Bang Bang Pan Pan (已結業)

買左團購去食，諗住呢間野幾有新意，可以自己煮下野食，book 左枱，7點幾去到唔使等就入得，果段時間入面都冇咩人，出面都冇人等位。入到去，間野都幾細，應該唔夠十枱，有三個侍應，一個疑似老闆的帶眼鏡長髮男唔係幾好禮貌，"幾位呀?坐果到啦啦隊"，睇下餐牌，講真，可以選擇既並唔多，一個果d煎出黎有5-6吋大既燒餅都要成百蚊，我同女朋友7點幾去到，佢竟然冇哂三文魚，個感覺就係去到老麥食野佢地話俾你聽薯條賣哂咁。望左餐牌一陣姐，係佢心目中我以經殺左佢老豆三次咁，係咁狂睥我三次。好啦，我落order喇，叫人，冇人應你，個個都好似好忙咁，疑似老闆的帶眼鏡長髮男既人就走埋黎"食咩呀?" 叫左個什菌金菇，係一個用錫紙包住一d什菇，咦!同我去bbq烤果d一樣架wo好喇，主角黎喇，叫左個咖哩味既燒餅，一個湯碗大dd既碗入面有好多切條生菜，同你揀左既配料，我就係到諗，加d沙拉醬就係凱撒沙律lo，一把唔耐煩既聲就傳出黎喇，"撈渾佢!放落佢煎啦!" 心諗咁滿，點撈呀，大力又飛哂出黎，點解唔可以俾個大d既碗我撈呢，想營造抵食既感覺?好啦，咁我慢慢撈啦，費事跌出黎嘥，跟住疑似老闆的帶眼鏡長髮男又出動喇，"Hui!撈都

黎呢間係因為見到竟然無人等位，係晚上食飯既繁忙時間實在難得點知一踏入去先係惡夢既開始!!!!唔怪得無人幫襯!叫左2個餅之後，好快d材料就送到黎。跟住我地就撈勻佢啦，撈左5分鐘就停手諗住得啦點知店員老遠隔3張台就呼令我地，大聲喝叫"藍色衫果個!!未得囉"，個feel就好似廣東道d同胞係街頭大叫一樣。唔洗咁嘛呢個時候，有個男待應走過黎，拎張單叫我地埋單！大佬！！燒都未開始燒，食都未食就叫我埋單!!我地叫佢放低完，佢仲喝我地話"埋左先啦!!x你(某粗口字)"，咩事呀!!!!!!!得罰左你咩!!講返d餅，d餅根本就只有麵粉味，要加大大大量沙津醬先入到口。唔明點樣先可以做到咁多樣野加埋一齊都無味既境界仲有除左店員無禮又加插幾句粗口既講解之外，你根本就唔知點整，幾時食得，點整先熟跟住有長毛叔睇唔過眼走黎同我地整，一路整就一路講英文話而家d香港人蠢，質素低，唔識整。長毛先生，其實英文係香港已經好普遍，好多人都識聽識講，唔係得你一個識講囉

我覺得一間食肆好唔好, 態度絕對可以影響一切. 幾好味都好, 態度好差的話, 食都食得唔開胃. 未食過燒餅, 覺得好新鮮又幾好玩, 所以見團購有優惠就買左. 下次應該睇下食評先.訂左位, 去到時間尚早, 都幾多空檯, 同個短髮既男侍應講訂左位. 佢望左本簿好耐, 我地以為佢搵唔到就指比佢睇. 點知佢話我唔係搵唔到喎.  好! 到坐低, 放低menu, 佢居然擺係個爐到. 好唔衛生. 到揀完味道同配料, 有一碗佢又係擺係個爐入面. 咁張檯咁大要黎仲乜? 又大力擺落黎. 佢只係話將配料撈左去, 女朋友有叫豚肉, 以為要撈埋. 諗住最後先擺落去撈. 到撈好就再問係咪要撈埋落去, 個位態度好差既侍應問番我地「點解要撈呢?」我咪答佢你話將配料撈埋. 佢好激動不斷重複話「我冇講過話將豚肉撈埋」「我冇講過」, 我覺得佢唔認不特止, 仲話番我地轉頭. 我相信一個好既侍應, 應該再解釋多次因為豚肉係到最後放上面煎. 所以唔需要撈埋. 我講左句你態度都好差, 佢話係咩唔好意思喎. 表面上扮哂講對唔住, 但後來佢依然話「我唔覺得我態度差喎, 有咩咁差」. 到最後我叫左另一個長髮男既員工教我地. 順便問句佢係

總括成個用餐經歷用標題果3個字就夠，不過都講下有幾差，希望唔好再有咁多受害者1) 食物：---中伏一：叫左$88果個set, 可以揀2-4種送，叫左curry味。送到黎係一個飯碗size既粉漿，小得可憐，成本應該只值幾蚊。整完之後就只有麵粉漿味、辣味，同自己加既沙津醬味。差到相都唔想影---中伙二：仲有叫左個蜆肉麵豉湯，呢個仲離譜，d蜆係得蜆殼既!!真係一 粒 蜆 肉都無!!不如叫蜆殼麵豉湯啦!!!!!!!!!!!!而且味道仲咸過吉x家果d沖粉麵豉湯，飲左2啖就掉埋一邊啦---中伏三：什菌福袋，又係差到相都唔想影，打開個錫紙只有幾條金菇，幾條冬菇絲，同埋洋蔥絲。食落仲有菇果種腥味…2) 服務：呢度既服務真係極品，有個長髮叔一路整佢一路"目及"緊，怕你整爛佢d野咁。整得有少少唔合佢心意就一手搶走你手上2個鏟，之後自己整整整，跟住覺得自己好有型咁，整完仲站係度唔走等待大家既讚嘆同拍掌聲我黎得呢間野就後想DIY自己整，唔係想睇阿叔表現囉唔該！！如果你驚你整爛你d野，你咪係meun度整頁「做法」係度囉！！

喜歡同朋友試食團購餐廳既我，第一次遇到一間服務態度咁差既團購餐廳完全趕客我黎到時，朋友已經到左，咁就傾下偈先，諗住會有人拎menu黎點知等左10分鐘，都仲未有人比menu我，於是我就揮手，但d waitor waitress行得好快，完全唔想望d顧客咁，好難先叫停倒一位口黑面黑既waitor我好有禮貌咁問其中呢位waitor拎menu，佢聽完好不屑咁轉身走開，然後我又等了5分鐘，呢位黑面黑既waitor先極大力咁dump個menu落黎注意：係極大力咁dump成張枱"嘭"一聲，我d fds都嚇到呆一呆諗完叫咩之後（我揀左蝦、粟米同洋蔥），又要好困難地叫d眼尾都唔哨下你既waitor waitress停低，今次我精了，冇叫頭先個waitor，叫左另一個waitress。個waitress好似好趕時間咁，我一講完要邊3樣材料就即刻擰轉面走，冇問我要原味定咖喱又等左10分鐘後...（對！又等左10分鐘）可怕既事又來了，竟然係頭先好冇禮貌大力dump menu既waitor拎碗材料過黎，佢又一次咁dump個碗落枱連碗入面既料都飛彈左d出黎d料主要係菜同粉漿，我要既蝦係細蝦黎，得5隻...d料要撈

我從未外出食飯要一直受氣，如果你想試既話就黎呢間餐廳呢，一定唔會令你失望本來我係覺得呢到有得自己落手整餅，有得玩有得食，就試下啦我同朋友遲左１５分鐘到，黎到一坐低，餐牌都未睇，店員已經俾說話我地聽，話”你知啦，我地一晚唔係只做一枱既生意，基本上都係食一個至個半鐘，你可唔可以叫你仲未黎到既朋友快d黎到？”我地即刻無奈晒，趕客就係呢種啦，特別要注意既係，當時時間餐廳有６－７張吉枱！香港人都係放工後趕去食飯，有人早d到，有d遲少少，都係經常發生既事，何況我地本身都係諗住食完就走，冇諗住阻住人做生意之後我地已經唔係好想理佢，只係回左佢一句”趕緊黎架啦”然後材料黎左，佢地教你既方式係以命令式既口吻講”撈雲佢啦”，”放落去煎啦”係冇指導下煎個餅，都唔會諗住點好食，但求飽肚咋，個男店員又經常黑面，見你煎到一pat 屎咁，就行過黎話”唔係咁煎架”，然後一野拎左個鏟，成塊餅幫你整到熟左，完全唔想教你，都懶得等你自己學，想快d整熟，食完趕你走本來已經一肚氣，諗住服務差到冇朋友，都冇得更差既時候，你諗多左啦到朋友煎餅時，佢唔小心將牛肉放左係餅既２邊，男店員又用指責既口吻”都話牛肉放同一邊煎lor”朋友呢個時

女仔最中意不外乎影靚相同玩d 特別野而今次為左慶祝一位女性朋友生日而苦惱左好耐究竟聚會食乜好?平時韓燒, 打邊爐, 放題等等 大家已經食到厭哂加上女仔大部分都好細食 (或者係因為怕肥問題Haha)所以比幾百蚊去食任食 唔抵之餘又好難製造到難忘回憶終於比我地搵到呢間Bang Bang Pan Pan 最適合不過!香港第一間日式大阪燒店雖然見到唔少負評係話食物味道唔好,得個玩字對於一班女仔泥講食物味道只係其次 特別同有趣先係最重要咁我地一行7個女仔 因為某d問題所以係當日早上先打去Book位店員都同我地講左我地人比較多 同埋太遲book位所以泥到都可能要等一陣果然 我地去到店裡面都算係滿左人 但就無其他人係出面等緊咁店長同我地講左叫我地要等等但佢都好快手咁安排左其中一台食客移去隔離台好快我地就有位坐啦 我地每人都叫左一個$88 大阪燒 有6個Credits我就點左日本本菇, 煙肉, 芝士同栗米可能因為店入面唔係好忙所以店長同店員都好熱情咁招呼我地仲送左3杯野飲比我地 等我地可以每人一杯 店員細心教我地 仲幫朋友整左個心形出泥!DIY既過程真係好開心 其實係整既途中出左少少錯 我將個餅反爛

中秋晚到了 Bang Bang Pan Pan 吃御好燒。之前聽朋友推介這家。而且曾在日本留學的朋友說，這家比日本當地一些燒餅店更貼心，就去試試了。不用等位，我們在吧台上燒。選了以下的食材。二人吃一個，這樣也夠飽了。店員會快速講解如何作燒餅，接下來就看自己了。中途老闆（應該是）也會說些小ＴＩＰＳ，好像帶子要放中間些，不然很易掉出來說實的要自己做好這個真不容易也不太清楚落肉時機，後來老闆看到我們不太順利了，親自前來幫我們手法超熟練！不知道老闆是不是日本人什麼的，看得我們都呆住了。邊邊都好漂亮，眼神超級認真，完全是日本大師傅的氣勢（如果不太懂的朋友不防也坐在吧台吧）終於加肉了很好吃！沒有粉粉的味道，而且有芝士的濃郁口感。重點是不會太膩，之前在food c___ 吃的感覺有點膩呢。不過如果更多菜就好了中途看到店完在沖飲品,老闆看到說：果汁太小了加多些吧！感覺很認真我們也叫了２杯飲品。不過店員感覺很不愛說話似的，如果叫他拿東西，他會做完手上的工作才去可能令人感覺服務不好，不過我自己倒是沒意見的。下次會再去

朋友介紹，有得玩下煮飯仔，同男友試下，應該唔會有下次。佢比哂材料你自己攪攪下，其實都幾難攪同攪好耐。跟住倒落去煎，有人會教你，好好人。味道一般，要落好多醬先有味。兩個人叫左一個燒餅和一客餃子，不太飽，轉頭第二度食甜品🍧

老實講,來呢間野係1個緣份,因為得佢1間唔洗等位叫左3個SET,唔記得咩啦,有1個有D咖哩味囉,其他差唔多,要自己攪D生料,呢D野梗係由朋友來做啦,你知我呢D係懶鬼又唔識煮,D STAFF會幫手的.咁成塊野有D菜,有D肉,加D蛋同麵粉之類,再煎一煎就完成.如果就咁食,無咩味,唔好食,但係都算大份.我諗大家都知呢種食物咩味.不滿既地方係,一來味道太單調,2來無其實食物簡,只有燒餅,好單調!!!!欣賞的地方是佢唔會太DRY,食落都濕濕地.希望可以將D款式突出D,例如咖哩就整得濃咖哩味,如果唔係就款款一樣如是姐食完3個餅既感想係1)其實呢堆野都係要落大量醬先有味,如果唔係會好灰2)呢堆野事實上係平野,係SOGO樓下買都係30蚊姐我諗3)以呢D野做主食,真係唔知點,食唔慣無下次了

同家人去禮頓道食廣島燒, 第一次自己煮好好玩!! 掛住照相都唔知屋企人叫左D 咩食, 不過呢度既menu大致上都係配菜上既分別. 廣島燒既蛋漿都係一樣既, 將D配菜倒埋一齊, 撈下撈下就可以放上座位上的鐵版開始煎架啦. 做法^^(雖然已經寫得好清楚, 不過都有個好好人既staff 過黎同我地講解多一次. 態度良好~)平時有煮開野食, 所以都唔會太失禮啦~ 睇下我整得幾成功^^味道沒有太surprising, 都係一般的好食廣島燒~ 冇失望~勝在有得食又有得玩, 一家人食飯就係要咁食得開開心心.

訂左位,7點半去呢度食,入到去冇乜人.叫左兩個煎餅糊,一個名叫憤怒鳥,內含泡菜與辣雞. 另一個係牛肉為主. 另外叫一個福袋.福袋黎到,得幾條菇同洋蔥,搵張鍚紙包住,細得可憐,味道還可以,廿幾蚊算數啦.個短頭髮男侍應,本來好好地,但見我地冇叫野飲兼問佢攞水,就黑足我地全場面.好唔情願下,佢拎左幾杯滾水黎,真係貼心. 唔係唔想叫野飲,想飲啤酒,佢menu有,又話酒牌過期唔賣得,又唔想飲其他野.結果全場,短髮男都冇幫過我地手,但見佢係咁幫旁邊果枱,以為佢好熱情.另一位長頭髮男子,有D似老闆,就好好多,係咁幫手.個憤怒鳥煎餅有D特別,另一個就麻麻地.百幾蚊一份,ok ge. 兩個餅三個人分都ok夠食.冇影相,個餅煎得好樣衰,唔似日本果種,同埋都冇心情影.當我個FD食到最後一啖,張單都立即奉上,3個人每人一舊多D,算係咁.快快手比錢走,但係個FD要比信用卡,咁岩短髮男黎收,問下佢收唔收卡,唔答唔望你,繼續黑面,勉為其難先"up"頭. 比錢都要睇你面色. 可能係銅鑼灣,真係唔怕冇客.食完呢餐,對個煎餅既味道冇乜印象,淨係記得食左全程"黑面餅"建議餐廳硬性規定唔飲雙計,杜絕比錢黎食飯但唔飲野既客人.

初次試用TABLE MAP BOOK 枱, BOOK左晚上六點半, 可能過早既關係, 我地係第一枱客人, 我地叫左摩登燒$140, 加多杯薄荷柚子 $28, 一飲之下...唔好飲亦唔太難飲, 唯獨飲落清涼, 感覺舒服摩登燒有八爪魚,帶子,什菇,蒽外,蛋同炒面, 待應放低材料後教我地點做, 撈勻材料後, 開爐落油等一等, 待應話可以到D材料落去再砌形狀, 我地整左個心形, 之後待應就幫我地執靚佢, 其實全程都有佢幫我地手, 我地無落過手去燒, 哈哈..燒到咁上下加炒面再加埋蛋, 反轉再燒, 等半分鍾左右, 就係最後我地落手既時候, 加醬汁, 木魚, 紫菜燒餅味道全靠醬汁, 尚可接受, 食兩件真的會飽!!

今天剛剛在cwb shopping,見到bang bang pan pan 幾特別,冇人唔駛等就入去,點知一入去,坐低叫左$88 set,之後完全冇人講解點做,一問之下,要撈碟野,用力冇停咁撈左3個字,其間問個男waiter 1 次得未,佢離十米咁遠睇都唔睇就話未得,3個字之後,再問,佢1手拿起碟野,唔出聲,用spoon 鋤到loklok 聲,隔離枱是說英語的華人,他們此時想問點撈,男waiter 突然變臉,好有禮貌咁講解點撈得好,不過keep住用spoon 鋤到我同我女朋友碟野loklok 聲.我同女友都覺得唔好意思,覺得可能自己撈得唔好la, 之後睇番碟野,根本冇分別!!! 佢不過係想寸我地,佢撈完話"你地咁樣撈唔會撈到燒餅,只會撈到菜law".隔離枱俾佢撈左3分鐘,仲要係冇loklok聲! 所以, 我同女友冇lala 被衣個男waiter暗寸我地唔用力撈!仲要之後佢唔理燒餅progress, 不過之後又教隔離枱點燒...想點呀呀叔! 此時我與女友只好吃下味道普通的燒餅...講真,未去過1間餐廳可以服務差到咁,仲要寸客人...俾錢買難受(((((((!!!如果唔係外國人/eq 20

男友之前提過話食大板燒，趁星期5甘 happy 就選呢日去食啦！於是我就前2日上網訂位啦～去到，老闆就安排左窗邊的位置俾我地。我同男友喜歡「排排坐」，就坐埋同一邊啦睇下menu 先，有個＄88的燒餅，睇清楚係計 credit 的，＄88係包 6個credits ，不是6款配料我地叫左2個，一個係 辣肉腸（3）芝士（2）日本本茹（1）＝6另一個係 八爪魚（4） 吞拿魚（2）雞髀茹（1）＝7 要加＄7我地滿懷興奮的心情等食！但....惡夢從始開始。。2大碗的配料上枱，個waiter 好無禮貌地，「low 雲佢啦！」我地就係到 low low low, 之後無人理我地，叫反個waiter 反來，他就倒左D油係個pan 到：「掃平D油啦！」我地又係到掃掃掃，又要等一輪，他開爐：「倒哂落去啦！」我地見到隔離枱係個女侍應serve 的，她好禮貌地同客人解釋整法，同會認真為客人檢查進度。但呢個男waiter 的態度真係好5掂囉搞到我地煎穠左，又散哂個餅太多粉，好難食，配料都5好，芝士無芝士味，簡直係俾＄88去買一碗粉黎食環境又窄，後來有人搭枱，坐得超辛苦！！環境，食物，服務都5得！！！！