好久沒有吃沙嗲王了，對他的回憶就是以前和工作夥伴經常一齊食午餐的餐廳。無他嘅，平靚正。不過他的白咖喱豬扒飯確有一手，但因為分店不多，當轉工真沒有再吃了，想想也有六年吧。今日和朋友們經過心血來潮，而大家對沙嗲王的感覺也是差不多，於是一齊重拾回憶去。 差不多所有人都點白咖喱豬扒飯，而另一個朋友就選擇性冬陰公麵配鐵板雞髀（應該是新口味），另外再加一些小食。 餐牌比以前更加精美，選擇就反而少了，不過也好，專心做幾樣好的才更成功。之前就是太多選擇了，而且做得也不是樣樣精。白咖喱豬扒飯依然維持一樣的味道， 就算沒有白來。 鐵板雞髀反而有驚喜，雞髀非常鮮嫩多汁，而且很大，廚師還會細心起骨，絕對值得推介。 小食就中規中矩，另外唯一有點兒瑕疵的就是薄餅，雖然價錢平，但賣相不佳而且太少了。這個價錢我寧願吃薩利亞了。 整體來說，現在的沙嗲王的確比之前進步一點。

薩利亞一向都係我既心頭好 味道唔係話超班 但呢個價錢呢個質素都好難搵到第二間😂 呢日一個人食lunch唔洗諗就落薩利亞啦😂 1:00pm左右一個人入座唔洗等位☺️ 坐低即刻點餐 唔徙時間🤣 首先叫左個周打海鮮湯 即係白湯🤣入面加左d薯仔粒紅蘿白粒同海鮮 味道ok啦 蒜蓉包我每次食薩利亞都必嗌！ 個包份量大即叫即整 堅係外脆內軟 咁樣先$10 你話唔食對唔對得住自己😭 經常都好掙扎要叫肉醬多利亞定雞肉多利亞 今次揀左雞肉 其實即係白汁焗飯 佢既奶味非常重 其實份量唔大（個碟好淺） 但好膩 最好share食 我一個人食完呢3樣野都唔洗60蚊 非常滿足🤣🤣

喺九龍灣諗唔到食乜好，朋友話不如食薩莉亞， 都好耐冇食，而且又糧尾，去食薩莉亞就啱啦！以前必定會食墨魚汁意粉，因為貪佢食完個嘴黑蚊蚊，可以影相笑下玩下。 今日都有叫到黎食， 朋友覺得墨魚汁偏鹹，而我就覺得太油，特別係最底嗰啲有都食唔落口。仲有叫邦哥尼意粉，係蜆同番茄醬。個醬有少少辣，但就冇墨魚汁意粉咁油。肉醬多利亞焗到芝士有少少燶，有拉絲效果！ 香辣雞翼辣度好低，唔食辣既朋友絕對食到！重有焗菠菜雞肉，菠菜幾嫩👍🏻下個月糧尾可以食薩利亞。不過下次唔會再嚟呢間分店，因為臨走嘅時候係牆身發現有隻曱甴仔，嚇到我哋即刻走 😨淘大新開嗰間應該乾淨啲。

純粹醫肚。意粉煮到一Pat Pat 加上一舊麵粉咁的冇味汁，真係去薩利亞都好味過佢！份量又少，賣成140幾蚊一碟都夠膽死！唔該你哋作為一間意大利餐廳，做好你們的基本的嘢，煮到快餐店都比你好食好多的嘢食，真係嚇死人！

不知所謂 衛生極度惡劣 服務低劣 一坐張櫈 條褲即刻濕曬 叫個經理可唔可以整下佢 佢揾條濕布再抹一次張櫈Lol 最後成張櫈濕曬 當場Lol左心諗條友諗緊乜野 跟住問佢可唔可以整乾佢 佢揾一張紙巾掂下張櫈 我地再抹都整唔乾 其實都唔知係咪水添 成個地下都痴lup lup 那個經理態度極差 真係有夠冇禮貌 最後我地決定離開 那個經理大大聲同我地講bye bye lmao 大家真心小心中伏 如果大家想試有幾伏都可以不妨一試嘅 mikiki美食匯聚 唯獨薩利亞

經理態度非常惡劣！講嘢一啲禮貌都冇......做嘢又識唔識靈活變通一下？我哋9個人分開兩張冇雷公咁遠嘅枱坐都算，一分鐘後見到有大枱我哋就問可唔可以調，個職員用極差態度話一早講咗唔調得，話出面都有人等大枱，點知之後入嚟嘅喺兩班唔同人，根本唔需要大枱，可以分開兩張枱坐。。。如果真喺出面有人等大枱你唔俾我調我都冇問題，但完全唔喺，仲要態度真喺好X差！去咁多間薩利亞都冇試過一間咁差嘅，真喺以後都唔會去呢間！真喺唔好嚟mikiki呢間！

太耐無食薩利亞！真係窮人恩物！！！🤤又好食又大碟又夠平真係好癲～ 琴日喺唔知食咩好之際就見到薩利亞個牌 然後即刻就話要去食！入到去見到個lunch menu呆咗 因為真係好平😭可能係出面啲嘢食太貴😭飲杯珍珠奶茶都廿幾三十蚊！但喺呢到已經可以有碟意粉食.. 本身想叫返平時食開嘅墨魚汁意粉，但係又心思思想食下黑松露！結果都無令我失望～😆依舊好味份量多 另外必點蜆肉同埋中華海草🤤 平時嘅我一定會叫埋甜蝦沙律🥗但費是食唔晒放棄咗 結論係 只要一日仲有薩利亞 我都會keep住去食

星期日來到食肆臨立的石門，原意是想幫襯經濟實惠的薩利亞，結果當然係排長龍 四周遊逛下，發現呢間唔使等位，便決定一試 單是看到Menu已好興奮，因為好多款菜式選擇 我們一行五人點了四人套餐 前菜、小食、炒菜、主食各可選兩樣，結果枱面擺了八碟食物，場面偉大 我們的點菜如下 越式春卷～夠香脆，熱辣辣 泰式豬頸肉～略乾身，冇乜味道 泰式炒雜菇～意外驚喜，幾惹味 酸辣鳳爪～辣得過癮，比普遍泰式鳳爪辣 肉碎生菜包～肉碎欠泰式風味，只有咸味，味道單調 馬拉𦾟炒通菜～不夠味 蝦膏海鮮炒飯～冇蝦膏味，但飯炒得尚算乾身 咖喱牛腩大麫包～牛腩不夠淋，但咖喱味道可以，可惜麫包不熱的，包身亦淋晒唔脆 總結～咁多嘢食再加四杯飲品，埋單420，都好抵食，但味道真係好一般

無論一班人定係一支公去食野都適合去薩利亞，正如我標題所講，快靚正！ 講真佢一定比唔到5星級酒店西餐嘅味道，但係如果係想快快手簡單食個意粉就真係無得輸，加上款式多又夠經濟，平民食堂稱譽實至名歸！

糧尾唔想食得咁貴，但又要出街😹 所以就揀左平民恩物的薩利亞🤤 一坐低就已經知想食咩，我地嗌左個水牛芝士pizza，熱辣辣幾好食。然後再食左個磨菇菌飯，好濕潤好味，唔會太乾。最後仲有必食既雞翼😋😋。呢餐真係可以用抵食夾大件來形容👍🏻

今日中午路過交通廣埸時突然下🌧️，雖然有帶雨傘☂️但又不想弄濕身，心想不如入商場找個地方坐下來順面食個午餐。 一入商埸抬頭便見到薩利亞，毫不考慮直接去攞位。中午有特定午餐牌及正常餐牌。 🐔雞肉粗管麵 份量一般，但用的是非常闊的粗管麵，我想有四厘米闊🧐滿滿的舖滿芝士，忌亷味道好濃厚，鷄肉細粒😅 🍕煙肉菠蘿薄餅 薄餅的菠蘿也不少㖿，煙肉是大片的舗面，不是小塊或碎碎的，整個批可以切🔪到六小塊👍🏻 🌽加自選配搭粟米忌廉湯及田園沙律🥗 粟米湯好香🌽味道，但不是太creamy, 沙律不過不失👌🏻加$13就有湯及沙律👏🏻👏🏻 餐廳是沒有加一服務費，埋單只是$72價錢真扺👍🏻👍🏻