雲貴坊 (已結業)

好似由2018年就發現呢間店，之後就不停同朋友過嚟食。我地會叫好多餸，大家share食(佢好多餸會用碗裝，吾會破壞碗粉既調味)超中意叫麻辣豬耳，腩肉，香茅豬扒，麻辣雞，皮蛋，豆角。。。太多不能盡錄佢既辣味非常豐富，同出邊果種死辣完全吾一樣，就係講你（譚x）款色吾同，辣味都吾同而且份量超多，我有個大隻fd 叫加底，果盆米線。。。自問淨食粉都未必食得哂。食完真係返吾到轉頭。依家一諗到以後都冇得再回味，頗覺傷感。希望店主搵到地方再開，一定會幫襯

最近特別感受到身邊好多事物都可以突然消失，更加想喺佢哋仲喺度嗰陣好好珍惜/記錄餐廳公布咗7月15最後一日營業先識嚟，成日嚟深水埗搵食都無留意到佢有飯有麵，餐廳標榜嘅係正宗雲南米線，點餐紙嘅設計寫得清楚又細心，任何類型嘅辣、配菜組合、飲品要求、多、少、要唔要都照顧到米線嘅話嗌最少3餸、最多6餸，仲有熱撈(仲以為深水埗得川xx食有)!我嗌咗熱撈，餸就係分開上，細食女生表示份量多到食兩餐都得(下次嗌少米)主角係米線要講先，標準嘅米線好煙韌，應該係大部分人追求嘅嗰種口感，(但我個人鍾意稔嘅，下次要喺紙上圈埋)，味道咸淡適中，蒜香味為主，食到尾嫌乾嘅話倒啲餸汁落去撈一撈都得3餸嗌咗麻辣雞腎、麻辣豬耳、酸辣海帶，辣度嚟講3樣都唔太辣雞腎嘅肉質食落有牛舌嗰種稔滑，連啲筋都唔韌好易咬，高質嘅！豬耳爽脆得嚟唔會有肥膩感海帶嘅主調嘅鎮江醋，雪凍咗好清爽，咬落嗦嗦聲，開胃!奶茶偏甜，嗌多奶真係有畀多奶，正相逢恨晚，仲有半個月要多啲嚟食

返完教會，同細妹食午餐；呢間小店，論食物質素同份量，都絕對值得支持！店主同員工亦好親切、好好人！我只係點咗碗四餸米線(娃娃菜、腐竹、雞肉同魚蛋)，點知上枱時嚟咗一大窩！令我大吃一驚！真係晚餐都唔駛食喇！論味道，娃娃菜新鮮爽甜、魚蛋肉質彈牙紥實，我喜歡；雞肉嫩滑入味，一啲渣都冇；係唯獨腐竹煮得唔夠腍，略嫌硬咗少少！配菜好多，我最喜歡芽菜；不過可能因我叫小辣關係，有頗多辣椒籽，飲湯不時咬到啲硬粒，感覺怪怪地！講開湯，我覺得都好夠味，基本上我全碗清哂！細妹嗰碗更加唔駛講，直情勁辣勁豐富(我細妹好喜歡食辣嘢)！我亦試食咗佢哋嘅娃娃菜肉水餃，味道唔錯、菜肉均勻、甜甜哋、頗美味！由於我唔食炸嘢，碟豬扒雞翼細妹一個KO哂！佢食到讚不絕口！我聽到佢咬落去時好酥脆，齋聞都覺得好香、好吸引！兩個人食到飽，只需一百多少少！呢間小店係店主夫婦開嘅，兩人夫妻檔上陣，再加個樓面姨姨；平日有做學生餐同下午茶九折優惠！論味道同服務態度，我覺得都值得支持！大家下次有時間，不妨行入去試試！

疫情期間盡量都少出門口，今日放工經過深水埗，專登過去捧場，好掛住佢哋特辣嘅米線，食完之後刺激一下，精神一陣！更加掛住佢哋小店嘅人情味，疫情期間相信全港嘅小店都面對困難，有能力嘅話我哋都要多多支持！老闆推出左全日外賣九折優惠，齊心抗疫，店舖裏面仲提供紙袋俾客人放口罩😷好細心呢！講返啲食物，水準依然一樣咁高，今次特別要讚啲豬頸肉，炒出好爽口，有好香嘅蒜片味；另外我仲加咗紫菜、冬菇、雞肉，非常入味，冬菇炆得好淋，仲有伴碟嘅花生簡直係精華所在，因為啲花生粒係老闆自己炒嘅，同出邊買嘅真係好唔同，連埋米線嘅汁撈埋一齊食，簡直一流！呢度嘅食物，每款餸價錢比起大型連鎖店平均都平$1-$3，所以誠意推介俾大家！

自從六月開始，香港從此不一樣了：以往深水埗就是人來人往的地方，也是尋寶覓食的福地，現在人流少了，街頭巷尾也只剩孤寂，香港人實在太累了...小店的經營就更艱難了...今天來到深水埗，為了化悲憤為食量，特意來到雲貴坊，因為這裡的特辣就是非一般，吃完可以噴火，辣味十足，正好抒發一下心中的怒火！照舊的淨餸，一樣出色：自家炒花生，香脆可口豬腩肉炆得好淋好入味，必吃雲耳冬菇酸菜浸在辣汁中，份外惹味雞肉嫩滑，份量足青瓜免費加的，爽口另加一碟上湯娃娃菜，最佳配搭另外仲有自家製酸蘿蔔，雖然我冇食，但我見其他食客吃得滋味！同老闆娘傾開，最近店舖的生意額都下跌了兩成，經營十分困難，真係好擔心咁用心經營和有人情味嘅小店是否可以捱得過今次的寒冬...老闆娘仲好關心食客的近況，擔心我們夜晚回家的安全...如此有人情味又美味的小店，絕對值得推介給大家，希望大家多多支持！

幾清淡同健康 服務都唔錯 我叫咗雞脾菇($5)銀針菇($5)同埋豬膶($7)清湯米線($21) 共$38個人覺得有d貴..但係d醃蘿蔔真係超好食!!我食咗半碗啊呵呵呵

今晚經過深水埗，好想食辣野，行過呢間小店，見到啲米線有好多配菜，價格便宜，所以一試店舖光猛，有卡位，座位闊落我好鍾意食辣，所以點了特辣，另外點了豬軟骨、雞肉、雲耳、冬菇，配娃娃菜豬肉水餃底，另加了一碟涼拌靑瓜，全部都超正：辣味十足，食到噴火好惹味；豬軟骨炆得好淋好入味；其他餸份量都好多好抵食；涼拌青瓜爽口入味；水餃好足料啖啖餸！呢間小店好有人情味，老闆及員工會熱情打招呼閒話家常，性價比高，一定會再幫襯！如果好辣者就一定不能錯過！

我好少寫吃評。以前係屋企樓下會好常吃，算係唔錯好吃嘅米線。搬咗之後我都有幫親過但呢次係我最後一次！老公之前吃過話越來越難吃我唔信今日走咗去吃。叫咗酸辣米線小辣，首先湯底完全無味道，唔辣唔酸係完全無酸辣味！只係見到紅紅色嘅湯底😓 配菜叫咗腐竹（好硬！硬到我吃咗頂住個心口！），肥牛（正常），cheese腸（正常）重點來了，麻辣雞（來到時候嚇咗一跳，以前一直想叫麻辣雞但無叫到，今次叫咗，唔係你想像嘅麻辣雞！而係辣椒絲炒雞而且雞好大冰鮮味道！點改叫做麻辣雞？)目前我吃過最難吃嘅米線，sorry真係真心難吃。唔會再幫親。

每次去雲貴坊通常都會叫同款的食物：水餃底-因為啲娃娃菜豬肉好夠份量，皮薄餡靚自選餸菜方面，必定會叫：酸菜、冬菇-夠入味雲耳-分量多雞肉-大大嚿有口感豬軟骨-炆得好淋前幾日去食，另外叫咗豬扒同雞翼唔試過真係唔知，好驚喜：豬扒肉質嫰滑，大細剛剛好放入口，唔會太大塊食到嘴邊都係油，老闆好細心；炸雞翼熱辣辣即炸即上，好惹味好香口，真係估唔到小小的一間米線店舖，每一款餸菜都係用心製作，值得推介！當然啦鍾意食辣野嘅朋友一定唔可以錯過，因為呢度嘅勁辣調味係出邊真係搵唔到！最後最喜歡喺呢度老闆同埋員工嘅人情味，每次見面都會互相打招呼問候，亦記得大家食啲乜嘢，喺呢度食飯好有屋企嘅感覺！

平時食米線都係去大集團果間，既然經過見到有間米線就入去食，點左墨丸豬耳小辣，一d都感受唔到辣，而且墨丸個心仲有少少凍，淥得唔夠耐，豬耳算正常既，整體真係好唔掂，我寧願行多兩步食大集團果間。

我真係超鍾意食辣野！尤其放工好攰，好想食辣野醒一醒神，雲貴坊一定係我首選！佢嘅米線底選擇好多，我試過米缐，薯粉，刀削麵，烏冬，全部都好正，尤其刀削麵，夠正宗！又可以改為水餃，所以如果嗰日唔係太肚餓，可以將米線改為水餃，好細心的安排！水餃係娃娃菜豬肉餡，餡料又多又新鮮，水餃皮厚度適中，有時好怕其他地方啲水餃皮好厚，食落口成個粉團咁！跟住我就會叫好多餸，呢度嘅餸款式好多，價錢亦都好優惠，好似豬軟骨，如果出面食，可能要加10幾蚊，呢度$10就有，炆得好淋好入味，我每次都會叫；另外雞肉都係，唔係雞絲咁簡單，真係一嚿嚿雞肉，仲有雲耳冬菇，全部都大大嚿，咬落有口感；特別要讚佢哋嘅花生同埋青瓜，係附送嘅，老闆娘好好，我成日都想多花生多青瓜，佢哋都會加俾我；最重要嘅係佢哋嘅辣椒粒和醬汁真係全港獨有，我經常周圍食辣米缐，但係冇一間可以比得上雲桂坊，呢度嘅辣椒真係好香好夠辣，每次食都要飲支汽水，又刺激又醒神！講真有時去小店其實都係喜歡當中的人情味，誠意推介俾大家，希望多啲支持小店，因為佢哋嘅生存已經充滿挑戰，一啲都唔容易！

又係時候食我最愛既雲南米線!見D comment甘好又係屋企附近。星期六lunch time都吾full，我一個人坐左張四人枱。我叫左個酸辣米線中辣加麻辣豬頭肉，豬腩肉同鮮竹。碗面一來到我就試左個湯先，麻麻地，太酸同好辣，平時食開大辣叫中辣都覺得好激，成個碗底都係辣椒碎🙈🙈。D腩肉同豬頭肉分開一碟上，依碟完全arm晒我口味，又麻辣又香，份量非常十足!!依度係好好好抵食，價錢又平又大碟，下次會試佢既麻辣撈面，同口水雞，一定好正 😋😋

我超級好辣! 去到邊都食最辣, 譚仔的勁辣已經好普通了...終於找到最辣的米線了: 雲貴坊店中的麻辣勁辣非常刺激惹味, 是傳統的雲南麻辣椒粒, 超級好味我食開乾撈米線, 又可以加$6轉水餃底, 唔駛太飽食咁多粉自加餸料, 性價比超值:$5一款: 酸菜; 雲耳; 冬菇 (好多好入味)$7一款: 雞肉 (大大舊有口感)$10一款: 豬軟骨(大舊入味足料)乾撈送青瓜花生, 可以加碼, 不用另外收錢, 人情味十足老細及員工都好好禮貌是人情味性價比一流的小店我個個星期都要食幾次頂下辣癮誠意推介俾大家! 

同細妹去深水埗買完嘢，呢度可以話係佢必到之地，是日晚餐，大大碗米線外賣，細妹食餸我食米線，佢要勁辣我要唔辣，難得店主姨姨完全滿足我哋需要，兩大碗，分開上，份量之大，睇見已飽！細妹好鍾意食辣，亦成日四圍食，呢一間係佢深水埗首選，主要優點有四：辣味足、味道好、份量多、店主nice, 結果攪到佢食過返尋味，成日嚟幫襯！細妹每次都叫五六個餸，今次亦唔例外！酸菜(爽脆)、雞肉(嫩滑)、冬菇(賣哂時就叫雞髀菇)(入味)、豬軟骨(多汁)、腩肉(惹味)，再送一大堆爽脆青瓜同花生，拌埋辣汁一齊食，見佢邊食邊流汗，邊食邊噴火，但好享受！好開心！平時細妹會加$6叫紹菜豬肉水餃俾我，今次我主動要求試米線，我唔鍾意食辣，姨姨俾鹵水汁我，再加少少蒜蓉同花生，同樣美味！不過由於份量太多，我要分兩餐食！跟細妹去過三次買外賣，每次店主姨姨都好親切滿臉笑容，有講有笑，呢啲溫情小店，絕對值得支持！聽姨姨話佢哋開朝十一晚十，年中無休！真係好勤力！大家如果喜歡食米線或辣嘢，不妨走去試吓！

今日喺深水埗度行咗一陣街，好快就已經肚餓，所以冇乜點諗就入在一間米線店度食。一開始以為佢係雲貴軒啲friend，但係原來唔係😂😂😂有一個嬸嬸喺度做曬樓面，又做埋水吧，好犀利一腳踢。 menu上面有好多好多嘢簡基本上你食碗麵都可以自己決定做曬box無論係配菜呀定一話係湯底呀又或者係一啲嘢酸菜呀芫茜人沖涼呀唔等等全部都可以自己決定個份量同時啲餸易都好平嘅入五蚊起了十蚊， 任君選擇，圈得非常開心~米線呢度有夠哂大碗，而且又熱辣辣。湯底我就叫清湯，男朋友就叫咗麻辣。咁清湯就冇味精嘅感覺嘅，而且佢既清湯比起譚仔幾好味得好多，再加上又可以自己揀要啲乜嘢嘅配菜，我可以完全任性咁樣偏食呀😘😘😘😘😘😘😘同埋可以食到好多我鐘意嘅蔥！！太岩我口味食得非常開心！魚皮餃七蚊有三舊啦，其實都幾抵食嘅。我叫咗一個五蚊嘅時菜，今日係娃娃菜，碗面好清淡喇同健康又好味道。非常欣賞呢間舖嘅米線呀。男友既麻辣湯底都啱啱好，可以揀到佢想食嘅bb辣！啲味又唔會話好辣，真係令到條脷係麻麻哋嘅😉😉😉仲要叫埋凍飲兩三個送，四十蚊搞掂，姨姨又超好人，香港人撐番香港人既鋪啊