尖沙咀有間餐廳好特別，特別之處係佢嘅海鮮用左個大膠袋裝住，煮熟左嘅海鮮再加醬汁搖勻佢就食得，賣相靚之餘又方便，我選擇左三種海鮮有海蝦、青口同蜆，佢地仲加左粟米🌽薯仔🥔醬汁就選擇左檸檬牛油汁，好香好開胃咁嘅食法真係好好好味😋 小食叫左個爆谷蝦，真係用左爆谷盒裝住好靚😍成隻蝦炸得好脆啖啖蝦肉。 墨汁鮮魷魚·八爪魚意大利飯：大大粒嘅意大利米用左好多八爪魚🐙口感好豐富👍🏻👍🏻👍🏻 紐約芝士餅🍰好濃芝士味加左焦糖好好味😋望見都靚啦⋯⋯ 叫左兩杯特飲Kiwi Garden 同 Mimosa 好飲加好飲😍😍😍

自從放寬開返晚市後 夜晚出街食飯度度都好多人 而我又好怕同人迫嘅 知道原來Mr. Steak出左一啲外賣套餐好吸引 我哋都一於試吓先 哩個2人外賣套餐好吸引 可揀四款沙律、四款甜品、主菜同湯 我哋哩個Set C都只係$278！ 🔸是日精選餐湯 🔸意式肉丸配幼滑薯 🔸海鮮番茄意大利飯 🔸烤肉拼盤（牛扒、羊架、燒雞、香草腸） 🔸地中海八爪魚仔沙律 🔸意式冷肉拼盤 🔸香燒雞肉意大利麵沙律 🔸香草燒雜菜 🔸歌劇院蛋糕 🔸綠茶瑞士卷 🔸紐約芝士餅 🔸朱古力撻 以上就係我嘅個套餐內容，係咪超級豐富😂？！主菜嘅意式肉丸薯蓉有好香嘅芝士番茄醬，薯蓉滑溜👍🏻。而海鮮意大利飯亦有好多大隻嘅蝦。而烤肉都香口惹味，燒完嘅肉質完全唔乾，好食！ . 沙律方面我大推地中海八爪魚仔沙律，味道酸酸甜甜好開胃，八爪魚好爽彈！而甜品嘅綠茶瑞士卷、紐約芝士餅、歌劇院蛋糕都好味！紐約芝士餅嘅芝士幾濃，Opera嘅朱古力味濃又唔太甜！

最近疫情緩和咗少少🤏終於可以見下朋友食飯吹水🌝其實已經唔係第一次嚟🤣貪佢夠靜夠大坐得又舒服‼️最緊要啲食物都唔錯💕所以翻兜👍🏻兩個女仔🧍‍♀️每人叫一個套餐再加小食同嘢飲🧃已經好飽😚BTW, 每個餐只要➕$35就可以有沙律🥗甜品‼️我地分別叫咗👇🏻👇🏻👇🏻 ❤️蟹肉雜菌忌廉闊條麵❣️蟹肉係真嘅唔係蟹柳🤣除咗主角之外仲有紅黃綠椒😍成盤意粉即刻colourful 咗💕闊條麵軟硬度適中幾彈牙🌝忌廉汁好creamy❣️撈到每條意粉都有忌廉汁好正😬 ❤️黑松露帶子鮮菌燴意大利飯❣️因為本身好中意黑松露嘅食物❣️所以每次嚟都會食❣️加上黑松露同菌類真係好夾點整好味😋意大利飯燴到粒粒都吸哂黑松露嘅精華😋帶子雖然細細粒但勝在數量多😎 ❤️BBQ單骨雞翼❣️應該有處理過骨同肉所以好易可以甩到嚿肉出嚟食😋炸得好香口而且唔會太咸‼️加埋茄汁醬酸酸地👍🏻👍🏻👍🏻 ❤️小天使❣️好香茉莉檸檬草味🍋飲一啖已經覺得好清香而且會瞓得好好嘅感覺😂 ❤️可人兒❣️中意薄荷味嘅朋友唔好錯過啦👍🏻飲完成個人醒神咗💕花茶可以refill哦💕 ❤️藍莓🫐芝士餅➕紐約芝士餅❣️雪到岩岩好唔會凍親我啲牙🤣而且芝士味好重‼️餅底唔會散哂👍🏻個人比較中意藍莓味😌因為酸酸地有層次啲😚

外賣2人自選套餐✌🏻 ($298) 外賣套餐有7款可以選擇😱 就算叫外賣都可以在家食semi buffet😎 今次叫個set有: 精選湯(番茄湯) x 2🍅 頭盤 (沙律、冷肉拼盤) x 4🥗 意式肉丸配薯蓉🥔 煙肉野菌卡邦拿扁意大利麵🍝 美國安格斯西冷牛扒配油漬蒜籽🥩 甜品 (紐約芝士餅、Brownie、歌劇院蛋糕) x 4🎂 呢個價錢黎講性價比好高😱 估唔到叫外賣都可以食到semi buffet😛 仲要有扒食😎 前菜頭盤有14款可選擇✌🏻 甜品亦有8款可選擇🍮 食物質素也不錯👌🏻 意大利麵夠哂creamy🍝 西冷牛扒肉質唔會韌🥩 唔洗擔心唔夠飽肚😋

睇食評有人話海洋公園酒店buffet幾好食，就趁自己生日去試下，但幾失望而回。有熱的龍蝦，唔係凍到死實實的龍蝦就一試，龍蝦熱辣辣係好味，仲可揀芝士汁及泰式汁。我添了好多次食。值得讚 但呢間酒店竟然無三文魚刺身，只有其他魚刺身及魷魚，北寄貝等刺身，都幾意外及失望。蟹腳都算新鮮唔會死咸 牛扒ok不會有太大驚喜，羊扒唔so, 另外無炸物，我呢d炸物控頗為失望。另外韓和牛先唔好食，又鞋又唔香完全唔好食 超級多糖，其實酒店知唔知家長查實唔係好鍾意比仔女食太多糖，個糖的area會唔會大左d? 甜品少得可憐兼唔好食，食buffet我覺得甜品係最緊要，但偏偏得果幾款仲款款唔吸引，無意大利芝士餅，無紐約芝士餅，無拿破崙，無一個個的蛋糕，全部甜品我覺得係美心水準以下。。。。雪糕個柜好勁，但其實款唔多 食物款式少：無天婦羅，無pizza, 無中式點心，無片皮鴨，無即整西式意粉，但又大大個檔煮蝦子麵，其實唔使咁大個位煮同一樣野囉 我講咁多無，咁有咩呢？好，我數一數：龍蝦，鮑魚，蟹腳，凍蜆，凍蝦，各款刺身唯獨沒三文魚，但有煙三文魚，沙律，風光火腿，芝士，咕嚕肉，西蘭花磨菇，西芹魚柳，牛柳粒，牛扒，羊扒，鵝肝，印度咖哩，薄餅，薯仔，壽司，冷麵，雪糕，幾款甜品，勁多糖，叉雞鴨，燉湯，粉麵。，，我相信我唔會再光顧第二次 題外話：作為海洋公園裡的酒店，整個餐廳完全無海洋公園的特式，迪迪尼酒店都有感受到迪迪尼的擺設及氣氛，新加坡的legoland酒店更加係有趣無比，呢間作為代表海洋公園的酒店就太過沒特式了

肥姑姐飲食推介 – 法式芝士餅Gâteau Nuage

今日再試Lady M蛋糕，原來法式芝士餅Gâteau Nuage也好正。

 惠顧日期: 2021年1月29 日3:30PM
1）環境衛生
(不適用) 外賣

2）食物質素
法式芝士餅同紐約芝士餅好不同，法式芝士餅比較濃味及軟身。而且法式芝士餅的曲奇餅底混入了少量肉桂，令平凡的餅底多一點層次。而芝士餅本身質地又軟又濕潤，中層的忌廉芝士非常濃郁配上頂層的軟滑酸忌廉完全是Perfect Match，令人食指大動，秒速KO整件蛋糕。

3）價格HK$69

4）再惠顧個指數👉🏻 (一定會再食呢款蛋糕)

銅鑼灣Fashion Walk 有好多西餐廳同日本菜💕 每家餐廳門外都設有室外座位 有如置身於外國既小市鎮 放假嚟呢度食嘢都幾relax💛 . Barbling半自助餐最受歡迎 前菜好多款 午餐都有任食自助吧沙律同冷盤 冷盤包括三文魚、Parma ham、煙三文魚、芝士🧀 等等 Lunch set附上嘅蕃茄湯 有質感 酸酸甜甜 唔錯啊 . 我老公嗌咗精選燒烤拼盤💕啱晒鍾意食肉嘅佢 有西冷牛扒、燒春雞、香草腸 牛扒肉汁豐富 淋上燒汁好juicy 口感唔會太硬👍🏻 燒春雞keep到原汁原味 唔會鞋颯颯 每款都咁高質 啱晒想食晒咁多款嘅佢🤣 我叫咗香煎盲鰽魚柳配櫻桃蕃茄香草汁🐟 魚柳肉質鮮嫩 滑過我塊面 配蕃茄香草汁 酸酸甜甜咁好開胃！ 食完主菜之後一齊揀甜品 甜品款式種類好多 都係以自助形式供應 北海道3.6牛乳布丁、麵包布甸、紐約芝士餅、朱古力布朗尼、綠茶慕絲蛋糕、拿破崙、檸檬撻、泡芙 甜品每樣都好高質 我最鍾意就係食木糠布甸🍮

平時食開Mr.Steak嘅半自助餐，味道同質素都有保證，今次見到佢哋推出新春外賣套餐，於是團拜嘅時候就試一試，收到外賣嘅時候都好有驚喜，因為盒盒外賣都大大份🤩 ❣️燒烤拼盤·4人外賣套餐$698 📍鮮芒果雜果蝦沙律 底下係超多嘅雜果撈沙律醬，最鍾意就係食有咬口嘅椰果，而上面就係鋪上大量嘅士多啤梨、芒果、藍莓同大蝦，芒果清甜，大蝦爽口，最重要係份量十足，食極都仲有🤪 📍羅宋湯x4 普通茶餐廳味道，湯裏面都有大量紅蘿蔔同菜 📍燒烤拼盤 有厚切美國安格斯西冷、澳洲羊骨扒、BBQ醬烤豬肋排、烤美國香草腸、香草燒春雞同埋橄欖油香草烤時蔬，西冷同春雞有d overcook ，肉質較韌同乾，羊骨扒切開肉質仲係粉紅色，唔食羊嘅我食左一細舊，羶味仲接受到，烤腸冇咩特別，反而豬肋排同烤時蔬有驚喜，豬肋排仲係有肉汁，時蔬嘅青紅黄椒、茄子、洋蔥同翠玉瓜吸收左d烤肉嘅味道，好好食，餐廳附上兩款唔同嘅醬汁，一隻係BBQ燒烤醬，一隻係類似紅酒汁嘅醬🤓 📍甜品拼盤 甜品中嘅朱古力撻同紐約芝士餅最濃味最好食，而且呢度係4人份量，好超值👍🏻 好味度：8 （10分滿分） 價錢真係好抵，食物嘅份量起碼都有6人份量，所以真心有驚喜🤩

女友想食芝士蛋糕，順便試埋午餐啦。
估唔到疫情下仲要等位，差唔多2:00pm都話要等15-20分鐘，點知坐左5分鐘就有位喇。 先上餐包，法包外脆內軟，而黑糖包同Outback既一樣子味，第一印象唔錯。 個Menu以美式餐廳黎講好多選擇，不過我地啱啱食完墨西哥菜，有一半唔駛睇了。剩低有泰式，有好多雞扒菜式，唔係好揀到，最後揀左兩樣未試過既野食： （原來有午餐Menu，送餐湯/飲品） shepherd's pie $188（午餐） 原來唔係英式既批，冇酥皮架🤣，係好大舊好濃味既免治牛肉，撈埋薯仔，青椒同其他菜，上面鋪一層芝士薯蓉，浸住好咸既蘑菇肉汁。其實都幾好味既，份量啱啱夠一個人食，同埋唔係好飽肚。 （跟餐）墨西哥雜菜湯 好多料，口感非常豐富，女友仲想點多一碗添。食埋佢就有小小飽肚了。 da vin ci spanner 達文西雞肉長通粉 $156 （午餐） 通粉好煙韌，冇比個汁浸淋左，個馬德拉酒原來係好傑既甜酒，幾特別同惹味，雞肉有炒過，正正常常啦。份量都係夠一個人，幾飽既。 original cheese cake $77 主菜食多左，淨係可以試一款芝士蛋糕，咁就試原味啦。好彩唔係紐約芝士餅，一啲都唔硬，味道係好平衡既，酸甜咸同埋芝士味都啱啱好，冇邊一種味好突出，我地幾鍾意。份量都幾大，兩個人share都唔覺得少。 iced coffee 跟餐 係芝士蛋糕既好朋友。齋啡幾香，唔輸俾UCC，點知落左小小奶就被蓋住了味道，個奶都好濃味架。 總結：職員服務好好，地方夠大坐得好舒服（對導盲犬Delta黎講都好大），會再黎。

月前在荃灣如心酒店的 Staycation，的確留下良好的印象，今次約了朋友飯聚，但礙於晚間的6點死線，唯有改食午餐。早幾日已經介紹過「Sky Lounge」，今次不再累贅重覆。午市套餐的價錢，會因應不同主菜而有差異，有牛、豬、雞及魚，豐儉由人，切合不同須要人士。

Hot Plate Set Lunch 午市鐵板套餐

0

0

0

田園沙律配粟米紅菜頭及柚子洋蔥豉油汁 同行Y小姐愛健康，沙律是必然之選，試了少少，沙律菜新鮮清爽，夾雜柚子的香氣，用來清清味蕾好啱。

Or 或

0

法式洋蔥湯配芝士多士


個人其實幾鍾意飲洋蔥湯，尤其是洋蔥煮得夠稔，有入口即化的感覺，配以烘得脆卜卜的芝士多士，真是人間美味。美國安格斯肉眼扒（220g）（$250）


畢竟是午餐，份量以lunch來說，220g已經足夠，特意點了 medium rare，但上檯時似乎有7成熟，可以改善一下，不過肉味幾濃，而且鬆軟有嚼口，其實不錯。至於同行朋友則挑選了蒜蓉扒大蝦（3件）（$198），燒得微焦，蒜蓉味滲入蝦肉好香口，而且保留了肉汁，吃起來亦覺彈牙，三隻蝦對女士啱啱好。

每款主菜都配以薯條、法邊豆、甘筍、西蘭花及車厘茄，大家記得趁熱食薯條，即叫即炸，外層脆口，內裡軟綿，超正。

另外仲有香煎挪威三文魚配檸檬牛油汁（$230）、澳洲西冷（$198）、美國有骨豬扒（$178）及美國春雞（$158）可以供大家選擇。甜品是紐約芝士餅，食落幾香滑，芝士味亦濃郁。餐後再來一杯伯爵茶，跟朋友在和煦的陽光中聊聊天，消磨時間真好！

荃灣如心海景酒店41樓既天空酒廊Sky Lounge 終於開業啦！見到佢哋而家有個新Offer可以喺Sky Lounge 享用午市套餐同埋下午茶真係幾吸引，當然要去試下啦！今次我哋先去試吓佢地既午市鐵板套餐 Hot Plate Set Lunch🍴

套餐分別有一款前菜、主菜、甜品同埋餐飲！價錢都係只需$158-$200不等. （有三款主菜可以選擇分別係鐵板西冷牛扒、有骨豬扒同埋燒春雞）



點餐後，餐廳侍應先來一籃熱辣辣既麵包，一共有四款！👍🏻



前菜選擇了 #田園沙律配粟米紅菜頭 沙律🥗份量都唔少而且沙律菜非常新鮮鮮甜食落很爽口再配上柚子洋蔥豉油汁真的很開胃😁



主菜 #澳洲西冷牛扒配燒汁
呢個係🇦🇺 穀飼西冷牛🍴牛扒都幾嫩食落牛味都濃而且幾juicy 🤤 配菜係粗薯條🤤仲有蘆筍同鮮甜既車厘茄，真係好飽😁



另一個主菜 #美國燒春雞 🍴
燒春雞一半係雞胸一半係雞髀位
估唔到肉質幾好一D都唔柴口
連雞胸部位都嫩, 讚👍🏻


甜品 #紐約芝士餅🍰
New York Cheesecake擺盤幾精緻
口感幾順滑，帶有咸香芝士味👍🏻
好食，幾飽都食得哂👍🏻


Hot Plate午市套餐真係性價比極高，好抵食呀！仲可以坐係酒店41/F sky lounge 慢慢欣賞香港城市既美景同享用午餐🍽 真係值得一試💪🏻


#鐵板餐 #hkfood #hkfoodie #hkfoodblogger #食好西 #相機食先 #食評 #doubley_l #荃灣 #lhotel