價格食急凍章魚丸，仲要加熱都唔夠熱，伏到爆。

掃少少街先食野 忍唔住嗌左啲重份量嘅前菜當係開下胃先........🤠.....最後 好似無食到正餐 因為已經飽了😅📔 黃店 Waffle Corner 有罷市———————————————————特長薯條配黑松露醬($30)長薯條第一次係喺日本食 今次再食 好似好食過日本🤣成條都脆身 入面薯肉好多 重點又係黑松露醬呢個配搭拒絕唔到🤣🤣🤣當然醬都夠松露味先有得加分 絕非純沙律醬🌞味道：🌖 (評分：正🌕🌖🌗🌘🌑不了).椒鹽燒賣($4/5粒)嗌薯條仲可以用呢個價要多幾粒炸燒賣脆得黎香口 燒賣幾煙靱 唔會重脂味 又唔油椒鹽惹味 好食😋.味道：🌖 (評分：正🌕🌖🌗🌘🌑不了).整體分數: 📒✍🏾7.5/10🤓⛅️