1
1
0
電話號碼
24360293
付款方式
以上資料只供參考, 請與餐廳確認詳情
因為剛開始結束全職媽媽既生涯，係青衣番工，公司就係長康附近，番工前有時間都會入長康買早餐，每次都被香噴噴的包味吸引！我食過好幾款包都覺得好好味，因為我個人覺得只要包係熱哄哄既都唔會差，但我試過買一车個包分左兩日食，第二日食果時都覺得佢好味！但其實佢唔係屋村包價，基本上一個包都要十蚊，但我依然同老公每早都嚟買個包食！上星期大女生日，我就試吓佢既蛋糕睇下有無驚喜先，原本想訂佢廚櫃入面嘅款（都係一般款式）當我問職員仲有冇其他款時，佢即時係手機比左好多卡通款我選，果些款我都睇到嘩嘩聲，其實我未問價錢都已經選好款，因為每年仔女生日既蛋糕我都買過千既，嚟映相都好話哂一年一次，但每年我女女都不太喜歡食，因為佢最喜歡既蛋糕係幼稚園生日會上學校為同學準備既清蛋糕🍰即無任何忌廉又鬆化果款（好似近年興起既古早蛋糕）我來依到訂都抱住一個心態就係試試有無類似既蛋糕又有花款映相又好睇，果然不負我所望！仲要今早訂後日晚就有得拎！到我放工去拎時，我見到蛋糕已經心心眼，因為個包裝盒俾到我驚喜，唔係一般紙盒所見佢有花心思既，外表同我係相睇既一模一樣，因為我女最近喜歡依個卡通既女女，所以我自己過膠相片插上去（原本係只有蝴蝶🦋）番去切開蛋糕時已經知道係我女女喜歡既口味，但心想咁多忌廉一定好甜，片走左大部入忌廉先食，但蛋糕入口鬆化亦都唔太甜，係屬於清甜果種，蛋糕內既什果都係有索乾水得，唔會食到生果還生果蛋糕還蛋糕，食落口知道佢地係一體既（希望讀者會明我講咩🫣）我女女自己一個都食左1/4個，今次依個蛋糕真令我對依間店一再加分下次有機會我再映下麵包🥯忘記講價錢，依個係8寸（仲有6寸選擇），8寸麵係400蚊有找，抵抵抵！
繼續閱讀
平日跟本不會來這邊，最多是運動路過，既然這天在這邊逗留，就試試這邨的食店。芝士船，只有頂頭兩片硬物是芝士，中間毫無餡物。體積又小，單吃此包作早餐，不久便會餓。其後巧合下吃到蛋撻，不太厚皮，還不錯，蛋不太甜，曲奇皮夠脆，熱辣辣吃不錯。
繼續閱讀