丼吉日式吉列豬排專門店 (新城市廣場一期)

營業中

休息中

今日同老婆仔女行完沙田新城市廣場，就諗住食個晚飯先返屋企。見丼吉就腳就入咗去。一坐低就叫咗碟前菜拼盤，有枝豆、凍豆腐同八爪魚芥辣秋葵。枝豆熱辣辣，鹹鹹地好醒胃；凍豆腐好滑好香，配埋木魚絲同日式醬汁，食到停唔到口；八爪魚爽口，秋葵配埋芥辣一齊食，好爽脆。成個前菜拼盤都新鮮，做宵夜一流。跟住個主菜吉列豬柳定食，有漬物、味噌湯同生果。漬物開胃，甜到漏；吉列豬柳炸到金黃色，肉質軟綿，一咬就散；豬扒金黃香脆，食落爽口唔會太膩；豬柳同豬扒配埋芝麻、豬扒汁同海鹽一齊食，口感豐富。炸大蝦炸到金黃色，啖啖肉，有層次；定食配埋椰菜絲同白飯，椰菜絲新鮮爽口，白飯軟綿，仲可以任食添；味噌湯鹹度適中；最後個生果西瓜，清甜解膩。成個吉列豬柳定食材料足料，口感正。丼吉坐位闊落，嘢食好食，口感豐富，我哋一家四口食得好滋味。

位於沙田新城市廣場一期七樓既日式吉列豬排專門店，今次是第二次去dinner，原來時間上都格左差不多兩年了。今次照舊order二人套餐，吉列豬扒，吉列豬柳，吉列大蝦味道沒有變，依然十分十分的好味啊😋👍！而今次更加特別感覺到服務態度十分好，笑容好又殷勤招代，所以系食得開心又滿足的。🙂最後我提醒大家，最好不要order“汽水”啊，因中途在沒有看餐牌下点了一罐Zero coke....埋單竟然收$38罐😲🙄🫣，連加一服務費即是$42，太貴太離譜吧！😵‍💫提示： 沙津菜同飯是可以免費添加的， 西瓜同玄米茶在飯後免費提供的！

今日和老婆往新城市丼吉食午餐,我們點了特選吉列定食二人前,我們升級了凍咖啡和日式朱肉湯,特選吉列定食前菜有八爪魚芥辣毛茄,薯仔沙律和醋蕃茄,八爪魚芥辣毛茄辣度適中,八爪魚食落彈牙,毛茄爽口,薯仔沙律食落味道爽脆,醋番茄食落醒胃,主菜特選吉列盛合有宮崎牛肉,鹿兒島厚切豚肉,大蝦和廣島生蠔,特列特選盛合賣相吸引,宮崎牛肉炸得金黄,肉質香濃,鹿兒島厚切豚肉肉質食落爽脆有油花,大蝦食落新鮮彈牙,廣島生蠔食落鮮甜肥美,白飯飯粒軟綿,椰菜新鮮鮮甜,味噌湯咸度温度適中,凍咖啡飲落味道香濃,最後甜品是綠茶雪糕食落茶味香濃,紅荳甜度適中,餐廳座位舒適闊落,食物炸得香脆金黃而不油膩,我和老婆食了一餐好味日式午餐

特上吉列豬扒豬柳定食（二人前）$468吉列豬扒帶有油脂，脂肪分布並唔均匀，食到邊邊嘅肥膏位會好膩，但肉質較豬柳軟腍；炸粉係脆口嘅，不過好鬆散，一咬炸粉就同舊肉分離，而且未係好做到酥脆嘅感覺。每個套餐都包白飯、麵豉湯、漬物同生果；白飯同椰菜絲仲可以免費refill添。椰菜絲配上柚子汁或紫菜汁，食落好fresh，可以balance返食吉列豬嘅油膩感。〰️〰️〰️〰️〰餐廳主打食吉列，但我覺得吉列嘅質素未算好出色，炸粉粉漿偏厚，而且一咬就會皮肉分離，普普通通。店員嘅服務都好好，會主動問要唔要refill白飯或椰菜絲，雖然都好進取咁問我哋會唔會join會員，但會比足空間你諗同埋唔會死sell爛sell，唔join都唔會轟炸你😂特別一提係餐廳會收$9一位茶錢，係日式餐廳嚟講都比較少見，如果介意嘅話，就自己衡量下😅〰️〰️〰️〰️〰️食物: 3.5/5性價比: 3.5/5 環境: 4/5服務: 4.5/5Revisit: No〰️〰️〰️〰️〰️

裡一家用的料還是不错的（沙田新城市廣場）今日送耳機返去保修，路過裡家TONKICHI🦐🥩定食🦐裡面還有汁，超級大，外面很蘇脆，好爽口彈牙，好新鮮，好好味🤤用的豬肉沒有腥味，吃起來很細膩，外面的炸衣唔厚，炸的啱啱好😋7F，這份328，淺吃一頓吧。咁其實價錢方面仲有茶位費（玄米茶），9蚊米飯用嘅係日本米，幾好食，仲有好多菜絲，都係可以免費加的，可以食到非常飽，飯後有西瓜爽口，西瓜幾甜雖然貴小小，但係值得！

日本餐廳真係最好嘅親子餐廳，唔驚小朋友冇啱嘅嘢食，我地叫左二人套餐，吉列大蝦大大隻，而且豬扒岩岩好，我女最鍾意食茶碗蒸。而且可以另加個烏冬，真係唔好錯的選擇。環境舒服，食物質素高午市有套餐，外賣有優惠

噙日幫襯平日午餐餐牌，叫咗3個午餐，炸豬排 冇肉汁，除此 𧐢、豬柳及炸蝦仍然保持水準😋😋😋服務人員，維持良好服務，經常問需唔需要加飯或菜🤣🤣🤣整體優良👍🏻👍🏻👍🏻

吉列豬扒是一家位於沙田市中心的專門店，以豬扒定食為主打菜色。每個定食套餐平均價格約為300至400元，包括無限添加的日本珍珠米和椰菜沙律，讓人飽足感十足。首先，讓我們來談談吉列豬扒的招牌菜豬扒。這道菜採用了厚切豬扒，表面煎至金黃酥脆，內部仍保持著豬肉的鮮嫩口感。搭配上店家自製的吉列豬扒醬一流。除了豬扒，店家的配菜也很值得推薦。日本珍珠米粒粒分明，口感十分香糯。椰菜沙律則清爽開胃，可以讓人在享受豬扒美食的同時，也能夠保持口感的多樣性。而且店家提供無限添加，讓人可以盡情享受食物的美味。整體而言，吉列豬扒是一家值得推薦的餐廳。除了美味的豬扒外，店家的配菜也非常出色。而且店家的服務也十分周到，讓人在就餐過程中感受到溫暖和舒適。如果你正在尋找一家高品質的豬扒餐廳，吉列豬扒絕對值得一試。

冇錯，哩一篇拖延症的探店 文🤣 新年初五去的，真系人山人海，如果唔系因為旁邊果間服務太差（就不指名道姓了，餐牌同我之前介紹過賽馬會那間一樣的，當時門口冇人招呼都有幾個人係度排隊，突然有人出來有個新來的問就放進去了，後面我們出面有意見就叫我們要取飛（根本沒人派¯\_（ツ）_/ ¯）連句唔好意思也冇），我都唔會發現哩間店，當然一早吃炸物是有d漏啊，不過都幾好吃，出乎意料呢 😋🍱 本店特選吉列定食（三人前）有上級猪扒、猪柳、大蝦、生蚝四款食材，據說猪扒係最出名的，但我覺得其他都唔差，哩個餐分量我覺得4人都够，而且有好多唔同的醬汁自己搭配 🤣我覺得炸得非常好，保持中間吃材既味道，特別生蚝咬落去十分juicy 😋中間椰菜絲如果唔够仲會有人問是否需要添加，拌上柚子醬汁，為哩道菜解漏😝係上菜之前會給一份芝麻自己磨，真的需要d耐性 🤣 之後磨成粉末沾著吃好鬼香 😆飯後會送上另一款茶清清口同水果，完全超滿足 😆 一般人頭份，但是想要多杯都係可以的 😋 全程都覺得服務員們好好笑容，心情勁靚！ 冇旁邊那果間店咁晦氣 🙄我覺得作為晚飯好正！ 下次如果晚上離既話，會再去試試，早餐就真係太多了 🤣 不過就服務和食

口罩令撤銷後，飲茶特別多人，都係落去試吓呢一間吉列，我多數去尖沙咀嗰間食，呢間第一次，一於試吓啦。1:00門口已經有人排緊隊等叫飛，好彩啱啱有幾台客走，我有卡位坐，你個點餐先，店員首先奉上熱茶，服務幾好，介紹今日刺身好靚，好啦一於叫一個刺身食，炸軟殼蟹，大車海老及大帶子。唔使10分鐘，美味靚刺身送上，牡丹蝦好肥美，海膽有甜味，帶子有口感，油甘魚靚，吞拿魚十分新鮮，整體嚟講滿分。我問店員可唔可以加錢炸蝦頭，店員殷勤地幫我攞去廚房炸，好快脆就連埋軟殼蟹一齊奉上，軟殼蟹同炸蝦頭要即刻食，軟殼蟹鬆脆，有蟹膏味，炸蝦頭炸到連殼都食得，一樣蝦膏味十分重。大大大車海老同大大大帶子終於上枱，車海老肉質結實，啖啖蝦膏味，配上他他醬真係絕配，刺身及帶子用來做吉列，口感真係唔同，真係要食多兩碗飯，啊唔得，要食返多少少椰菜先至得，呢度啲椰菜可能浸洗得好，完全冇苦澀味，都可以食到配上紫菜汁食，食菜都食到飽啦，好彩呢度菜同飯可以免費refill。嚟個結尾，夠熱嘅玄米茶同凍西瓜，清清個嘴， OK OK。呢一間同尖沙咀The One嗰間都一樣好食。

今日輕輕地行完個山，落左山行左去新城市廣場到搵野食，就黎呢間食炸豬扒既專門店食返個晚餐。叫左個前菜併盤，豬扒同個蝦帶子定食食物高水準，一黎到就見到外面個皮炸得金黃，皮脆不帶一點油，咬落去咔嚓一聲脆響，豬扒鬆軟，蝦彈牙，帶子爆汁。侍應服務態度殷勤有禮，由入門口帶到我地個座位上，笑容滿面，唔駛一陣又奉上熱茶，落完單都介紹返啲汁醬點用 ，員工又細心，見你食晒椰菜會主動問需唔需要添加。服務好！！食物一流！！

今天放假在附近寶福山掃墓完後好肚餓，那就步行返回新城市廣場裡周圍看一看有什麼好西吃，上了幾層見到高級知名的吉列專門店餐廳，進到餐廳叫了一款吉列帶子豬柳定食，新鮮炸出來的大大粒的帶子咬一口感真的爽滑彈牙，超級好味道，值得再次光臨該品牌餐廳享餐。

今日去食Lunch有D失望，話說之前首次食沙田分店時，員工熱情推介食物優惠券套票，買了$1200套票送$200 回贈 覺得好抵所以購買，之前星期六食散叫餐都要200幾至300幾一個餐，所以買套票是好的。算埋今日已光顧三次，之前2次 食物質素 是有驚喜，員工 有禮貌 服務亦相當好。 但是今天平日去食lunch set時， 吉列豬扒相當一般， 吉列蝦不新鮮霉的。 飯後員工好有禮貌咁樣話， 幫你出埋西瓜及玄米茶。其實用餐前已有一壺茶，唔明白點解，我明明有茶飲緊，都俾過令外一款玄米茶俾我呢？最後結帳時 終於知道點解， 因為佢要收我9蚊玄米茶錢， 我兩個人去佢就收了18蚊。 menu上完全冇標註， 好似老屈客人一定要畀錢， 杯玄米茶仲要難飲過我原本飲緊嗰杯茶。 咁樣嘅不良銷售方法我覺得好有問題， 我唔介意你話生果收我費用或者有些餐廳有收費前菜咁， 或menu標住話要收茶錢 ，我覺得合理。 但你職員冇說明之下， 強迫客人飲收費玄米茶， 好不合理。 我開頭以為自己孤陋寡聞 原來亦有其他客人投訴的， 但是貴公司仍然覺得冇問題可以繼續咁樣經營落去， 真是無言以對。

第一次食日本嘢會收茶錢，真係聽都未聽過。炸豬扒是可以的，但係CP值不高，加上最後找數時發現會收每人茶錢9蚊，唔理有冇叫嘢飲，亦沒有在餐牌裏面寫明，真心覺得有冇搞錯，好彩冇買coupon😂

每次經過沙田都想食返餐好嘅, 今次終於食到喇, 冇錯依然服務好好, 引領我坐低之後, 立即奉上熱茶, 仲給我介紹刺身啱啱返貨.我點咗個雜錦刺身, 同埋吉列二人餐, 跟住店員奉上芝麻, 及介紹芝麻用法.....打圈磨碎跟住加豬扒醬汁, 好正等嘢食.好快好快上咗刺身, 真係好新鮮不過掛住食無影到.唔使好耐二人餐上枱喇, 炸得真係好靚, 首先梗係食咗炸蠔先, 炸得鬆脆好味仲好 Juice 添, 跟住炸蝦啖啖肉好味, 炸豬扒唔使講肥瘦適中送飯一流, 店員仲不時問我添椰菜絲同白飯, 呢餐真夠飽.又係時候來個完結, 今次原來轉咗玄米茶, 正, 茶夠熱配清涼西瓜好舒服.