七哥茶餐廳 (已結業)

0230pm黎到食野，叫左2個午餐($42,$45),1個下午茶餐(芝士汁撈面，豬柳排，$44).午餐送少反少。撈面有2塊豬柳排，但係芝士汁稀，同埋只有1個面，完全唔抵食！

叫了一个炸鸡比薯条和加央西多士，两个都系下午茶餐，炸鸡比又干又柴又唔入味，还等了二十分钟说是生炸，加央多少没有加央味，西多都ok，问题是46元个鸡比餐，真系又贵又唔好食，西多士都唔平，下次不会再来!

點解嚟呢度因為近阿女學校，下午學校有function，不招待家長，要等個幾鐘， 唯有搵個地方飲杯咖啡，歇一歇。 係呢一頭，選擇吾多，焗住入黎坐， 普通一間茶記冇咩特別勝在光猛。 睇到個餐牌又唔想食咁heavy，最平係個三文治餐，菠蘿包、奶油豬都唔啱我……焗住叫！ 價錢都唔係太過平，早知行多兩個街口去白加士街，行下飲杯嘢好過。腿蛋治就冇乜驚喜，反而杯咖啡比其他茶餐廳不講話貴嗰啲茶記，算係好飲了，凍飲加3蚊。 嘢食就快上，個零鐘時間好快過！ 咁就可以夠鐘湊女放學lu...!

午市再來嚐這裡的蒸肉餅飯是次午餐餐牌選擇有蒸梅菜肉餅，逐點來試，今次梅菜蒸肉餅味道改善了，梅菜較甜不會太咸，肉餅亦來得鬆軟多汁，可以用來作包水餃餡料。配上熱咖啡味道剛好不苦澀。

早餐到來見有自選三文治選擇，便點了 咸牛肉蕃茄治配熱咖啡，唯 咸牛肉蕃茄治上檯已發覺 咸牛肉是沒有煮過原罐拔在三文治上，唯一可取是蕃茄切得夠厚和夠新鮮，熱咖啡是次有點苦，有待改善。

今日再來encore肉餅飯不過今次非咸蛋而是咸魚肉餅飯，感覺咸蛋肉餅好吃過咸魚肉餅，咸魚近尾位置肉唔多且多骨，肉餅依舊滑但肥肉今次多了許多，飯與餸照舊分開上，咖啡比次略為淡了沒有太多咖啡味，希望七哥的廚師能保持一貫水準。

透過手機寫了兩篇食評可以上載相，唯第三篇又不能下載，恕未能提供照片。是日午餐經過見到7哥茶餐廳名字有趣入內一試，見有咸蛋肉餅飯當然要點來試試，飯與肉餅分別盛上檯，咸蛋雖不是新鮮但勝在咸味剛剛好，肉餅很滑蒸得一點都不老，肉質幼細不像機打的碎肉很有嚼感，至於咖啡更不是一般啡膽唔苦且細滑有啡香，留意他們的落單紙印有我們認真煮，你們用心吃，頗特別和有意思的。

因為體檢所以不能吃食早餐, 完成後已11:40 趕快早點吃午飯.店內推介頗有創意,  其中領導必食推介為乾炒豬扖河. 既然不是領導, 那就花數十元發發白日夢吧. 趁食物未到, 環顧四周有附近一所女校的MESSAGE BOARD, 上面貼满心心, 寫上給七哥的鼓勵說話, 想這裡應是女校飯堂, 那知說時遲, 那時快, 已有多名女生進來光顧, 大家七咀八舌點喜愛的飯餐, 還可以加飯或減飯.....   我心也飛回中學時代...一陣香氣飄至, 原來河粉已炒好, 熱騰騰, 好有鑊氣, 河粉乾身不油膩, 一條條分開, 豬扖很軟不會靱, 味道剛好, 不會過咸...水準可跟旺角某粥品店的乾炒牛河相比     十分滋味, 不需一會便吃完 另女校通訊板旁有一塊香港龍王的橫楄..原來臥虎藏龍, 失敬失敬!

又來急急「蛇」出來食晚飯的時間，選這裡純粹貪方便就腳。茶餐廳嘛，要素食的東西不是沒有的，第一眼看見那個咖哩雜菜飯（$48）想也不想便點了。等也不用等太久。這個咖哩雜菜飯的咖哩質感比較漿糊，材料也算不少，有大量薯仔、勝瓜、蕃茄、菜心和小棠菜，總之是大雜燴。飯的份量略少。步出店外那股味精味才「攻」出來。看來下次都是不要貪方便。不過別看主持大局的哥哥非常入此區的型格，開口埋口卻是「唔該」、「多謝」，真估不到。

落大雨, 唔知食咩好, 於是試左依間七哥茶餐廳, 佢係開喺七仔(7-11) 隔離 一入門口, 侍應生即刻衝過來招呼我地, 幫我地放好把遮, 落ORDER跟單也快, 值得一讚 我地兩個人叫左兩個套餐, 一個沙嗲金菇肥牛煲+白飯+例湯($42), 另外一個西檸煎軟雞+白飯+例湯($42), 兩個餸都好好味, 用料新鮮又唔多油, 白飯也夠香夠軟夠新鮮, 例湯應該真係老火湯而唔係味精湯(至少我地食完飯唔使猛飲水), 之後加$7 叫左個哈密瓜汁, 好飲, 不過應該係糖水溝出來食得飽, 但價錢略貴, 有機會再幫襯

上個月經過西環做野,經過山市街就入了一間七哥小廚到食飯,原來同佐敦那間七哥茶餐廳是同一個老細開的想質素應該差不多的. 入去后招呼都OK, 聽了個光頭四眼講咖喱都幾好,於是叫了個咖喱牛喃飯同杯奶茶飲,誰知大失所望. 咖喱沒有香味又咸,最慘牛喃係已經變壞了不能入口,甚至連杯奶茶都出油又沒有奶味. 唉!同個光頭四眼講仲死撐,足知飯沒有食到連杯茶都沒有飲到就要比$41. 各位朋友去西環食飯要三思.

今日路過西環见到一间七哥餐廰小廚，入去坐底问果肥經理是否和佐敦同一间？原來是同一公司分店，試了個廚神鱼頭煲，好大煲，成隻魚頭加左Ｄ火腩同苦瓜，重有飯同湯送！平日一至五重送野飲，$58蚊，一定要推介

呢日咁岩佐敦收工.亂行一通,在很偶然的機會下.黎到這裡想嘆杯茶歇一歇門面及室內真是好舊感覺.有普通茶記味道間舖好細又好多人.入內自己搵位搭檯叫了個常餐食, $26.唔使五分鐘就到雪菜肉絲米+火腿奄烈+餐包+凍檸茶米粉確有不少雪菜同肉絲.夠入味火腿奄烈普通.一般般餐包還好加上了一點小小牛油至於凍檸茶用個瓦碟盛著上桌.不太夠凍.玻璃杯非常殘舊.而且還一點爆裂雖然是很舊的茶餐廳, 但質素好好.服務態度好一試冇妨

我係佐敦做野好多年...好多餐廳我都試過晒....七哥茶餐廳不算係最好亦不是最差...但比起佢格離果兩間就一定好好多....七哥座得舒服..服務右好..我都成日有去邦襯.....佢d野食之前就只係一般般...聽講而家轉左個廚房師傅....d午餐而家好好味....油其係窩旦免治牛肉..真係一流...我以前係佐敦未食過咁好味既免牛飯....七哥好野!!!!不過而家1:00pm後去多數好爆滿..成日要搭台.....聽同事講佢晚飯都好大碟好抵食.....右話個四眼仔好好人....成日送多碗老火湯比人飲..下次一定去試下晚飯先得......

咁我覺得無上一篇寫得咁誇張.我番工成日刀會經過Jordan哩間餐廳,,通常刀係朝頭早. 我本身就渣車gei,,所以通常為左快就10分鐘前打定個電話去叫佢囉出黎比我,, 次次去到就有, 老闆刀好好態度.$$就平出面果d少少... 早餐就刀幾大碗,, 野食刀ok gei.係出面望入去間餐廳就吾係好大,, 旦係勝在服務好, 又平少少.講真,,宜家出面d餐廳加得就加...加得黎,, d 野食又縮水, 少成1/3 碟.7哥刀係算係,, 加得1-2 蚊 d 野食又無縮水.最好就係服務態度好,, 出黎做野已經受人氣架啦!難得哩度d員工咁傾得, 又好坐.我講無用,,要自己去下.