影片
港鐵銅鑼灣站 F1 出口, 步行約3分鐘
繼續閱讀
開飯介紹
坐落於利園二期3樓的The Leah是一間英式餐廳酒吧。The Leah致力於銅鑼灣心臟地帶打造城市綠洲，為客人提供由創意總監James Sharman設計的英倫風格Comfort Food。寬敞綠油油的戶外露台配上英式佳餚及美釀，喜好熱鬧氛圍的客人定會愛上這個充滿活力的新蒲點。
繼續閱讀
營業時間
星期一至日
11:00 - 17:30
18:00 - 22:00
公眾假期
11:00 - 17:30
18:00 - 22:00
公眾假期前夕
11:00 - 17:30
18:00 - 22:00
以上資料只供參考, 請與餐廳確認詳情
食家推介
招牌菜
相關文章
同學幾年不見，這是我們出去社會工作之後第一次食英國菜。Scotch Egg & Soldiers蘇格蘭蛋是其中一個英國比較有名的小菜，用香腸包著雞蛋，肉調味比較重，雞蛋呈現流心狀態，所以就會有外重裡淡的味道。Chicken with lemon butter外表色彩繽紛，看起來非常開胃，雞肉外面鋪滿帶有檸檬汁的芝士醬，雞肉尚算嫩滑，蔬菜都不會過熟，蠻好吃的。Macaroni & Cheese肥仔餐，芝士加白醬無得輸，很難說不好吃，是正常味道的菜。Wood ear mushroom Risotto因為有一位友人是半素食者，所以其中一個主菜是素食，它不算是正宗的義大利飯，偏向符合香港人的口味，醬汁類似pesto，主要味道都是靠芝士突出鹹味，口味相對的清淡。Sticky Toffee Pudding其中一個signature 甜品，不過味道口感令人失望，蛋糕質感少乾少硬。拖肥醬比較少，味道不明顯，雪糕普通，不建議叫。LAIBA Sour這個手調的whiskey cocktails 鹹酸味比較重，開頭入口酒精味重，但之後會變成帶有檸檬酸味跟鹽的鹹味，容易入口，而且有一點點的果仁香味。雖然小貴，可是值得一試。這間餐廳價錢定價偏少貴，而且份量不多，味道正常，適合胃口小的人來吃跟分享，而且環境優美，像是後花園一樣。
繼續閱讀
講起英國菜就會諗起Wellington Beef，今次特登去呢間餐廳就係衝住呢個威靈頓牛而黎！① Beef Wellington $988 / $838呢個係要pre-order既主菜，唔知點解我預訂左兩份大，但結果只有一份，好彩當晚即時都仲有份細既比我。侍應先拎份完整既Wellington Beef比大家影相，之後再成四件。大細兩個分別似乎唔大。牛肉中間粉嫩，肉質唔韌，食落唔會覺得好膩，配埋個紅酒汁係唔會失望。另外仲有個薯蓉好綿好軟滑，應該好邪惡，食到停唔到口！② Scotch Egg & Soldiers $98另一吸引我的就是這個蘇格蘭蛋，用肉碎包住溏心蛋拎去炸，味道略鹹，但配埋麵包條食都唔錯。③ Wood Ear Mushroom Risotto $168望落似綠豆蓉的意大利飯竟然唔算濃味，反而偏淡口，有少少失望。④ Caesar Salad $148最麵包粒換成麵包片，加埋隻溏心蛋，幾特別既凱撒沙律，不過無平時食開咁芝味。⑤ Lobster Pie $248⑥ Lancashire Hot Pot $220呢兩個批都幾貴價，龍蝦批有啖啖龍蝦肉響底，上層再鋪麵包，但份量太少，我一啖都分唔到，聽同事講話好味。另一個羊肉批，底層係焗羊肉蓉，面層係薯片，賣相，味道及口感令我聯想起貓罐頭，不過我係覺得好味既。⑦ Dover Sole $688呢條煎魚真係不得了，肉質唔滑，味道又淡，非常普通。如果唔係有人唔食其他肉類，我一定唔會叫呢條魚！⑧ Fish, Chips & Scratchings $198炸魚薯條係最基本菜式，餐廳做得唔錯，魚柳雖然有少少厚粉，但肉質幾嫩滑；薯條係厚切粗薯，質感幾好，配埋特製他他醬係幾滋味。⑨ Apple Pie & Nutmeg Custard $98①⓪ Sticky Toffee Pudding $98甜品方面叫左兩款，幾有驚喜。蘋果批果肉夠淋身，仲有肉桂味。拖肥布甸質感幾黏，加埋吉士醬都唔會覺得太甜。①① Passion De-Light $108①② Laiba Sour $108①③ Homemade Lemonade - Lychee & Gineger $65叫左幾杯飲品，兩杯係有酒精，Passion De-light係cucumber infused vodka溝青檸同熱情果，有陣清新味道；Laiba Sour則是溝入Whisky，nutmeg & hazelnut infused salter caramel，Lemon及Bitters，都算易入口；不過我最鍾意係荔枝溝薑味汽水，配搭新鮮，而且唔會太甜。不過侍應未問過我地就將仲有半杯既飲品收走，我心諗what？！.因為餐牌選擇唔多，我地都叫左半個Menu，整體餐點份量唔算大份，有啲都唔係好夠分一人一啖，味道方面有讚有彈，但以埋$5000，人均$600+呢個價錢去睇，性價比實在唔算高。睇埋餐廳配套，分室内同室外用餐區，幾有情調，環境唔錯。不過服務質素只係一般。
繼續閱讀
好久沒出外lunch了~ 很期待的說. 繞了一大圈才找到餐廳, 環境很舒適, 落地玻璃外是小花園般的室外雅座, 餐廳裡面也是充滿植物氣息的裝修~Set Lunch $280 per person(starter / soup & maincourse)⚜️ Butternut Squash Soup with Manuka Honey & Pine Nuts算是比較少見的Squash soup, 入口是真材實料的squash蓉, 但除此之外, 什麼味道都沒有.Honey味道嘗不到, pine nuts就是只加上去的garnish. 很單調, 感覺不到任何的用心.. ⚜️ King Prawn Papardelle (+$50)顏色奪目, 但乍看蝦好像煮得很老.. 首先Papardelle不是我喜歡的口感, 是比較彈牙而不是煙韌, 醬汁還不錯, 但不夠多, 也不夠掛麵. 蝦頭不用力就已分開, 肉霉的程度…不言而喻不新鮮也算了, 肉還是乾的, 煮的很老!上面的豆苗也討厭地超大條, 在醬汁不夠稠的情況下, 可以想像要吃的多狼狽才不至於弄髒衣服!很久沒這麼負評過一家餐廳了.
繼續閱讀
份量勁少，價錢不值得。lunch set兩個人吃了700幾，沒有吃飽。beef pie像是早餐份量的一個pie，salad也非常普通，rissotto也很一般。下次不會再來。
繼續閱讀
終於食到我心心念念嘅Beef Wellington😍。餐廳外面有個迷你花園，室內偏昏暗，裝修以簡約同綠色植物為主，睇過有review話夜晚會好嘈，但可能去嗰日撞正落雨，所以人唔多，出奇地都幾安靜🤫。✏️Scotch Egg& Soldiers $98 🍎9/10外層嘅免治豬肉好香口😋，唔會炸到油冧冧，半熟蛋都做到流心效果，面包條好香脆，點埋蛋汁食一流😋。✏️Beef Wellington $838 🍎8.8/10員工會係切件前，送上原條wellington俾客人影相先。中心嘅牛柳係嫩粉紅色，包裏住牛柳嘅鵝肝野菌醬比較鹹，要讚嘅係酥皮完全冇因為熱氣同牛柳釋出嘅水分而變淋到，依然堅挺酥脆😍，哩點好重要！至於牛柳本身就冇咩調味，質地偏軟淋唔算話特別Juicy，配嘅薯蓉好綿滑，但全部夾埋一齊食真係好漏，其實都幾大件，建議幾個人一齊share🫡，如果唔係好食都變唔好食😂。✏️Mac and Cheese $78 🍎6.5/10Side dish一樣揀咗個好漏嘅😂，芝士都足料嘅，但偏冇味，冇咗Mac and Cheese嗰種啖啖鹹香奶油味又邪惡拉絲嘅感覺😫。如果想食佢嘅招牌Beef Wellington，記住要Pre-order。因為menu上嘅大部分菜式都係以油炸烤焗為主，都幾漏下，最好就一大班人Share，以免食到個肚唔舒服😂。
繼續閱讀