影片
港鐵長沙灣站 A2 出口, 步行約4分鐘
繼續閱讀
營業時間
星期一至日
18:00 - 04:00
以上資料只供參考, 請與餐廳確認詳情
今日冬至我地選擇左le 間＜一家之煮＞估唔到今時今日d 小菜水準都keep得好好味同疫情無變，價錢總抵食過疫情前（之前疫情前le 間店好多人食晚飯，但因疫情le 間店轉左做兩餸飯而取消左堂食晚飯慢慢就減少左人客）講番今晚小菜：豉椒汁蒸白鱔（醬汁調教得好好味😋）另外水煮牛肉同沙薑雞都好好味😋😋
繼續閱讀
星期五早放來到長沙灣荔枝角行逛發現呢度都好多食店小店百花齊放想食咩菜式咩價位都有係舊區先有呢啲多元化睇連銷食店果啲好多地方都有得食難得來到我就想揀啲小店試吓支持下佢地行行下見到呢間一家之煮兩餸舖 阿姐好熱心咁介紹菜式話啲餸係五點幾煮好 新鮮熱辣肉餅係新鮮肉自製 魚大條又抵食 無味精靚湯熱情地招呼我入內我便卻之不恭 進去試試睇返餐牌有小菜 $42 一盒有孖寶套餐 $148兩餸一菜包湯白飯 都幾抵但我一個人 食唔到甘多都係叫返兩餸飯阿姐話啲餸日日唔同望落都幾新鮮幾靚的住家餸35蚊兩餸飯連湯 價錢真係好經濟實惠我揀咗肉餅和陳皮鴨腿比左錢再搵位坐低 阿姐拎呢個啡盤放好湯餸餐具過嚟 又提我枱上放有水、杯和紙巾可以隨意使用服務都幾殷勤 提供的用品都足夠係照顧客人需要方面比一般食店都用心仔細值得加許我五六點食比較早 店內都有不同位坐任我揀裝修都簡潔整齊 街坊小店的感覺講返食物合掌瓜紅蘿蔔湯係用心製作，無味精之餘仲食到食材的鮮味 兩餸飯加送菜 都幾大碟男人食都飽肉餅鬆緊適中係新鮮肉味 不是雪藏現成果啲阿姐果然無介紹錯 係良心推介鴨腿滷得唔錯 有陳皮味又都炆得軟身 易入口邊食邊見到陸續有街坊食客入來幫襯 更加覺得自己的隨心選擇得到街坊的認同食物味道好食過屋企 價錢又實惠係值得推介和回頭再食的隱世小店
繼續閱讀
我地到夜晚九點幾時段，決定了揀番平時嚟食開一家之主食家常小菜，四個餸包括美極蝦及勁大條的大眼雞魚; 再加上送老火湯同水果點，但價錢上只需四佰幾，非常之飽同滿足。特別係佢地晚飯後市段都有好多蒸魚揀，十分之開心！最多謝事頭婆後未知道我生日，仲請了我飲一杯水蜜桃檸檬冰，真係好多謝佢。所以我都請番佢請一份生日蛋糕
繼續閱讀
朋友帶我試過，之後都同男友食左幾次，質素keep得住，老闆娘日日去北河街買新鮮食材，靚魚可遇不可求，賣既蒸魚種類多，通常4至6條，上次食過深海泥鯭返尋味，上次無留意睇到張單咩咁貴$128，原來係2條大泥鯭，每條都手掌咁大，咁就好低食啦，陳皮蒸正呀！成日都講間野得唔得試小炒皇就知，小炒皇間間唔一樣，呢度個醬汁橙色既，第一次食呢個味道，有九菜花/新鮮豬頸肉/蝦乾/菜甫/腰果/洋蔥，如果有埋魷魚仲正例湯任飲，全無味精，啱晒鍾意飲湯既男友，白飯都係送，雖然無咩裝修，又唔係咩星級食市，百幾200蚊食到好質素
繼續閱讀
之前聽到啲同學仔媽咪話哩度啲嘢好食, 仲話老板娘好好人, 琴日就特登同屋企人去試...因為爸爸身體唔好唔等得, 所以我提前打電話去問駛唔駛訂坐, 相信聽電話果位係老板娘, 好爽快咁幫我訂咗位.我哋準時到, 原來果度地方都唔算好大...老板娘留咗張六人枱比我哋...同其他客人一樣, 一坐底老板娘就攞咗碗老火湯比我哋...老火湯幾好...真係似係自己屋企煲咁...唔覺味精...隨即老板娘叫我哋睇吓點咩菜, 提議我哋叫條魚...比咗張時價魚既價錢表我哋...但一入門口果時見到坐咗一枱三個人...嘩~佢哋條魚有成呎咁長...我真係嚇咗一跳...我諗除非三個人都好鐘意食魚...否則...點食得哂呀...唔駛叫其他餸囉...所以老板娘一叫我哋叫條魚...我就已經有啲卻步...但老豆鐘意食魚...咁就由老豆睇咗先啦~其他好多都應該係新鮮魚...本來我想叫龍躉(因為晌屋企兩家食過兩食都係二百多)...但佢哩度啲龍躉寫明係2斤4...我哋得三個大人兩個小朋友...真係食唔哂...然後我老豆諗住就小朋友, 叫煎胶魚無咁多骨...點知老板娘好似有啲唔高興咁話"胶魚好多骨唔啱小朋友食, 你蒸條魚好過啦~"胶魚我屋企不時都會煮...係中間一條大骨唔係多骨果啲...果吓老板娘咁講...我感覺當然唔多好...咁最後...我哋只係叫咗菜膽雞, 咕嚕肉同埋煎胶魚...個個都話好食既炸豬手只能等下次同老公一齊先可以試~咕嚕肉一向係兩個囡既至愛, 去食親中菜必叫...哩度既咕嚕肉味道調較得唔錯, 用既亦係新鮮菠蘿, 肉唔會硬...但好可惜一食落去就知道係落咗嘢去拿...同埋食唔到肉味...哩個真係好失望...煎胶魚不過不失...有魚既鮮味...菜膽雞個汁叫ok, 但雞肉好鞋...同埋拌碟既菜芯有啲老...埋單係二百幾蚊...價格相宜...不過我諗都唔會再為咗個豬手去第二次.......晌黃金果邊有兩間中菜館質素都比較好...仲唔駛走咁遠................
繼續閱讀