292
18
5
| 餐廳: | 香江花月 (利舞臺廣場) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
電話號碼
23639698
66366688 (Whatsapp)
營業時間
今日營業
11:00 - 16:00
17:30 - 23:00
星期一至日
11:00 - 16:00
17:30 - 23:00
公眾假期
11:00 - 16:00
17:30 - 23:00
公眾假期前夕
11:00 - 16:00
17:30 - 23:00
*1100-1230（早市）
1230-1400（午市）
1400-1600（下午茶）
1730-2300（晚市)
以上資料只供參考, 請與餐廳確認詳情
有關獎賞計劃
優惠
| 餐廳: | 香江花月 (利舞臺廣場) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
2774 瀏覽
成為咗Lee Gardens Club會員後，發現多間餐廳都有九折優惠，週三晚收早，所以就好即興咁約咗三五知己試試其中一間「香江花月」。聽到餐廳名， XO仔即聯想到「香江花月夜」嘅梅姐，冇諗到餐廳大堂會選用哥哥嘅畫報裝飾正門前方嘅升降機大堂。佔用面積全層嘅火鍋店寬廣開揚，用餐大堂光線充裕，弧形嘅散座又真係幾似電視劇中嘅舞廳格局喎。最中央位置為自助混醬區，兩邊高高嘅圓柱桶均為豉油，混唔混都會收$25/位。每位席上擺有齊備嘅自用及公用餐具，感覺都好衛生。埋位每人先送一杯清新怡神嘅洋甘菊茶，細杯仔底隱約露出條肥嘟嘟嘅錦鯉，相當盞鬼！飲品牌只有一頁。爛飲鬼結果開咗兩枝紅酒。眼見六人用餐要分兩個煲，所以就應推介其中一邊點咗個包一款鮮味頭盤、火鍋湯底及時令海鮮拼盤嘅「鍋心暖意」套餐（優惠價$2,188；原價$2,988）。另從火鍋紙上多個項目加選配料。（厚本彩圖餐牌太多頁，小肥嗰日懶冇影到。）不過就冇試到啲摩登點心同甜品。鍋心暖意套餐之澳洲龍蝦刺身（原隻）：套餐嘅頭盤揀咗鮮甜爽脆嘅澳龍刺身，如果怕生的話可以灼一灼先食。個殼仲可以浸埋入去滾，令湯底更為鮮濃。鍋心暖意套餐之白湯人參鍋（原價$228）：奶白色嘅人參雞湯底其實都幾甜，不過個藥材味都幾重吓，最正係入面滑嘟嘟嘅鴨血。日本牛乳玫瑰鍋（$168）：同樣呈奶白色嘅玫瑰鍋底反而得個靚字，浮面朵玫瑰花原來係用日本牛乳冰製而成，滾湯時會慢慢溶，下面托底件木瓜就要用人手整爛。湯底係就係好滑，不過唔係好飲得出有玫瑰香，用木瓜味牛奶打邊爐始終有啲怪怪地。鍋心暖意套餐之時令海鮮拼盤：如相所示，拼盤內含爽彈嘅蝦蝦、鮮脆嘅鮑魚仔、幼嫩嘅帶子同甜美嘅花蛤，共四款海鮮，每款最少有四隻。香江拼 – 手切肥牛、牛柳粒、安格斯肥牛、牛小腿、牛白肉、牛心頂、黑柏葉、牛脷（$798）：顏值最高嘅牛肉拼盤每款分成小碟，有啲仲兩、三碟咁圍住個火鍋邊，唔洗標籤注明都睇得出牛牛嘅部位。中間有個窿嘅擺盤設計可善用餐桌嘅位置，邊食仲可以人手轉，個個都夾得到。切得夠薄身嘅手切肥牛同安格斯肥牛都好軟熟，牛柳粒最有嚼勁，個人最欣賞爽潤香甜嘅牛白肉，唯一唔係好識點煮個黑柏葉，烚極都好似好韌咁。花滿園（$238）：豬羊雙拼用架上，高雅嘅雙層賣相一樣好慳位，上格半肥瘦嘅豬肉片柔潤帶爽。下層嘅羊肉睇落都好薄，不過自己怕羊肉羶所以冇試到。蓮藕片（$38）：意外地，白雪雪嘅蓮藕片清爽脆巧。生根（$28）：脹卜卜嘅生根都好新鮮。娃娃菜（$48）：娃娃菜葉多夠清甜，最啱細佬口味！一口鮮蝦滑（$78）：蝦滑爽甜彈牙，必吃推介！鮮冬菇（$28）：肥嘟嘟嘅冬菇清香可口。碧綠萵筍（$48）：平時都幾鍾意食萵筍，不過唔知係咪唔啱季節呢，盤中嘅萵筍塊好似苦苦地。黃沙豬潤（$58）：厚肉嘅黃沙潤煮前已富光澤，煮熟咗後亦爽潤柔滑。姬松茸野菌餃（$88）、冬菇薺菜餃（$88）、自家製韭菜餃（$68）：「香江花月」幾款餃餃全部都包得好工整，餃皮厚薄適中，不過食落，用菇菌作餡嗰兩款嘅味道偏淡，反而最平嘅韭菜餃最爽嫩惹味。銅鑼灣火鍋店「香江花月」通爽闊落，服務生好客友善，廚房用材優質，菜式大多美觀味佳，睇得出各方面都花過心思設計，好迎合現今愛打卡嘅世代！懷舊嘅裝潢配上時尚嘅火鍋湯底同配料，橫跨時代嘅主題有啲似劇集中嘅穿越時空咁，置身其中都幾過癮。
繼續閱讀
今日屋企人話帶我去「香江花月」打邊爐餐廳位於銅鑼灣利舞臺廣場未去之前都覺得一定係正嘢嚟 😋果然不出我所料，一去到就俾成間餐廳驚艷到！超級有氣派！啲座位全部都勁闊落，餐廳中間仲要有架古董味十足嘅車係度！啲嘢食都非常吸引，有好多特色湯底可以揀我哋揀咗「日本牛乳玫瑰鍋」，真係有朵玫瑰係度！打卡一流！我哋仲叫咗好多火鍋配料：伊比利亞黑豚嫩肩胛：因為屋企人唔食牛肉，我哋揀咗呢款「伊比利亞黑豚嫩肩胛」，伊比利亞黑毛豬算係豬入面和牛嘅級數，肥美得嚟肉味濃郁，呢款嫩肩胛更係不可多得好食嘅部份，我梗係要淥多兩片 👍🏻即炸響鈴卷、皇帝菜、自家製魚皮餃：響鈴脆得嚟唔會好油膩，淥三秒拎起，連埋啲湯汁一齊食，打邊爐必點！七色丸：七色丸係七隻唔同顏色嘅手打丸，每粒都爽口彈牙 👍🏻白鱔片：屋企人至愛！白蘿蔔件：連蘿蔔件都要切成花，睇得出餐廳真係好用心做好每個細節！酸梅湯：比之前飲過嘅都好飲！今餐所有嘢都非常滿意，多謝屋企人推介 👍🏻
繼續閱讀
今日去咗銅鑼灣間香江花月同朋友打邊爐，一去到門口，發現依間非一般既火鍋店金碧輝煌，有架好靚嘅電單車喺中間，裝修好有舊香港既風味。我地揀咗日本牛乳玫瑰鍋，未食野前飲咗幾啖湯底，真係超好飲，好香牛乳味，好滑，有朵玫瑰花喺湯中間，好靚。酸梅湯，酸酸地好開胃白鱔片，好爽口，好新鮮冰凍蜂巢豆腐、手打蟹籽墨魚滑、超甜粟米、台灣鴨血皇帝菜白蘿蔔件伊比利亞黑豚嫩肩胛，好嫩日本烏冬，好彈牙七色丸，個架好靚即炸響鈴卷，夠哂脆
繼續閱讀
香江花月裝潢高級精緻，走香港八十年代風格，座位以梳化位為主，坐得好舒服。一入到餐廳就會見到正中舞台擺置一部古董電單車，非常吸睛。餐廳仲設有酒吧corner, 可以睇得中餐廳對cocktail嘅認真。醬汁吧非常整潔，配料都好齊全，不過如果可以加上辣椒油就更好。湯底方面有不少獨特湯底，不過我地偏愛基本所以選擇左鴛鴦鍋底(芫茜皮蛋拼沙嗲)！芫茜湯清清地啱哂打邊爐，沙嗲湯好香但唔會太鹹或太油。火鍋料我地叫左桂花蚌，鯇魚片，鯇魚腩，黑豚嫩肩胛等，桂花蚌好鮮甜，鯇魚片唔係脆肉鯇，少少失望不過非常新鮮鮮甜！黑豚都好好味。另外手打墨魚滑都彈牙，推介！成餐邊爐打得好舒服，坐得舒服食物又不錯，啱哂一班朋友黎打住邊爐吹水。不過留意餐廳晚市只做邊爐，我地男場見到有想食小菜嘅客人起身走左。
繼續閱讀
店內佈置非常精緻，餐廳十分寬敞，中間擺了一架古董車作展覽，又有酒吧位置調配雞尾酒，十分新潮，適合打卡，係和朋友打邊爐的好去處。我們一行二人被安排了四人座位，並肩而坐，醬料吧齊全整潔，店員不時添加。鍋底方面我哋點咗最簡單嘅芫荽皮蛋拼沙嗲湯，芫荽份量十足，加入皮蛋馬蹄非常香甜。沙嗲湯底則非常惹味，濃濃嘅花生味不停喺鍋內翻滾食物方面我們點了豬肩肉，羊肉，牛白肉，中山脆鯇片，豬粉腸，桂花蚌，皇帝菜，油麥菜，蟹籽蝦滑，粉絲。整體食物質素中上，新鮮且份量不少。飯後我哋一啲都唔覺得口渴，證明餐廳沒有用到味精，真材實料，十分推介和女性朋友來試一試。
繼續閱讀