靠得住粥麵小館

營業中

休息中

今年第一頓羊腩煲，是在這間「靠得住粥麵小館」分店吃的。吃的是午餐，來到這小館的時候才剛剛中午十二時，想不到竟然已有這個包括「古法枝竹羊肉煲配唐生菜」和「金銀蒜粉絲蒸開邊蝦」在內的「秋冬滋補組合」（$268）可以吃。雖然不是更寒冷的冬夜，但冬日裡的氣溫仍然甚低，只得十度多些，吃一個暖笠笠的羊腩煲暖暖胃仍是甚好。先說羊腩煲，羊腩大概有七至八件左右，肉都幾多，不會骨大肉少，而且羊腩都幾肥美，配以濃郁惹味的湯汁，讓一整年沒吃過羊腩煲的我相當滿足。至於其他配料，索汁的枝竹、冬菇、馬蹄等物，加上份量都算幾多的唐生菜，也讓這羊腩煲變得更加好味。約有五至六隻蝦的「金銀蒜粉絲蒸開邊蝦」也是惹味之物，大量的金銀蒜加上醬油，正是美味之源，不過蝦沒挑蝦腸，需要自己挑出污穢之物，就不太好，而且最佳配角的粉絲不夠多，也令我覺得不太夠喉。單吃羊腩煲和開邊蝦當然不夠，怎麼說也要來碗白飯吧！另叫的「茉莉香米白飯」（$10）軟硬適中，把羊腩煲的惹味湯汁澆上飯面吃，特別好味。還點了「時令燉湯」，是「杏汁白肺湯」（$38）。這湯湯味不錯，除豬肺外，還有少許瘦肉，才四十元不到，都算幾抵飲。今年的第一頓羊腩煲，就是這樣嚐過了。

呢間餐廳座落於鐵路站連接既奧海城商場，並且大家想去巴士站時都必經呢間餐廳落去，就喺連接天橋既轉彎位。地理位置十分優良。今日係同幾個朋友一齊黎食lunch，我搭鐵，佢地搭巴士，咁呢間舖自然就係中間位啦。入去係完全唔洗等位架，因為地方都夠大，而且冇乜人等。我叫左一個鰻魚炒飯，作為一個重口味人士，個人認為係偏淡既，唔係好食得出有鹹味，同埋肉唔太多，食完都唔係太充實既感覺。飲品方面，叫左熱既薏米水，諗住大熱天時去下濕，覺得都唔錯，料都多，但係要加10蚊。整體黎講，呢間餐廳都偏貴。

今日過來奧海城睇戲, 支持一下, 見未夠鐘要找地方醫下肚😅 今日落大雨💦天氣涼左d, 不如去吃碗粥暖下胃😻, 上次咸肉粽加粥食唔晒😛今次唔敢再叫😆, 中午有唔同午餐, 今次我揀左魚鮫粥配銀芽炒麵, 唔想食內臟亦唔想食肉, 魚會健康d, 無敢肥😜而且魚鮫唔係成日有, QR code落單, 粥我揀左走蔥同走薑, 炒麵也可以走芽走韭菜, 不過兩樣我都食, 所以無走到, 等左一陣麵先送來, 都唔細碟, 亦炒得好靚, 不過表面看到有d油, 食下先, 食落又唔係好油, 而且係熱, 有芽菜和韭菜, 所以都好香🤗有d麵硬左, 味道也ok, 但底部我無食了🤣 再等左一陣魚粥也到, 食啖粥先, 粥底好香😚😋份量也唔少, 今次d魚唔腥, d魚鮫可能有煎過, 所以表面有d金黃色, 食落又幾香👍🤩 好彩早一步入左座, 之後見到排隊😛 整體味道唔錯, 不過可能真係太忙, 未有比杯水給我, 因為其實有加一服務費😅

大角咀似乎冇乜有質素嘅粥品店可以選擇，就嚟咗「靠得住」。有一排冇嚟，已經變成手機落單，好方便！😯今日叫咗個套餐：🔸客家鹽焗雞粥🔸略鹹，食完覺得好口渴。不過，抵讚嘅係雞件大大件，夠嫩滑，冇乜骨，啱晒鍾意食啖啖肉嘅人🤭🔸銀芽炒麵🔸非常鍾意呢度嘅炒麵，事關面身軟硬度剛好，唔似坊間炒得太腍，又唔會太油膩，份量適中。可惜，唔夠熱🤔其實呢度嘅粥品，普遍都係鹹，如果可以改善啲方面真係冇得彈👍🏻

未來過依間, 想試下, 食点粥易入口d, QR code落單, 由於時間尚早, 不算好多人, 比安排坐單人卡位, 突然想食咸肉粽, 叫左只來食下, 唔係好耐就送到, 味道唔錯, 不過我個人認為入面d香料落得重手左d, 我覺得可以淡味返少少😅, 我將入面舊肉夾晒出來, 不過佢入面只咸蛋黃好正好香👍,到食晒只粽, 碗豬潤魚腩粥先送到, 我揀左走青😅, 先食啖粥, 好清甜, 佢哋話用魚湯煲粥🤔, 食舊豬潤, 都算爽脆😋😋, 食一舊魚腩, 依舊可能不是太新鮮, 食落有少少腥🙊, 我將d魚腩皮同肥的部分也夾晒出來, 另外二舊魚腩就無腥味, 可能有点煎過, 所以食落比較香😋👍, 由於碗粥都好大碗, 但狀態不太好的我, 都係食左半碗左右, 已經唔想食了😅😅可能下次再去, 食一碗粥已經好夠🤣🤣

今日下午同朋友行奧海城，行到下午有啲肚餓，見有間靠得住，即管入去醫肚啦，我們叫了白灼鱔球👍好新鮮好爽口，鹽焗雞去骨好正👍雲吞麵他們用一個金色嘅壺加入熱湯落麵裏服務員話啲面會爽啲好味啲👍另外叫了一個竹笙椰子雞鍋，他們好細心有一個漏斗給我們計時，還有一個隔熱嘅類似手套，一個滅火器，又有一小布員工話開煲蓋時用，這間店好細心，員工都好親切，整體上👍滿意，下次一定介紹給朋友，果然冇改錯名（靠得住）

上次喺Yoho食完靠得住好滿意，晚上同屋企人行奧海城，到食飯時間留意到又有靠得住，見到門口有個大廣告羊腩煲配蒜蓉開邊蒸蝦$268配生菜添，好吸引，所以就入咗去裏面食，仍然冇令到我失望，羊腩煲好好味，蒜蓉開邊蝦啲蝦好大隻，仲配埋清爽嘅灼生菜。如果去酒樓食肯定唔止這個價錢👍😋😋😋但係質素可以同酒樓媲美下次會再試下其他嘢食👍

這幾年我和幾位朋友經常定期光顧此分店，食物質素尚可，環境不錯，一向服務態度亦不錯，只是間中一兩位較一般，仍可接受。此店可以掃QR code點餐，但手機字體太小，所以少用，同時需要收加一服務費，个人更覺得不值得用以往我去光顧都不用排隊，今天因為國慶假期7折優惠，中午需在門外排隊約20分鈡才能入座。值得一讚是其中一位職員有留意在門外排隊的人龍(餐廳沒有取籌/登記入座服務)，確保冇人打尖。我們4人入座後，因為人多，侍應較忙，所以我打算用QR code點餐，但掃了幾次，仍未能進入點餐系統。唯有叫侍應點餐，可是該名中年女侍應一埋枱就黑口黑面地説：「要d乜？快d講」，朋友們都嚇到o晒咀，點完4味菜之後，侍應亦未有核對order，一言不發就得咗去！已經一肚氣。幾分鈡後，打算加單，另一女侍應埋枱，又係黑口黑面，不過佢就話：「唔好講住，部机(侍應手持的點餐机)好慢，講完一樣到一樣，慢慢講！」以為去咗差館落口供。點解咁奇怪，一个叫我快d講，一个叫我慢慢講。好似我去招呼佢地似d!後來再問第一位中年女侍應取幾隻碗及匙子，今次仲完全冇反應，根本唔知佢聽唔聽到，完全感受到乜嘢叫做《聽到唔代表要應你》，幾分鈡後感受

天氣好熱，口淡淡冇咩胃口想食下粥，見到門面靠得住幾吸引下，入左去試。入面環境OK，坐得幾舒服，我地叫左拆骨鮮雞粥+珍珠蠔仔粥+銀芽炒面+混醬腸粉~~呢個真係要講，個雞粥真係好好好好味，佢地既自家魚湯粥底再配合雞既鮮味，味道超級match!!!!口感非常柔軟，成碗粥的味道非常濃郁，非常美味。 佢唔同我地平時出去食既雞粥，佢成碗粥真係好有鮮雞味，色香味俱全，性價比好高，超級推薦!!而佢既珍珠蠔仔粥，可能因為食完雞粥，就覺得味道冇咩特別，但佢用料真係幾足，珍珠蠔口感幾彈牙，只係可能魚湯+蠔仔，會有D腥。而銀芽炒面+混醬腸粉同出面食既都差唔多，不過佢地既賣相真係幾好。飲品方面，我地叫左凍豆漿同薏米水，都OK。埋單兩個人食左$154，其實都食左幾多野下。入黎既時候明明無咩胃口，但除左蠔仔粥外其他食物都差唔多食晒食完出面開始要排隊啦，我見呢間都幾多一家大細落黎食。如果你喜歡吃雞粥，我強烈推薦你來這家餐廳試試。 呢張係下午茶menu~ 下午茶時段係2:00-6:00pm~

一直都覺得依間野嘅雞粥同炒麵好好食，咁岩今日去嘅時候2點鐘，可以開始點下午茶，所以比平時優惠得多，雞粥炒麵餐$58。除左上面講果兩樣，佢個炸豬扒客飯都相當之好味， 可惜d 姐姐話已經無再做客飯了。價錢方面，可能因為有米芝蓮嘅加持，佢真係唔平，平時正常時段d粥粉麵餐都要成$70蚊左右, 但係以味道黎計，我就覺得相當之值得。因為佢個雞粥真係超好食，連我本身唔鍾意食粥嘅人，每次都會主動點雞粥，所以如果未食過，一定要試下。

今日午餐時間同友人經過奧海城，見E間餐廳唔使點排隊，睇完menu都覺得OK於是決定試試佢。 點知餐廳full咗，不過好彩等咗5分鐘左右，好快就入得去啦！睇完Menu有幾樣嘢都想食，最後我決定叫陳皮鴨腿湯飯配凍薏米水，友人就叫咗雲吞麵配蘿蔔糕。好快脆嘢食就到 侍應上陳皮鴨腿湯飯我覺得有驚喜㗎，個碗大過我塊面，飯量非常可觀。野食到左就唔等啦趁熱食，講講個湯先個湯夠味又唔會太鹹，有陳皮絲可惜陳皮味就唔係太出，另外有幾嚿冬瓜又有幾粒菇咁湯不過不失 。講完湯就緊係要講埋主角鴨腿，鴨腿用筷子輕輕一夾 骨肉分離，我滿懷期待咬落去，入口同我想像有啲出入，鴨肉偏鞋有啲韌，我諗可能E個位先係咁姐，夾第二個位再試下先，都係鞋鞋地，不過最後我都食晒，肚餓ma。友人叫嘅雲吞麵蘿蔔糕，啲面係偏幼偏淋，蘿蔔糕比較粉。不過上餐時好特別，侍應分別攞來一壺湯同一碗面，上枱前先倒湯落面到，我諗係想啲面唔好浸係湯到太耐變淋，係細心位，加分最後杯薏米水好有驚喜！！係薑味薏米水！！細細薑絲撈埋多多薏米，味道拿捏得啱啱好，薑味足薏米足又唔辛辣，叫野飲非常推薦佢。

真係好嬲，所以一定要發表下！由於下午飯好晏先食，所以到晚上都唔肚餓，諗住近近地食少少嘢，免得半夜肚餓，點知就中伏了，今晚一家四口去了這間靠唔住的粥麵店食，我們4人各自order了自己想食的食物，一碗普通到不得了的豬潤粥要$70幾蚊，味道只一般，而老公order的星洲炒米細碟到好似下午茶餐咁就收$100，其中亞仔order了杯豆漿，個職員求其放低就算，老公諗住遞番俾阿仔嘅時候，唔小心倒瀉了，搞到自己一身都係豆漿，全部餐廳職員見到咁嘅情況，連一句問候或幫忙都冇，老公反而因為倒瀉杯豆漿落地下，仲同佢哋講咗聲唔好意思，但職員嘅態度實在太差，見到咁嘅情況，不單止沒有話換過杯豆漿或者話使唔使幫手，冇晒紙巾又唔會幫我哋換紙巾，之後亞仔諗住order番杯豆漿，職員即刻話冇晒豆漿，驚死我哋問佢攞過杯咁，老公碟星洲炒米就裝滿晒豆漿，職員見到當睇唔到咁問候一句都冇，更加唔會話換過碟俾我哋！😡😡😡😡😡老公搞到一身一褲都濕晒，即刻冇晒心機食嘢，馬上就先行離開，去到櫃檯埋單時候，買單的阿姐，看到所有情況連一句多謝幫襯都冇，激到老公死！老公同我講要即時要backlist呢間餐廳，今時今日咁嘅服務態度，嘢食又唔好食，

過完聖誕，家中長輩建議食返一餐清清地既午餐，俾腸胃休息一下。所以就黎到米芝連食店「靠得住」雖然食粥好似會健康D，不過都係心癢揀左無咁健康既食物——登登登登，就係秘製牛腩撈麵 配咸肉粽盛惠 $74牛腩撈麵份量好大，不過D牛腩就不過不失，D 肉都唔算實，但冇咩米芝連級數的驚喜。至於咸肉粽，都幾豐富，有一小件腩肉、綠豆、咸蛋。撈埋鼓油，味道剛好好，配上清淡口味的牛腩撈麵，咸肉粽成功將成個午餐的滿足度大大提升了

午餐叫咗碟時菜排骨炒河，等了二十分鐘，跟了一次單，終於有得食。第一啖咬落去排骨是涷的，河粉也只算是暖，跟職員反映，唸住轉過第二樣食物，職員二話不說問都唔問就拿去微波爐叮翻熱。仲要叮完忘記了跟返，又呆等10分鐘，我要食微波爐食品去7-11啦！交待一聲都冇，完全冇同人溝通嘅意圖，完全不知所喟！近兩次幫襯都有不愉快經驗，絕對冇下次！職員培訓絕對有問題，或者根本係炒散，不要再浪費商場鋪位了，建議快D執咗佢！

點了lunch set水晶雞好似一直缺貨個菜飯是很微很微溫獅子頭夠熱但淋得滯口感好怪，同有d鹹伴碟既菜直情係凍既豆漿都是很微很微溫唔計獅子頭，全部野都唔係熱食得有點辛苦，好怪話晒唔係食日本野🤣之前外賣自取味道退步不少想不到堂食都是退步了很多要自助落單，有得揀少鹹少油，飲品叫起，但完全沒有理會的😅