影片
久不久都會和好朋友在這一間新田茶座吃個早餐的，因為好朋有是在這兒附近上班，加上泊車方便。這裡一個早餐不過$24，比起大XX更便宜。今次要了火腿通粉加餐肉煎蛋。一般來說，餐蛋會分開上的，但這裡是會放在通粉裏。通粉煮得不錯的，而餐蛋也不過不失。飲品的凍鴛鴦少甜也一般，不夠滑也不算夠味。不過$24, 你想點？
繼續閱讀
有了一部車, 在新界找食, 總要找一些方便泊車的地方去食野. 係馬鞍山呢一頭, 要方便泊底部車, 又想免費, 或是平平地. 除了泥涌幾檔又貴又唔好食既野, 就是大水坑呢一間村屋菜餐廳.旁邊是一個大 Car park, 可以泊貨車, 私家車. 村口亦是一個熱門的單車徑. 駒車騎車來, 非常之方面. 泊好車, 行入茶餐廳, 人頭湧湧的, 好不容易才找到一個室內的卡位. 兩個人, 悶悶的又來品嚐茶餐廳.剛喝了台茶, 所以兩個都唔想飲奶茶. 轉戰茶餐廳的另一名物, 檸檬茶. 做凍檸茶, 最重要茶底夠凍, 檸檬俾得足. 這裡, 足足放了半隻檸檬落去. 茶底凍, 再加冰, 再加上重重既檸檬味, 我覺得不錯. 但齋妹說, 不夠甜.齋妹入親茶餐廳, 總是獨沽一味. 羅漢齋炒麵是她的至愛. 見過不同地方做的羅漢齋, 用料都唔一樣, 總之羅漢齋, 就是雜七雜八的菜菇, 炒好落個茨, 就是. 這兒的羅漢齋, 用了青瓜, 白菜, 芽菜, 木耳, 紅蘿蔔, 材料清淡, 茨味帶味, 而且麵底夠乾. 有水準之作.我本來想要個菜遠牛腩飯的, 但是日牛腩沽清, 想了想, 改了做 菜遠牛肉飯. 味道不錯, 牛肉醃過的, 入味. 不過, 牛肉應該沒有多用梳打粉"拿"過, 食落帶點韌, 而且起筋. 味道好的牛肉飯就係咁樣, 失了應有的色彩. 半小時內, 我們兩個快快完事. 車上有給父母的外賣啊. 食完, 快點開車回家. 不要讓父母太辛苦.
繼續閱讀
踏到死死下.....細路無事,大人會破.唔該搵個位坐返大半粒鐘. 於是去咗新田.要的是簡單,好味夠凍..但唔坐得冷氣攝親咪死!夠凍夠甜,唔混濁..好茶.餐蛋丁太陽蛋. 餐肉薄咗啲,加條生菜過你.好過冇.但餓就...好鬼好食呀....阿仔的蟹棒有煎過,香口好多.四條蟹棒雖則加五蚊但OK好味,炸雞亦分開上.HEART囉....太座的炸肶薯條...即炸就是皇道.吹吹秋風....呆一個下午....有時好爽.
繼續閱讀
說到踏單車，沙田大埔一帶確是熱門地點，但在鄰旁的馬鞍山也不失為另一選擇。今日我們便在大水坑附近的單車公園租單車到附近遊玩一番，活動完結後便順理成章在附近下午茶。新田茶座正正在大水坑村村口，位於村屋的地下。店內缺乏華麗裝潢，只是一般舊式茶餐廳格局，對象也是附近的街坊。除了店內三數卡拉，店外亦設有不少桌椅作為半露天茶座。食物方面，這裡賣的就是一般港式茶餐廳食物，我們來到茶座接近下午五時，正好來個經濟的下午茶餐。 回鍋肉麵：點了個相對於沙爹牛肉或五香肉丁較少見的項目，但其實也只是罐頭現成貨，味道也好，但竹筍連肉片加起來只有三數片，份量較少。相對的麵底反而更可取，煮得軟硬適中，不會過份淋，以廿元的價錢算是合格了。 運動完後點了另加 $4 的凍檸樂，頓時暑氣全消。朋友點了煎蛋湯麵，質素似乎相若吧。非常地道的港式茶餐廳，質素中等，吃不出有甚麼特色可言，但以較低的價錢，招呼附近一眾街坊，也不失為可選之地。
繼續閱讀
好多人會喺假期去沙田踩單車，而馬鞍山呢條村好多時係休息嘅中途站，所以都有唔少食肆比人歇腳休息，除咗喺富安入面有唔少食肆，村屋嘅地下好多時都係做茶記，呢啲茶記唔係日日都做生意嘅，而且亦冇晚市，好早收舖，平時要食就要睇彩數，星期六日就保險啲。上星期日我就去咗其中一間都食過幾次嘅新田茶座嘆番個悠閒下午茶嘞，揀佢係因為佢喺正村口，夠晒方便，我叫咗： 豬柳漢堡配炸薯條：豬柳當然係來貨，細過麥記嗰塊，單薄咗啲！煎得都幾香，灑少少黑椒係面會好食啲！薯條係用粗身嗰種，一般快餐店風味，炸得都夠外脆內軟綿，梗係要點茄汁先食得晒啦！ 凍鴛鴦：杯茶得！夠濃夠厚身！唔叫少甜都唔會太甜！喺呢度食嘢，食物都係其次，最緊要係風景優美，吸吓新鮮嘅空氣，仲可以吹吓清涼嘅海風，睇吓啲新式屋苑嘅設計，咁啲嘢食就自自然然變得好正嘞！
繼續閱讀