前排見到朋友去咗中環嘅木子園食飯打卡，睇佢影出嚟啲相好靚，無論環境同食物都好精緻，於是乎就過去打卡 💕 櫻桃鵝肝 呢個真係 must 點 💕 櫻花樹造型嘅龍鬚糖下面有一粒粒用紅菜頭包住嘅鵝肝，鵝肝就咁食又得，連埋龍鬚糖一齊食都得，個鵝肝好滑，就咁食就香，配埋龍鬚糖一齊食甜甜地都幾得意，上枱嗰陣時仲有乾冰，啲仙氣喺個碟度飄到成張枱都係，成個畫面好有意境好好feel，打卡一流 🫶🏻 蒜泥白肉 口味超麻超辣好正 🤤 口味偏重，所以豬肉入邊捲住咗啲青瓜絲中和一下，食起上嚟好辣好過癮 👍🏻 牛肉餅 熱辣辣超Juicy嘅牛肉餅 😍 個皮好薄，入邊嘅牛肉餡好多好悶，調味做得好好，一口咬落去好多肉汁，而且牛肉一啲臊味都冇，好香 😋 蔥爆牛肩肉 呢道菜非常之夠鑊氣，牛肉炒到剛剛熟，口感依然非常之嫩滑，一咬就開，而且啲蔥爆得好香，兩隻夾埋一齊食好正 😆 韭黃肉絲炒拉麵 呢個份量都幾多，韭黃同肉絲嘅份量都好足，味道唔算太鹹，而且面都幾彈牙 🫶🏻 呢度嘅環境真係好靚，處處都係打卡位，一入門口已經見到個好靚嘅千秋，入到去仲要有櫻花樹，啲位又坐得好舒服，加上啲侍應都好細心，加水上菜收嘢都好積極，而且見到我哋想自拍，仲會主動過嚟幫我哋影合照，好好人 😆

旺角The Forest 1樓最盡頭的一間色彩繽紛的星馬菜餐廳 - 獅叔，週末中午的人流亦不算多，地方寬敞明亮，算是一個不錯的聚腳點 🥢星加坡辣椒蟹肉 配炸饅頭（$168） 微辣又帶點酸甜，配炸饅頭又幾特別 🥢燒牛油大頭蝦（$158） 大頭蝦的外殼燒過所以鮮味突出，肉質彈牙 🥢檳城大蝦炒粿條（$118） 蝦醬味突出，微辣 🍮 咖央蘋果脆金寶配雪糕（$78） 蘋果金寶上的脆脆應是用了椰絲，而底層的蘋果教軟腍，配了雲尼拿味雪糕 🍹珍多尖蕊龍鬚冰（$46） 形多冰上加了很多像龍鬚糖的士多啤梨及斑斕味糖絲，賣相幾特別 ☕️馬來白咖啡（$36） 就是甜甜特白咖啡

「青花」位於旺角鬧市中，小清新風格設計 以乾花作裝飾，柔和自然光從落地玻璃透入 打造悠閒舒適感，令人放鬆寫意享用美食 而且食物同飲品都十分IGable ✾ 豬腩生菜包 $118 半肥瘦豬腩肉配搭蒜頭辣椒炒香 豬腩肉微微焦香；肉質軟腍彈牙 沾點秘製醬汁開胃惹味，用生菜包住一齊食 可減輕點油膩感且令口感豐富 ✾ 醉鬼惹火炒粿條 $118 粿條透薄煙韌，很有鑊氣 醬香濃郁，配搭不同蔬菜 ✾ 炭燒豬頸肉．酸辣青醬 $118 豬頸肉份量滿滿，充斥着炭火香 入口爽彈香口，沾點酸辣青醬增添風味 ✾ 三色冰奶蓋 $48 超適合打卡，滿滿彩色龍鬚糖小山丘 龍鬚糖入口即化，可浸落三色冰增加甜味 入口滿滿椰奶香配搭爽脆三色馬蹄 ✾ 楊枝甘露奶蓋 $48 濃郁幼滑，口感豐富 每一啖都充滿芒果同西柚酸甜果香

好姊妹生日即刻搵餐廳同佢慶祝先，無意中比我搵到呢間餐廳，估唔到食京川菜都可以咁有氣氛。 講返今晚你食咗啲咩先～ 😁 當然係必點招牌菜 - 櫻桃鵝肝 一放上枱即刻令到成張枱都充滿仙氣，櫻桃鵝肝，加埋手作龍鬚糖一齊食，口感細緻軟滑！ 孜然羊肋排 超香，個人好鍾意孜然香料嗰陣味，食落少少小脆，肉質好腍！ 雞煨面 湯底香濃加埋香嫩雞肉同爽口青菜，好味！ 蘿蔔絲酥餅 熱辣辣好香口，食落一條條蘿蔔絲喺口入面，好滿足！ 清炒萵筍絲 清脆爽口，唔油膩！ 最後値得一試荸薺餅同雪糕楊枝甘露枝 荸薺餅賣相以為冇乜特別，但食落充滿驚喜。而雪糕楊枝甘露好足料又唔會太甜！ 成餐飯我哋都食得好滿足！

▫️超精緻fusion中菜館✨ 無論環境定菜式都令人有一種高貴嘅感覺💖 而且服務招呼都好親切，帶屋企人黎食飯或者慶祝都唔錯🥳 🫖 茶位 $18/ 位 🍒 櫻桃鵝肝 $28/ 粒 ▫️非常吸睛又好有創意嘅一道菜😆 用上櫻桃醬包住鵝肝，口感幼滑綿密，樹上係龍鬚糖，脆身香甜，包住一齊食味道層次好豐富又得意😝 🍞 灌湯小籠包 $98 ▫️好少食到咁高質嘅小籠包🤩 皮夠薄，每一粒都爆晒湯汁💦 豬肉食落無肥膩感，覺得自己食晒一籠都無難度😎 🍗 紹興酒糟醉雞 $88 ▫️雞肉去晒骨好細心🥰 而且肉質超滑‼️😍 每啖肉都充滿紹興酒味好香🤤 非常推介嘅一道菜🥳 🥚 魚子醬流心蛋 $78 ▫️蛋黃半流心狀態，一啖啜入口超滑溜🥹 加左魚子醬令鮮味提升，同顯得更高貴👑 🍲 酸辣湯 $68 ▫️好足料嘅酸辣湯✌🏻 酸味唔算太突出，反而多左份麻香味，辣辣地好開胃😋 🍜 四川擔擔麵 $88 ▫️湯底有花生香氣之餘辣辣地幾惹味🥜 麵條較淋身好索湯，連湯一齊食唔停口😋 🥬 茶樹菇上湯小豆苗 $128 ▫️豆苗份量十足💢 煮得夠淋索晒湯，配埋茶樹菇口感豐富又鮮味🍄

行行吓Novowalk 新商場發現呢間傳統小食店都幾得意😊
有米通、雞仔餅、懷舊餅乾等等

平時都少見到咁齊全嘅店舖，忍唔住買番幾包黎食吓~
買咗幾款餅都幾平幾好食: 
- 花占餅 $22/ 半磅                 
- 懷舊雞仔餅 $30/ 半磅                          
- 鬆化光酥粒 $30/ 半磅                             
- 龍鬚糖 $20/盒                                                                    

依家懷舊小食越黎越少, 有多D呢D小食店比人選擇下, 過下口隱都好好!!  一定會再黎買

今日嚟到中環食川菜😆😆 一入嚟門口已經有個靚靚鞦韆打卡位啦📸～～而入到去就見到大大棵櫻花樹 非常吸晴👀 呢到嘅空間感十足 佈置場地都圍繞住花草為主題🌸🌿 坐喺到用餐都幾唔錯😚👍🏻 🍒櫻桃鵝肝 $28@4 呢個冷盤 一見到menu就已經好想點了 上菜嚟到都非常精緻養眼🤩🤩 完全係襯返呢到既主題！呢個櫻桃鵝肝 外層係🍒造型 入面就包裹住美味鵝肝 而上面扮櫻花樹造型嘅就係龍鬚糖 除咗直接食用 另一個食法就係撈埋龍鬚糖一齊進食😝😝 櫻桃鵝肝嘅香滑 加上龍鬚糖嘅脆甜 層次感豐富十足😋 🥢蒜泥白肉 $88 夏天熱辣辣 叫返碟蒜泥白肉涼拌菜 就啱晒啦🙈 口感清爽 鮮嫩多汁😝 不但融合咗豬肉嘅嫩滑、蒜泥嘅香氣同辣椒油嘅刺激～～呢到嘅店員十分貼心 將蒜泥白肉汁另上 啱晒唔食得好辣嘅朋友仔😋 🍲上海粗炒 $128 呢到嘅上海粗炒 大大份又好食！！！！☃️完全係飽肚之選✅ 油而不膩 口感爽脆😗😗 蔬菜經過快速翻炒 保持到蔬菜嘅鮮脆度 肉質都保持到嫩滑質地 口感非常好 食完好有滿足感😆 🥟灌湯小籠包 $98 外皮薄而柔軟 一口咬落去 內部包裹著豐富嘅鮮肉同湯汁💦 熱騰騰嘅湯汁會係口中爆裂 所以食嘅時候要小心♨️ 湯汁味道鮮香 令整個小籠包都更為美味‼️ 🌽蟹肉粟米羹 $68 平時既粟米羹就食得多 呢到嘅粟米羹加入埋蟹肉為原材料 令成個粟米羹更添加一份海鮮風味🤔 食到啖啖蟹肉嘅同時 仲可以品嚐到到粟米嘅嚼勁 係好豐富嘅口感體驗🙌🏻🙌🏻 🌹粉紅玫瑰花茶 $56

今日黎上環搵好野食，平時好小行依區，難得經開就要搵間個樣靚D既野食先🤤搵到一間門口已經吸引到我入去既餐廳😍好靚打卡都得 食物方面有好多特別食物，賣相都相當吸引好多都想試，簡左一陣先簡到🤭 叫左一個冷盤櫻桃鵝肝🪿🪸 一黎到靚到呢，加埋乾冰既效果，影相都影左十幾張😍影完出黎山水畫咁，好有Feel，樹上面白霧霧既係好有口感既龍鬚糖，一絲絲好軟棉，再加上好似櫻桃既係用紅菜頭包住入面既鵝肝，第一次食到甜既鵝肝，衝擊我味蕾😳 孜然羊肋排🐑 炸到金黃酥脆，面頭再灑上孜然粉，羊肉小小騷味，但係騷得嚟好好味，肉質好淋羊肉都做到入口即溶既口感😋一字骨可以用手拎住黎食特別滋味，職員好細心見到即時拎濕紙巾比我地🥰仲要有6條🤤 灌湯小籠包🥟 一籠六隻既小籠包，夾起唔會穿，入面滿滿既湯，一啖放哂入口，岩岩好size唔會太細粒，薄薄既皮加上濃郁既湯同新鮮肉質既配合，未算食過最好食但係都頭5位👍 櫻花蝦海鮮炒飯🦐 一黎到無唸過佢咁大碟，好多既櫻花蝦，同有好多既海鮮配料，加上用蛋黃黎炒，炒得非常香口，感覺4人份量咁多，好抵食 叫左一個甜品荸薺餅🥯 煎堆仔賣相，入面有好多唔同配料馬碲，花生，等等，好感好豐富，煙煙靭靭，味甜香嫩，雖然係甜品但係唔會好甜岩岩好🫶 木子園 The Muzi 地址：中環皇后大道中139號The L. Place UG樓

中環The L Place新開咗間京川菜木子園，今日就約埋朋友一齊去試新嘢。 餐廳嘅裝修佈置，令人感覺尤如置身於園林之中。除咗門口花園背景嘅鞦韆打卡位外，餐廳正中央嘅櫻花樹同樣吸睛。 櫻桃鵝肝 擺盤回應返餐廳園林主題，鮮紅色嘅櫻桃醬包裹住櫻桃造型嘅鵝肝，香滑味美；樹上嘅手工龍鬚糖，又鬆脆又甜，加埋由乾冰凝造嘅仙景效果，真係極盡視覺和味覺享受。 松子桂花魚 造型生猛。服務員會待大家打卡過後，協助分發魚件。桂花魚皮脆肉滑，松子鬆脆，配埋酸甜度剛剛好嘅糖醋汁，特別開胃！ 灌湯小籠包 滾熱的濃湯注滿皮薄肉鮮嘅小籠包。一口咬落去，爆汁惹味！

餐廳位於中環，餐廳闊落，裝潢典雅，以花草為主題，到處都是打卡位，餐廳內更放了一棵大花樹，非常吸晴；傳統中菜創新，餐點精緻，是視覺及味覺的享受 櫻桃鵝肝 $168 打卡滿分的食物，櫻桃鵝肝在櫻花樹下仙氣飄飄 櫻桃鵝肝外層被櫻桃醬包著，口感細滑，加上手作龍鬚糖，酸酸甜甜，食法有趣 松茸花膠燉螺頭湯 $128/位 螺頭湯味道濃郁，而且用料豐富，花膠也很大塊，火候十足，清香滋潤；連同湯料進食，可滋陰養顏，益氣健脾 櫻花蝦海鮮炒飯 $148 一大盤上碟份量十足，炒飯乾身，粒粒分明，充滿鑊氣，口感鬆脆合宜，每一口都充滿海鲜風味，鮮香味濃 乾煸四季豆 $118 四季豆加肉碎十分惹味.呢個都香口， 乾煸四季豆肉碎炒得好香口，送飯應 完全唔油膩，仲好乾爽， 加上四季豆幼嫩爽脆，微辣惹味！ 口感酥脆，味道香辣，非常适合下饭 注意：茶位$28/位，餐前小食另計 -總體評分- 環境：8.5/10 食物：7/10 服務：7.5/10 抵食：7/10 - 木子園 📍中環皇后大道中139號The L. Place UG樓

週日晚上吃好西，找到了一家集酒吧加京川滬於一身的食府門面非常吸晴，有清新吊椅打卡位，環境一流靚中央位置有一棵櫻花樹，裝潢典雅，舒適寬敞由擁有逾 20 年豐富經驗的師傅掌廚，承傳傳統家鄉味道，再加入嶄新風格冷盤櫻桃鵝肝以凝固的櫻桃醬製成玲瓏剔透的外層，口感細緻軟滑，配上手作龍鬚糖充滿仙氣肉類麻香脆皮牛肋骨以原條美國牛肋骨混合多種配料慢火燜煮，骨​香脂味滲透出惹味麻香點心爆汁牛肉餅皮脆肉嫰，啖啖厚實，啖啖肉茗茶每位$18，茉莉香片細膩清雅，花香芬芳濃郁

中環木子園新派京川菜充滿驚喜
輕盈藝術品櫻桃鵝肝具仙氣之作

🌟 如果中菜一直給你一種老成的感覺，今天要打破這種思維了。位於中環的「木子園」糅合傳統味道以及創意手法，帶來全新京川菜式體驗。傳統中菜加上嶄新演繹方式， 配合特色風格裝潢，讓人充滿驚喜。

🍒櫻桃鵝肝 $168
櫻花樹下仙氣飄飄的竟是一道輕盈藝術品。精緻的櫻桃鵝肝，外層特製櫻桃醬，包著法國天然養殖鵝肝，加上手作龍鬚糖同吃，平衡酸甜味道，口感細緻軟滑。

🦐 花雕蛋白蒸蝦球 $78/位
花雕蛋白蒸蝦球，滑嫩蛋白散發陣陣香氣，蝦球爽口，蛋白入口散發陣陣花花雕甘香餘韻，令人一試難忘。

🐷 菠蘿咕嚕肉 $148
咕嚕肉香脆外皮掛滿酸甜醬汁，外脆內軟，有酸甜香脆雙重滋味。鮮甜多汁的新鮮菠蘿經微烤處理，搭配酥脆香口的咕嚕肉，配搭更清新。

🥟 濃湯小籠包 $98
每一顆都小籠包灌以濃湯，肉餡新鮮、口感緊緻、湯汁濃香而不膩。

🤍 生磨蛋白杏仁茶 $38/位
溫熱的杏仁茶 杏仁香濃郁撲鼻，口感順滑 味道香甜，非常適合小仙女們品嚐。

🫖 人蔘烏龍 $28/位
🫖 粉紅玫瑰 $28/位
餐廳會提供小火爐給每位茗茶的客人，保證客人無時無刻都喝到一口溫熱的茶。

🍽 店舖：木子園
🌐地址: 中環皇后大道中139號 The L Place 地下

👈🏻木子園 #japjapjap_中環 #japjapjap_中菜 櫻桃鵝肝 $112 正常一份就$168有6粒櫻桃鵝肝 但係新推出嘅關係 店員就比我哋order4粒試下😙 依個菜式真係色香味俱全 打卡同味道都100分🤩 櫻桃鵝肝係外層用咗櫻桃醬包住鵝肝 口感非常軟滑 櫻桃醬酸酸甜甜配上味道醇香嘅鵝肝好夾 再加上龍鬚糖 食法更加有趣 勁驚喜吖 饗園盛宴 二人套餐 $488 魚子醬流心蛋 流心蛋煮到啱啱好😛 蛋味香濃 配上魚子醬鮮味十足 四喜烤麩 咸中帶甜 鬆軟得嚟帶點彈性😆 蟹肉粟米羹 蟹肉粟米羹嘅濃稠度好好🙌🏼 味道較為清淡 椒鹽小黃魚 大推介😍 擺盤擺得好精緻 條小黃魚栩栩如生 炸到金黃色 脆卜卜 入面嘅魚肉非常嫩滑 加少少檸檬汁 更加開胃 宮保雞丁 非常惹味嘅宮保雞丁 平時食小辣嘅小編 就覺得辣味十足啦🤫 啖啖肉 越食越上癮 如果有碗白飯就一流啦 蒸花素餃 一上枱熱辣辣 皮薄餡靚☺️ 清清地可以中和番食宮保雞丁嘅辣味 Overall食評最高5粒🌟) 📌好味程度：🌟🌟🌟🌟💫 📌回頭度：🌟🌟🌟🌟🌟 📌環境：🌟🌟🌟🌟🌟 📌服務：🌟🌟🌟🌟🌟

當晚上菜速度，餐廳係依據我哋用餐速度準備🥰可能當日餐廳晚市唔算多人啦～呢個位的確係好貼心～加埋環境坐得舒服又靚靚，整體用餐體驗唔錯👍 茶位方面同一般酒家唔同，選擇都幾多～最後我哋點左玫瑰花茶同埋洋甘菊茶，茶價$28一位～餐前小食另計 🔅魚子醬流心蛋 $78 擺盤精緻，少少似日式流心蛋，調味均勻適中， 魚子醬並唔腥，其鮮咸令流心蛋更添一份美味 🔆 櫻桃鵝肝 $112 一份本有6粒，但因為我哋得2個人，店員建議4粒試看看👀 真係忍唔到嘩左一聲！似藝術品勁打卡able嘅一份餐點❣️ 睇左好耐只見櫻桃🍒不見鵝肝，我仲估會唔會喺樹上邊😂 點都估唔到櫻桃並不是櫻桃，個粒「櫻桃」就係鵝肝🤤 鵝肝口感嫰滑細緻，有鵝油香～配埋樹上面嘅龍鬚糖，咸甜口味夠多層次 🔆松子雞米配叉子燒餅 $148 芝麻燒餅香口薄脆！ 松子雞米其實由松子仁，雞粒加好顯刀工嘅甘筍粒和芹菜粒一齊炒除咗多重爽脆口感之外，因為有芹菜同辣醬，味覺效果都好唔錯！配埋樂趣芝麻燒餅，飽肚得來又唔會太滯 🔅灌湯小籠包 $98 小籠包好飽滿，皮薄煙韌 🔅雞湯小雲吞 $78 味道有啲似雲吞雞，味道正常發揮，份量合理

᪥這裏環境裝修優雅，有點像Cafe，墨綠色和粉紅色和白色為主調，餐廳中央有一顆桃花樹點綴，門口也有千秋打卡位。 ᪥櫻桃鵝肝 最新特色菜式，櫻桃鵝肝擺盤精美，一盤六粒櫻桃形狀的鵝肝，帶微甜美，龍鬚糖樹很精緻，打卡一流。把龍鬚糖伴入櫻桃鵝肝一起吃，令到鵝肝味道更加突出。無論是士多啤梨味或原味龍鬚糖，同樣美味。 ᪥灌湯小籠包 至愛灌湯小籠包，小籠包內裏多汁，外皮薄，一籠六隻，吃了一口又一口。 ᪥花雕焦糖布甸 加入花雕的焦糖布丁，以食用花作點綴，相信焦糖很香，花雕味比較重，個人認為如果可以少一點更好，但也不失是飯後的好甜品。 ᪥火腿津白 津白中的芡汁豐富，津白也很新鮮，大大片火腿很有口感，帶點甜，帶點鹹，是伴津白即最佳拍檔。 ᪥雞煨麵 雞湯味香濃，雞肉也很嫩滑，麵的份量也挺多的，大大碗，二人一同分享剛好。 ᪥整體來說，這間新餐廳主打fusion中菜式，但卻有着西式的裝橫，菜式質素高，小籠包特別令人回味。