芒果王 (已結業)

假日與友人出遊長洲，看見有芒果糯米糍，兩名芒果控二話不說即買也。凍冰冰的糯米糍十分巨型，足有手掌般大！一啖扯開，糯米皮居然那麼薄，較之雪米糍的尤甚，煙煙靭靭的感覺相當正。芒果塊塊又大又厚，陣陣香氣一湧而上，多汁的果肉更加是真正的甜入心，甜的程度直迫芒果糖水，少了份膩滯，多了份清新。友人同場加映了一杯芒果沙冰，芒果依然很多，要把口張大才能吃下。沙冰並非只有冰，混了芒果茸，正是芒上加芒，芒中極品！是小人吃過最好的芒果糯米糍！

呢間可以話係全長洲最好食!最大粒!既芒果糯米滋😋每日都係三點半🕒先開始賣仲要即包即賣😍芒果大舊得黎唔會咁易出水買番屋企(搭慢船)都完全冇事☺️食落當然好香芒果味之餘又夠甜🙈而糯米皮亦搓得非常之薄想買番屋企的話 最好前一日訂定😌

來到長洲, 特意早早到来, ㄧ心来芒果王買芒果糯米糍, 我倆口子由它未開舖等到它開舖, 但這𥚃員工在剛剛開舖ㄧ刻, 就即時宣佈所有芒果糯米糍賣晒, 我詢問原因, 原來芒果糯米糍是需要早早預訂並且須預訂最少半打, 对於兩口子的我們, 真的非常失望, 唯有退而求其次買兩碗芒果布甸, 好彩這個都好味道。

今天放工收了個電話，身邊的那位亦剛剛從長洲工作回來，說買了一大盒芒果糯米糍，一打咁多...拎起個盒已經感到那份重量..打開盒子，每四顆一層，中間以一塊紙巾分隔，以免黏著一起，有heart, 好香芒果的味道，每粒都十分飽滿，脹卜卜，用料應該很十足！食左一個試試，果然皮薄餡又靚，芒果超甜多汁，冇渣架，芒果肉好大粒塊皮薄到呢就好似只是吃芒果咁，感覺唔到有塊皮包住糯米糍白裏透黃，都煙韌架，食下一舊又一舊，唔錯，他說有榴連添，下次要食下啦咁

入到長洲，相信不用介紹，眾所周知，大家都知道， 芒果糯米糍是必吃的小食吧！ 長洲周圍也有很多不同的店舖，也有賣芒果糯米糍。最後行了好幾條街，好像每間也差不多，做決定找最近的一間來試。它的芒果糯米糍真的文符其名，超大個的! 有一隻咁大! 而芒果肉超多，好像吃了大半個芒果的感覺! 不過可能因為芒果量勁多，所以皮也要厚一點點，才能安全地盛載着裡面的芒果肉。 這是絕對可以接受的! 這間除了芒果糯米糍，還有其他各式各樣的甜品、小食。下次再黎我必定會再光臨!!

難得一場來到長洲玩，當然要食長洲出名嘅芒果糯米滋啦，朋友推介呢間最好食，皮最薄，我當然要去試下。今日無芒果糯米滋，唔係嘛。唔死心問下店員先，原來係生意太好，皮唔夠，要即整，只接受預訂，兩三小時後可以返來拎，當然訂，好想食，訂夠一打😋。四圍行完很累，夠鐘即刻返來拎糯米滋。皮超級薄，芒果夠甜多汁，唔同其他店食落一口粉但美中不足就係賣相，有些好美一片芒果很靚，圓圓滑滑，有些就係兩片堆成唔夠靚，但口感，味道就真係唔錯

成班同事入長洲玩咗一日。一場嚟到，梗係要食長洲最有名嘅小食─芒果糯米糍。其中一位同事介紹嚟到芒果王。一個芒果糯米糍價錢只係$12，唔算好貴。都算大舊，有半隻手掌大!!咬落口，糯米糍皮好薄!質感軟綿綿，又唔會太多粉。(讚)我好怕D皮太厚，漿住個口嘅感覺。呢個就啱啱好!因為宜家唔係芒果當做嘅季節，所以芒果無咁甜，帶微微嘅果酸味。但依然有陣陣嘅芒果香味，芒果咬落去好多汁！好食！最後仲買多左幾個返屋企比家人食。佢地食完都話唔錯！如果大家同我一樣唔鍾意太厚糯米糍皮嘅話，可以試吓呢間！^^

之前黎長洲食過一次呢間的芒果糯米糍，一路都念念不忘那份香甜柔滑，今次仲同朋友再次去長洲，但我又淨係記得呢間鋪頭附近環境，但唔記得個名，又會咁橋朋友又行下行下搵到呢間，註定要俾我食到你！真心推介「芒果王」的長洲糯米糍，好味到不得了！掌心咁大個芒果糯米糍，個皮好鬆軟，包住裡面透心涼的大片芒果肉，咬落去可以不多經咀嚼而一口分割芒果肉，不會痴黏黏。大家仲要打住牌放break時食，大家一口一口吃，滑不留口，係咪好Hong Kong style 先？發覺香港從來sell的都唔係貴價菜，香港風味反而係最地道的小食。長洲必食！

踏單車經過，剛好想食芒果糯米糍(想食嗰間又無晒)，就買左一個試下。都好大隻而且結實，食落都方便，糯米糍皮比較薄身及均勻，芒果多汁，好滿足！鋪頭有好多芒果甜品，因為踩單車冇時間，下次有機會再試多啲其他甜品！

黎到長洲一定要食芒果王🍋🍋🍋。頭幾次去都唔識搵入黎，試過一次就返唔到轉頭。芒果糯米糍就皮薄，芒果又大又甜。芒果沙冰一次過食左三杯，味道真係一流。去到長洲記得一定要試下

芒果迷來到長洲好開心，食食芒果糯米滋，滋味無窮食芒果糯米滋好似食成半個芒果咁呢期芒果時令，又香又甜又多汁juicy糯米皮好薄身，又做得好煙刄糯米甜甜地配合芒果的鮮甜，正！

長洲，除張保仔洞以外，最聞名的莫過於芒果糯米滋。甫出長洲碼頭，不論向左走還是向右走，總會見到形形式式的商店在叫賣芒果糯米滋，自於長洲工作以來，已嘗過大大小小商店的糯米滋，但要數實至名歸，堪稱真正「芒果王」的，還是覺得這間最值得推介。據本土居民透露，「芒果王」是眾間賣糯米滋的店舖中唯一的良心企業，當其他商戶因成本關係，不論甜酸都把芒果肉擠進糯米皮的時候，這間「芒果王」仍舊堅持不甜，不賣。她將所有不良雜質都摒除於出品外，酸的芒果，劣質糯米皮，統統棄掉。所以每次都不用擔心買到質量不好的產品，因每顆芒果都是老板的心血結晶。最為人欣賞的，是糯米皮真的很薄，顆顆都晶瑩剔透，白裏透紅般，但咬下去卻不失嚼頭，這全賴師傅的功力，師傅多在繁忙時段，玻璃窗內，赤著上身，使勁的搓著皮。若有閒情，坐在店外一邊吃著芒果製品，一邊欣賞師傅功架，稱得上賞心樂事。

長洲芒果王真係唔浪得虛名，係長洲長大既朋友都推介，果日入到去，都特地走去食番粒即製芒果糯米滋。天氣太熱，無乜心機周圍行，會容易miss咗，大家認住啦，這間就係☝🏻️落完order坐底等食...除咗馳名芒果糯米滋，都有其他芒果系列：芒果布甸、芒果啫哩、芒果沙冰....價錢非常相宜等咗陣，好快就見到我地點既芒果糯米滋，嘩！大粒到呢⋯⋯一粒=其他地方2粒啊👍🏻👍🏻睇得見它簿皮下既芒果，真材實料😋拎上手要小心，太大粒，驚揸唔實跌落地。又因為太大粒，要不顧儀態，一大啖咬落去，嘩....芒果好好好甜，好香，似呂宋芒，芒果肉份量有半個芒果咁滯，外層糯米皮真係簿到好驚它穿窿載唔住d芒果，塊皮無味、無添加糖，唔使整色整水，因芒果嘅甜令到成粒糯米滋都夠味，超美味！芒果迷一定唔可以錯過芒果王既芒果糯米滋

長洲，除張保仔洞以外，最聞名的莫過於芒果糯米滋。甫出長洲碼頭，不論向左走還是向右走，總會見到形形式式的商店在叫賣芒果糯米滋，自於長洲工作以來，已嘗過大大小小商店的糯米滋，但要數實至名歸，堪稱真正「芒果王」的，還是覺得這間最值得推介。據本土居民透露，「芒果王」是眾間賣糯米滋的店舖中唯一的良心企業，當其他商戶因成本關係，不論甜酸都把芒果肉擠進糯米皮的時候，這間「芒果王」仍舊堅持不甜，不賣。她將所有不良雜質都摒除於出品外，酸的芒果，劣質糯米皮，統統棄掉。所以每次都不用擔心買到質量不好的產品，因每顆芒果都是老板的心血結晶。最為人欣賞的，是糯米皮真的很薄，顆顆都晶瑩剔透，白裏透紅般，但咬下去卻不失嚼頭，這全賴師傅的功力，師傅多在繁忙時段，玻璃窗內，赤著上身，使勁的搓著皮。若有閒情，坐在店外一邊吃著芒果製品，一邊欣賞師傅功架，稱得上賞心樂事。

唔係講笑，今日食允升同芒果王，允升係就係皮薄，但係芒果唔香又冇汁，而行左好耐發現到芒果王，地鋪用落地玻璃，現場即造，新鮮！即刻食番個，驚人嘅係皮薄之餘芒果多汁又香甜！但缺點真係幾遠…落左船向右行，沿海邊一路行10-15分鐘，見到天后廟，就喺天后廟斜對面