影片
以上資料只供參考, 請與餐廳確認詳情
食家推介
想分享一下係呢間餐廳用膳之後嘅一次體驗。係呢間餐廳岩岩開嘅時候就已經同男朋友成日去幫襯，因為覺得好好食，所以都成日帶唔同fd去食嘢，一有聚餐就8成都推呢間餐廳咁濟。但係最近幾次去嘅時候已經覺得樓面個哥仔同埋廚房d姐仔好似已經換晒人，不過味道又好似無乜太大轉變就算啦繼續有去食。上個星期帶左個番黎香港嘅親戚去食野，我地食飽左見出面冇人等緊就諗住坐多陣吹下水，但係餐廳D待應見我地食晒野就已經光速收晒枱面D野。其實都唔緊要啦都慣左香港係咁，不過真係見出面冇人等緊又有其他空枱先唔理繼續坐住先。跟住我地其中一個面對住廚房既FD見到廚房個呀嬸用泰文講左D唔知乜之後，個樓面就突然問我地要唔要芒果糯米飯，咁都知係逐客令，於是話唔要之後就買單走人。都係D常見既香港餐廳處理手法，到呢到都未至於會令我寫低呢篇野。跟住我地就去搵WC，點知我個親戚就無啦啦大叫話好似漏左頂帽，於是我就先衝番餐廳問啦。我自己番到餐廳之後就話：「我岩岩坐呢個位，個FD話漏左頂帽，想問下你地有冇汁到?」果時其實佢地已經汁好晒枱，而且係冇坐到人。個樓面哥仔就話：「我地都係岩岩汁好左，唔見有WO。咩色架？」我答左佢咩色之後，樓面哥仔跟住又用泰文問晒其他人，個個都話冇。呢個時候我都有不停望埋地下有冇。之後廚房個呀嬸就開聲：「我地有就汁番比你啦好冇？」跟住我就只能夠話喔，唔該就出左去，諗住望埋沿路有冇。跟住打電話比我親戚就話比佢間餐廳話冇汁到啦，然後會合。本身都諗會唔會係漏左係其他之前去過既地方，但係由於我地去餐廳途中有影過一張相，睇番張相係仲有帶住頂帽，時間係7點十幾分，而我地係餐廳食第一碟野係7點三十幾分，於是就確定冇漏係之前嘅地方。真係柯南上身、論相機食先嘅重要性。於是我地就番去間餐廳，今次我叫我親戚自己入去，然後用英文問佢地有冇。入左去一陣之後我親戚就拎住頂帽出左黎，然後話番比我地知佢一入去未開口，餐廳嘅員工們就你眼望我眼，然後佢一拎張相出黎問d員工有冇汁到頂帽，樓面就話有呀有呀，仲話係條街外面汁到)係呢到個故事就完左。Btw我唔會再去，仲推左咁多個fd入坑…唉898。
繼續閱讀
叫完野食 等足四十分鐘五分鐘就出碗白飯 椰青然後完全無其他野食全程不斷出外賣最後頂唔順 椰青 炸豬皮 白飯 埋單想走既時候（等四十分鐘）就出咖哩啦 不過食唔落啦 成肚氣全程仲好多旅客 嘈過廟街（利申：有催過單）
繼續閱讀
今日突然想食泰國野不過好食嘅如果港島區都要去中上環果邊所以行行下登龍街見有間好似新開冇耐嘅就入去試下我地order咗燒豬頸肉同蟹肉炒飯燒豬頸肉不過不失個蟹肉炒飯就都普通係冇鑊氣嘅version而且蟹肉太少幾乎係冇嘅不過就勝在有蟹膏嘅味道叫做都似食緊蟹肉炒飯唔知係咪因為價錢問題未係想像中咁出色可以話係普通平民食不過食泰國野最重要嘅鑊氣同香料味都好似欠缺咗所以未係真係想像中咁不過價錢冇另收加一hea食可以
繼續閱讀
燈籠街不嬲都好多美食，經過見到一間叫「食飯」嘅泰國餐廳🇹🇭係門口已經見到有好多客人，裝修望落都「試正」，就入去試試，點知好有驚喜😳🤩燒豬頸肉 $88豬頸肉燒到個外皮有少少濃邊，肉質好淋，但有咬口🐽點埋隔離個汁，少少辣仲惹味，而且佢每一舊都好大舊，份量都偏多，叫一碟大家一齊share 就啱啱好😋👍🏻豉油乾炒河 配蝦 $88係泰國食過佢哋啲河粉就一直心心念念，係香港好難搵到同一款咁寛同煙韌嘅河粉，然後竟然會係呢間餐廳食到同泰國差唔多嘅河粉真係太驚喜了🥹河粉炒得乾身，而且蝦仁都好新鮮同幾大隻🦐配埋菜同蛋一齊炒，超級惹味😳蒜蓉炒通菜 $88炒通菜就中規中矩，用蒜蓉炒冇咁濃味🥬可以中和返頭先上面兩道菜嘅味道，雖然簡單，但我已經好滿意🫶🏻椰子雪糕 $68原本以為餐牌嘅圖片只供參考，但原來佢一份真係有三大球雪糕，真係好驚喜🤣❤️雪糕有濃郁嘅椰子香味🥥但係我就嫌佢唔夠creamy，比較冰，可能雪得太耐，雪糕上面配咗啲小脆米同花生🥜食落更有口感😋.總括嚟講，呢間小店好有驚喜，每一碟菜都好有正宗嘅泰國菜味道，而且價錢都相宜，鍾意食泰國菜嘅你一定唔可以錯過🥰
繼續閱讀
啱啱路過銅鑼灣， 想買個外賣返屋企 見到呢一間 買了兩碗冬陰功湯麵 裏面只有三隻蝦 少少菜! 就沒有其他配料 價值160蚊 仲要係冰鮮蝦， 不嬲都好少寫食評 但係呢一間非常之差 ，唔會再有下次！！！！！！！！！！！！！！！！！！！！！！！！！！！！！！
繼續閱讀