1
1
0
以上資料只供參考, 請與餐廳確認詳情
聖誕過後留在家休息休息，午飯點選韓點外賣。小店不設堂食，外賣韓食十九款，不算多。一客宮廷紫菜壽司，賣相一般喇，餡料有菜、酸菜、紅蘿蔔、腸仔、蛋等，似小朋友小食多一點。一份海鮮煎餅，餡料有魷魚及蝦，份量不多。煎餅粉多稍實，香脆度不足。杯杯雞甜酸汁調味不俗，口感腍身。主食豬肉蓋飯，食味香辣帶酸，挺惹味，建議不要把豬肉片切得太碎。炒什菜水晶粉絲未有品嚐不致評。主食加$10可購海帶湯一碗，海帶量足，內含少量蜆肉，湯汁清清的，OK喇！
繼續閱讀
大約幾年前知道紅磡有間由韓國人夫婦開設o既小食店韓點,後來在多個地區設立加盟店,不過我咁耐都未試過幫襯琴日返屋企途中,見到海怡東商場有新分店,覺得幾驚喜,因為成個南區都冇韓國菜餐廳或小食店,鴨脷洲有間韓點真係方便大家本人對韓國菜都有興趣,不過韓國菜價錢唔平,同食日本野差不多,所以好少機會出街食韓國菜,今日午飯黎到試下韓國菜午餐原來間舖開左唔夠一星期,現正試業中,店內只得兩個座位,當時已經有人坐,中午陽光猛烈,唔想o係店外等咁耐,只好買外賣返屋企食由於呢間小食店係以做外賣為主,細舖大部份位置用黎做廚房,留意到大約有6名店員,見到各款飯或麵配海帶湯套餐係$48,不過當時冇座位,只好簡單買一碗韓式炒年糕$30返屋企疑似韓國人o既店員都算親切有禮,唔記得找錢俾我都有講聲唔好意思,店員問我食唔食得辣,我話都可以,俾錢後唔洗幾分鐘就整好碗韓式炒年糕俾我韓式炒年糕外層滑溜,可以利用小食店提供既膠叉進食,一碗大約20條,圓柱體形狀,年糕幾煙韌,但唔會太硬,呢o的韓式炒年糕算係幾正宗做法聽講醬汁係由傳統韓式甜辣醬再加上紅酒等十多款配料製成,倒入韓式年糕炒製,之後再o係碗上面撒左o的芝麻醬汁濃郁杰身,辣中帶甜,年糕撈上醬汁後幾好食,呢o的辣醬幾特別,初入口時唔覺得太辣,但係會愈食愈辣間中食到幾條泡菜,佢地o的泡菜幾特別,係爽脆,唔係一般淋o既泡菜一碗$30有差不多20條,份量都算多,食得飽肚價錢合理,區內亦冇其他韓國菜餐廳可供選擇等候期間見到唔少人對呢間新開小食店有興趣,可能仍然試業中,今日唔見有杯杯雞賣,店員話遲o的有更多菜式,下次要試下杯杯雞呢款韓式炸雞
繼續閱讀